F:\Botime Design Elvira\Librat - Arct

SHËNDETI MENDOR DHE TË DREJTAT E NJERIUT 15
EKZEKUTIMI I VENDIMEVE TË GJYKATËS
EVROPIANE TË TË DREJTAVE TË NJERIUT
Erinda Bllaca,
MA
1.0 Si funksionon ekzekutimi i vendimeve
Palët e Larta Kontraktuese të Konventës Evropiane të të Drejtave të Njeriut janë angazhuar
të sigurojnë për çdo njeri që i përket juridiksionit të tyre të drejtat dhe liritë e përcaktuara
në Pjesën e Parë të Konventës dhe në këtë kuadër janë angazhuar “të vënë në zbatim
vendimet përfundimtare të Gjykatës për çdo çështje ku ato janë palë” (Neni 46 paragrafi i
1, i Konventës Evropiane të të drejtave të njeriut)
Në përputhje me Nenin 46, paragrafi 2, Komiteti i Ministrave është përgjegjës për
mbikqyrjen e ekzekutimit të vendimeve të Gjykatës Evropiane të të Drejtave të Njeriut.
Kur vendimi përfundimtar i është komunikuar Komitetit të Ministrave, ky i fundit fton
Shtetin e paditur ta njoftojë për hapat e marrë nga ai, për të paguar shpërblimin e drejtë
(kompesimin dhe/ose kostot dhe shpenzimet) të dhënë, si dhe për çdo individ, duke
përfshirë masat e përgjithshme që mund të jenë të nevojshme për të përmbushur detyrimet
ligjore të Shtetit për tu angazhuar ndaj vendimit. Në kryerjen e kësaj detyre Komiteti
ndihmohet, përveç sekretariatit të tij, nga një departament i posaçëm i Sekretariatit të
Këshillit të Evropës i cili është Departamenti për Ekzekutimin e vendimeve të Gjykatës
Evropiane të të Drejtave të Njeriut. Këtu theksohen lidhjet e ngushta mes ekzekutimit të
mirë, implementimit të drejtë të Konventës Evropiane të të Drejtave të Njeriut në Shtetet
anëtare të Këshillit të Evropës dhe jurisprudencës së Gjykatës Evropiane të të Drejtave të
Njeriut. 2
2.0 Plan Veprimi – Raport Veprimi
2.1 Përkufizime dhe objektiva
Ekziston një Memorandum i përgatitur nga Departamenti i Ekzekutimeve të vendimeve të
Gjykatës Evropiane për të Drejtat e Njeriut. Në propozimet e tij praktike për mbikqyrjen e
vendimeve të Gjykatës CDDH përgjithësisht paraqet vëmendjen e Komitetit në faktin që,
me qëllim shmangien e situatave të ngadalësimit, është esenciale që Shteti i paditur të
2
Këshilli i Evropës, ekzekutimi i vendimeve