Kutetea Haki za Binadamu - East and Horn of Africa Human Rights ...

inadamu nchini, kutambua matatizo maalum
na kutoa mapendekezo juu ya jinsi matatizo hayo
yanavyoweza kutatuliwa. Kwa msingi wa madaraka
yake, Mwandishi Maalum anatakiwa kuangalia
kwa makini hali ya watetezi wa haki za binadamu
nchini. Hata hivyo, mchakato huu unadhamiriwa
kutoa tathmini huru na isiyo na upendeleo, ambayo
itakuwa ya msaada kwa watendaji wote katika
kuimarisha mchango wa watetezi wa haki za
binadamu hali kadhalika ulinzi wao.
(I)Taarifa ya Mwaka kwa Mkutano Mkuu
wa Umoja wa Mataifa na Baraza la Haki za
Binadamu la Umoja wa Mataifa
Mwandishi Maalum huwasilisha taarifa ya mwaka
kwa Mkutano Mkuu hali kadhalika kwa Baraza la
Haki za Binadamu akielezea shughuli yake ya mwaka,
ugunduzi, na mapendekezo, ikiwa ni pamoja na
kesi zote alizoshughulikia na majibu yoyote kutoka
kwa Mataifa tokana na hatua za haraka au barua za
madai.
Tangu kuanzishwa kwa madaraka haya, wakati wa
vikao vya Mkutano Mkuu na vilevile Baraza la Haki
za Binadamu, washika madaraka hawa wawili hadi
sasa wamekuwa na taarifa madhubuti za umma
zikilaani tabia ya Madola kwa watetezi wanaofanya
kazi katika ngazi ya kitaifa, zikitilia mkazo juu ya
ukweli kwamba baadhi ya watetezi huwa hatarini
zaidi wakati wa vipindi vya uchaguzi wa kitaifa
wanapojaribu kushiriki katika mchakato wa uchaguzi
wa kitaifa.
Mshika madaraka wa sasa, Bibi Margaret Sekaggya,
pia ametoa taarifa juu ya masuala muhimu
kuhusiana na mada hii. Mwaka 2010, taarifa
yake juu ya hali ya watetezi wanawake wa haki za
binadamu iligusa masuala makubwa ya tabia ya
mwenendo wa kufanya mapenzi na utambulisho wa
kijinsia. Taarifa ya hivi karibuni inachukua muundo
wa ufafanuzi juu ya Azimio hili, ikitoa uchambuzi wa
haki zilizomo humo. Chombo hiki chenye manufaa
cha kumbukumbu za watetezi wa haki za binadamu
kinapatikana kwenye tovuti ya OHCHR katika:
http://www.ohchr.org/
Documents/Issues/Defenders/
CommentarytoDeclarationondefendersJuly2011.pdf
Maelezo ya anwani kwa kupeleka mapendekezo na kwa
mawasiliano zaidi
Mwandishi Maalum juu ya hali ya watetezi wa haki za binadamu,
Bibi. Margaret Sekaggya
k/k Ofisi ya Ubalozi wa Haki za Binadamu – Palais Wilson
Ofisi ya Umoja wa Mataifa, Geneva
CH 1211 Geneva 10
Switzerland
Kuwasilisha madai ya uvunjaji sheria dhidi ya mtetezi wa haki za
binadamu:
Barua pepe: urgent-action@ohchr.org au faksi: +41(0)
22.917.90.06
Tume ya Afrika kuhusu Haki za Binadamu
na Haki za Watu - Mwandishi Maalum
kuhusu Watetezi wa Haki za Binadamu
Katika kikao chake cha kawaida cha 35,
kilichofanyika tarehe 21 Mei – 4 Juni 2004 huko
Banjul, Gambia, Tume ya Afrika kuhusu Haki za
Binadamu na Haki za Watu kiliamua kumteua
Kamishna Janaiba Johm, kama Mwandishi Maalum
mpya kuhusu Watetezi wa Haki za Binadamu barani
Afrika . Nafasi yake ilichukuliwa na Bibi Reine
Alapini-Gansou mwezi Desemba, mwaka 2005,
mwanasheria kutoka Benin, ambaye alishika nafasi
hiyo hadi mwaka 2009. Mheshimiwa Mohamed
Khalfallah alishika nafasi hii mwaka 2010, na
kufuatiwa na Bibi Lucy Asuagbor kutoka mwezi
Novemba mwaka 2010 hadi mwezi Novemba mwaka
2011. Kwa sasa nafasi hii imeshikwa tena na Bibi.
Reine Alapini-Gansou. Tume ya Afrika kuhusu Haki
za Binadamu na Haki za Watu ni chombo cha kwanza
cha haki za binadamu kikanda kuunda utaratibu
maalum wa kushughulikia ulinzi wa haki za watetezi.
Uamuzi wa kumteua Mwandishi Maalum wa
watetezi wa haki za binadamu ni hatua ya
kushughulikia hatari kubwa inayowakabili watetezi
katika Afrika na haja ya kujenga msisitizo maalum
ndani ya Tume ili kuchunguza, kutoa taarifa na
kuchukua hatua juu ya taarifa kuhusu hali ya
watetezi barani.
Tume iliamua kumkabidhi Mwandishi Maalum
madaraka yafuatayo:
• Kutafuta, kupokea, kuchunguza na kuchukua
hatua juu ya taarifa ya hali ya watetezi wa haki za
binadamu katika Afrika;
• Kuwasilisha taarifa katika Kikao cha Kawaida cha
Tume ya Afrika juu ya hali ya watetezi wa haki za
binadamu barani Afrika;
• Kushirikiana na kuanzisha mazungumzo na nchi
wanachama, Taasisi za Taifa za Haki za Binadamu,
mabaraza baina ya serikali husika, mifumo ya
kimataifa na ya kikanda ya ulinzi wa watetezi wa
haki za binadamu, watetezi wa haki za binadamu
na wadau wengine;
• Kuendeleza na kupendekeza mikakati madhubuti
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili 7