Kutetea Haki za Binadamu - East and Horn of Africa Human Rights ...

Sura ya 4
Kampeni za Utetezi wa Haki za Binadamu
Mikakati ya kuendesha kampeni, kushawishi, na
kazi ya utetezi vinaweza kutumika kama zana na
watetezi wa haki za binadamu katika kazi yao ya
kulinda haki za watu wengine. Malengo ya kufanya
kampeni ni kuleta mabadiliko chanya, kuwafanya
watu watekeleze dhamira zao au kutimiza wajibu na
majukumu yao. Pia zinaweza kutumika katika kukuza
uelewa wa masuala fulani kwa mapana. Makala hii
inataka kutoa maelezo ya jumla ya msingi juu ya
namna ya kubuni mikakati ya kampeni inayofaa kwa
masuala mbalimbali na asili 19 tofauti za mashirika.
Kufanya kampeni juu ya haki za binadamu ni
njia muhimu ya kutafuta ukiukwaji wa haki za
binadamu na kuwafidia wale ambao haki zao
zimekiukwa. Watu binafsi na jamii wanaweza
kutetea haki zao wenyewe (angalia ukuaji wa hivi
karibuni wa uhamasishaji wa raia) au wengine
wanaweza kufanya kampeni kwa niaba yao, hasa
pale ambapo makundi hayana ufahamu wa haki zao
wenyewe au ushawishi wa kudai mabadiliko. Kwa
mujibu wa Kifungu cha 1 cha Azimio la Umoja wa
Mataifa kuhusu Watetezi 20 wa Haki za Binadamu,
“Kila mmoja ana haki, mtu mmoja mmoja na kwa
kushirikiana na wengine, kukuza na kujitahidi kwa
ajili ya ulinzi na utekelezaji wa haki za binadamu na
uhuru wa msingi katika ngazi za mkoa, taifa na ya
kimataifa”. Kwa kweli, kila mtu ana haki ya kufanya
kampeni kwa ajili ya haki za wengine pia na zao
wenyewe.
Mipango ya kampeni
Ili kampeni iwe ya mafanikio, lazima malengo
yawekwe kutegemea na mabadiliko unayotaka
kuleta. Malengo haya ni lazima yawe maalum,
yanayopimika, yanayotekelezeka, yenye uhalisia na
wakati maalum. Ili kujua malengo yako ni maalum
au yanapimika namna gani, lazima kwanza ujiulize
kile wewe mwenyewe unachotumaini na kutarajia
kuwa kitakuwa tofauti baada ya kampeni.
19 Makala halisi ya Carol Magambo na kufanyiwa marekebisho
na Rachel Nicholson Kiambatanishi cha vyombo vya habari
vya Kijamii (Sura ya 4.5) na Neil Blazevic
20 Jina kamili la Azimio ni: Azimio kuhusu Haki na Majukumu ya
Watu binafsi, Makundi na Vyombo Vya Kijamii Kuendeleza na
Kulinda Kiulimwengu Haki za Binadamu Zinazotambuliwa
na Uhuru wa Msingi. Inaweza kupatikana kupitia Ofisi ya
Ubalozi wa Umoja wa Mataifa wa Haki za Binadamu: http://
www.ohchr.org/english/law/freedom.htm
Pili, inabidi ufanyike utafiti ili kupata taarifa kwa ajili
ya mkakati wa kampeni yako. Kuelewa kikamilifu
masuala yaliyo hatarini ndiko kutakakosaidia uundaji
wa mkakati madhubuti. Hii itakusaidia kufafanua
tatizo unalojaribu kutatua na kufahamu, kwa mfano,
nani hukiuka na kwa nini haya hutokea. Unapofanya
utafiti ni lazima pia uweze kujibu maswali kama vile
ni ujumbe gani tunaojaribu kutoa na ni mabadiliko
gani tunayotaka kuyapata Kwa nini tunataka
mabadiliko haya Tunamlenga nani – ni wadau na
wabeba jukumu gani walio na ushawishi juu ya suala
hili Tulifanye namna gani jambo hili na tutumie
njia ipi Je, ni kwa njia ya intaneti, simu, vyombo
vya habari, mihadhara, mijadala, maandamano,
maonyesho au maandalizi ya dua Juhudi zetu
tuzilenge wapi Je, ni katika ngazi ya mahali husika,
kitaifa, kikanda au kimataifa Na mwisho kampeni
hiyo itafanyika lini Mtu anapofanya utafiti juu
ya masuala ya kampeni, inabidi aunde njia bora
ya kufikia malengo na kutumia mchanganyiko wa
mbinu mbalimbali za kampeni ambazo tutaziangalia
baadaye. Majadiliano ya timu ya kampeni juu ya
mbinu za kutumia yatathibitika kuwa ya manufaa
kwani itabidi faida na hasara zake zipimwe.
Huu ni mfano wa kampeni maalum, inayokwenda
hatua kwa hatua kupitia utafiti na mchakato wa
mpango:
Wewe ni shirika la kijamii la kiraia nchini Uganda
ambaye unataka kuona Muswada wa Sheria ya
Mahusiano ya Nchini unapitishwa. Inabidi ujiulize,
kwa nini tunahitaji Muswada huu upitishwe
Kutoa usawa kwa wanawake na wanaume katika
mambo yanayohusiana na ndoa, talaka na mali ya
familia.
Kwa nini mpaka sasa haijapitishwa
Kutokana na upinzani toka idara fulani za jamii.
Watu gani wana ushawishi katika mukhtadha huu
Wabunge, Mawaziri na wafanyakazi wa Wizara ya
Jinsia.
Sawa, kwa hiyo tutawashawishije watekeleze
Je, hilo linaweza kufanywa kwa kutia sahihi maombi,
maandamano au mikutano ya hadhara, au utetezi
binafsi kwa njia ya barua na mikutano itafaa zaidi
Nani mwingine anafanyia kazi suala hili – tunaweza
kuunda mitandao na mashirika mengine ya vyama
28
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili