klikoni këtu. - Ministria e Bujqesise, Ushqimit dhe Mbrojtjes se ...

Furrik, ~ edhe në kuptimin fig. Një mjedis i përgatitur për pulat që të bëjnë vezë, por
kërkohej që të mos merreshin gjithë vezët dhe më së paku të lihej një vezë në këtë furrik.
E zhvilluar më tej të lihej “diçka për sofër” të mos marrohej, turpërohej sofra.
Gjizake - emërtohet ngaqë brumi i bukës përzihet me gjizë, pak gjalpë dhe erëza si
dhiozma, (nenexhiku) dhe rigoni.
Grazhd, ti vërrisish në grazhd - një strukturë prej druri ose me gardh në stallë për të mos
shpërdoruar ushqimin nga bagëtia që u hidhej në grazhd. Shpërndarja dhe organizimi i të
ushqyerit në grazhd, quhej vërrisje.
Gjollë - Rrasa guri ku shpërndahej kripa për bagëtinë e imtë, ndërsa për ato të trasha,
gjedh dhe njëthundrakë u jepej direkt.
Gjoshtare, çelniku në disa zona, ishte ai ose ajo që përgjigjej për përgatitjen e bulmetit
dhe për përpjesëtimin e tij pas mbylljes së sezonit në raport me sasinë e qumështit apo
numrin e krerëve të pjesëtarëve të komunitetit.
Hortensis –(lat.) perimore, që i përket bimësisë të kopshteve; Hortikulturaperimekultura
Jufka – në zonën e Dibrës, Rishte në Mallakastër dhe në Labëri, prodhim
artizanal, shtëpiak i makaronave.
Jemeshe, nga turqishtja, ndoshta dhe osmanishtja, fruta duke përfshirë dhe
rrushin.
Katajk - ushqim, që nuk nënkuptohej buka; - haje katajkun bujarisht - mos merr
shumë në tasin, sahanin, e përbashkët në sofër; duhet të lësh dhe diçka për sofër, që
të mos e turpërosh atë; p.sh. nga 3 copa mishi (të prera, në veri) të paktën një nuk
duhet ta konsumosh.
Katund - Shih : Fshat versus katund
Kashnjet – Gështenjishte, masiv pyjor i veshur me gështenja; etimologjia shpjegohet
dhe nga latinishtja, Castanea sp. L. dhe nga sllavishtja ‘kashtanka”.
Kojri, kujri, korije në disa zona të Jugut, një masiv kryesisht kullosor pronë e
komunitetit. Sipas kanunit cilido që largohej nuk kishte të drejtë ta shiste ose ta
tjetërsonte të drejtën që kishte në ketë kojri. Ndërsa në rastin që do ta rikthente në tokë
buke, përsëri ai duhej ti nënshtrohej këtij Kodi: secila shtëpi e katundit në flamur, (bajrak,
I.Xh.) ka tagër me shti në punë aq tokë në kujri, sa të përfshijë rreth e rreth me gurë të
hedhur me dorën e majtë…… Do të ulet këmbëkryq dhe do të marrë një papërdhok në
dorë të majtë dhe e hedh në katër anët kryq e rreth vendit, ai vend është i tij.
Kolibe, - streha e qenit, pjesëtar i domosdoshëm i stafit sidomos në stane.
145