F:\Botime Design Elvira\Librat - Arct

76
SHËNDETI MENDOR DHE TË DREJTAT E NJERIUT
sa i përket ekzekutimit të vendimeve ) . Gjykata u rikujton autoriteteve shqiptare konkluzionet
e saj në çështjen Qufaj kundër Shqipërisë, ku parashtroi se, autoritetet shqiptare duhet të
merrnin masat e përshtatshme, me qëllim pajtimin me vendimin e formës së prerë dhe të
bënin kompensim për ndonjë dëm të shkuar ose të ardhshëm shkaktuar individëve nga
neglizhenca. Për rrjedhojë mos marrjen e masave nga autoritetet shqiptare për ekzekutimin
e vendimit të formës së prerë gjykata rithekson mendimin e saj se përbën shkelje të
proçesit të rregullt.
3.6 Çështja Ramiz Dauti kundër Republikës së Shqipërisë
Z. Dauti paraqiti kërkesën e tij më 12 Maj 2005 para GJEDNJ duke pretenduar shkelje të
nenit 6/1 dhe 13 të KEDNJ për shkelje të së drejtës për akses në gjykatë si një mënyrë për
të kundërshtuar vendimin administrativ. Në cështjen e tij Z.Dauti kërkonte marrjen e
kategorisë 2 të paaftësisë për punë nga autoritet përkatëse të komisioni mjekësor i caktimit
të aftësisë për punë si pasojë e një aksidenti në punë që ai kishte pësuar në vitin 1992.
Komisioni pas paraqitjes së kërkesës më mars 2001 nga aplikanti më 27 Shtator 2001
mori shqyrtim kërkesën dhe vendosi njohjen e paaftësisë për punë nga periudha e
aksidentimit me gjithë atë vendosi marrjen e përfitimeve të kërkuesit për periudhën Mars
2001 deri në Mars 2002 duke akorduar nivelin e 4 të paaftësisë për punë. Ai u konsiderua
nga komisioni sikur kishte pësuar aksident jashtë pune. Me 1 Tetor 2001 kërkuesi apeloi
vendimin në rrugë administrative tek organi epror i komisionit duke kundërshtuar vendimin
e mëparshëm. Apeluesi pretendoi se komisioni duke vlerësuar pësimin e aksidentit jashtë
pune kishte vlerësuar në mënyrë të gabuar rrethanat e cështjes duke pretenduar gjithashtu
statusin e kategorisë së 2. Komisioni i apelit më 30 Janar 2003 prishi vendimin dhe deklaroi
aplikuesin të shëndoshë për punë dhe të papranueshëm për përfitimin e benefiteve të
paaftësisë për punë. Pas njohjes që Z.Dauti i bëri me vendim të formës së prerë në Maj
2003 faktit të aksidentimit në punë nga viti 1992 më 9 qershor 2003 i drejtohet Gjykatës
së Rrethit Gjyqësor Tiranë për rrëzimin e vendimit të Komisionit të Apelit të Vlerësimit të
Aftësisë në Punë. Gjykata pasi shqyrtoi cështjen vendosi se në bazë të ligjit për sigurimet
shoqerore vendimi i komisionit të apelit ishte i formës së prerë dhe i pakundërshtueshëm
në rrugë gjyqësore. Po të njëjtin vendim lanë në fuqi Gjykata e Apelit dhe ajo e lartë. Po
kështu edhe Gjykata Kushtetuese, ku kërkuesi pretendoi shkelje të së drejtës për proçes të
rregullt si pasojë e mohimit të së drejtës për akses në gjykatë rrëzoi pretendimet e kërkuesit
duke mos konsideruar asnje shkelje të proçesit.
Cështja u morr në shqyrtim nga GJEDNJ me 13 Janar 2009. Gjykata pasi shqyrtoi cështjen
konstatoi se ajo ishte pjesë e të drejtës për një proçes të rregullt. Aplikanti pretendoi shkelje
të proçesit të rregullt ne përputhje me nenin 6/1 duke pretenduar se vendimet administrative
edhe në përputhje me ligjin shqiptar ishin të kundërshtueshme në gjykatë ndërsa përfaqësuesja
e shtetit shqiptar pretendoi se gjykatat e kishin marrë në shqyrtim cështjen dhe se vlerësimi
i rrethanave dhe provave nuk është pjesë e të drejtës për një proçes të rregullt.
GJEDNJ pranoi kërkimet e aplikuesit duke theksuar se e drejta për akses në gjykatë
përfshin brenda saj detyrimin që vendimet e organeve administrative të jenë të rishikueshme
në rrugë gjyqësore. Sipas saj gjykata në të paktën në një instancë gjyqësore duhet të
kishte shqyrtuar cështjen në themel dhe shprehur për pretendimet e palës. Duke u bazuar
në sa më lartë gjykata konstatoi shkelje të së drejtës për një proçes të rregullt si rrjedhojë
e shkeljes së të drejtës për akses në gjykatë parashikuar nga neni 6/1 i KEDNJ.