Kutetea Haki za Binadamu - East and Horn of Africa Human Rights ...

Kiambatanishi cha 2
Rejea kuhusu Taratibu za Kimataifa na Kikanda
Taratibu za Kikanda na Kimataifa
Tume ya Afrika Kuhusu Haki za
Binadamu na Haki za Watu
Ikiwa imeanzishwa na Mkataba wa Afrika kuhusu
Haki za Binadamu na Haki za Watu, Tume hii
ilianza kutumika tarehe 21 Oktoba, 1986 baada ya
kupitishwa jijini Nairobi (Kenya) mwaka 1981 na
Mkutano wa Wakuu wa Nchi na Serikali wa Shirika
la Umoja wa Afrika, Tume ya Afrika ya Haki za
Binadamu na Haki za Watu inahusika na kuhakikisha
uendelezaji na ulinzi wa Haki za Binadamu na Haki za
Watu katika Bara la Afrika. Tume hii ina makao yake
makuu mjini Banjul, Gambia.
African Commission on Human and Peoples’ Rights
31 Bijilo Annex Layout, Kombo North District
Western Region
S.L.P. 673
Banjul, Gambia
Barua pepe: achpr@achpr.org
Simu: (220) 4410 505/4410 506
Faksi: (220) 4410 504
Tovuti rasmi: http://www.achpr.org
Mwongozo kwa ajili ya Ushiriki katika
Chama cha Kiraia: Utaratibu wa Nchi wa
utoaji Taarifa ya Tume ya Afrika kuhusu
Haki za Binadamu na Haki za Watu
Huduma za Kimataifa za Haki za Binadamu,
Chama cha Haki, Amani na Demokrasia, na Haki za
Binadamu za ‘Conectas’ (2011)
Mkataba wa Afrika hutoa majukumu maalum ya
Nchi Wanachama wa Umoja wa Afrika ili kutekeleza
Mkataba wa Afrika katika ngazi ya nchi. Hasa, kila
mwakilishi wa nchi atawasilisha kila miaka miwili,
kuanzia tarehe Mkataba unapoanza kutumika,
taarifa juu ya hatua za kisheria au nyinginezo
zilizochukuliwa, kwa lengo la kutimiza haki na
uhuru unaotambuliwa na ulioahidiwa na Mkataba
huo (Kifungu cha 62). 
 hutoa fursa ya kutathmini
hatua za Serikali ili kuendeleza haki zilizolindwa
katika Tume ya Afrika ya Haki za Binadamu na
Haki za Watu na itifaki zake, kubaini vikwazo ili
kufanikisha haki hizi, na kuandaa mapendekezo
kwa ajili ya kuboresha utekelezaji wake nchini.
Ushiriki wa vyama vya kiraia ni muhimu kwa ajili
ya kutofautisha na taarifa ya serikali, kuhakikisha
kuwa Tume ina picha sahihi ya hali ya mahali husika
na watu wake. Kwa ujumla, wawakilishi wa Serikali
wameonyesha ushiriki duni katika mchakato huu:
taarifa za wawakilishi wa nchi wengi zimepitwa na
wakati; Serikali zinashindwa kushiriki kikamilifu
katika Tume ya Afrika ya Haki za Binadamu na Haki
za Watu; na Tume haina uwezo wa kuhakikisha
ufuatiliaji unaofaa na utekelezaji wa mapendekezo
yake. Kwa kiasi kikubwa, vyama vya kiraia vichache
hushiriki mara kwa mara katika vikao vya Tume ya
Afrika ya Haki za Binadamu na Haki za Watu na vile
vinavyoshiriki mara nyingi havizingatii utaratibu
wa utoaji wa taarifa za Nchi. Zaidi ya hayo, ushauri
unaopatikana juu ya ushiriki wa vyama vya kiraia
kwa Tume ya Afrika ya Haki za Binadamu na Haki
za Watu hautilii sana maanani utaratibu huu.
Mwongozo huu ni juhudi za kukabiliana na pengo
hili na kuhamasisha vyama vya kiraia kushiriki
kwa kiwango cha juu zaidi katika mchakato huu.
Inatoa taarifa za msingi, ikielezea changamoto na
kushirikiana vidokezo vinavyohusu uzoefu halisi toka
kwa vyama vya kiraia vinavyofanya kazi na Tume ya
Afrika ya Haki za Binadamu na Haki za Watu.
Chanzo: http://www.ishr.ch/component/docman/doc_
download/1325-road-map-to-the-ahcpr-english
Kifaransa: http://www.ishr.ch/component/docman/doc_
download/1326-roadmap-to-the-achpr-french
Kanuni za Utaratibu wa Tume ya Afrika
ya Haki za Binadamu na Haki za Watu
Kanuni za utaratibu huimarisha miongozo ya
utendaji wa siku hadi siku ya Tume ya Afrika kuhusu
Haki za Binadamu na Haki za Watu. Hii ni pamoja
na muundo wa Tume, mamlaka yake, na utoaji wa
taarifa na taratibu ndogo.
Chanzo: http://www.achpr.org/english/ROP/Rules%
20of% 20Procedure.pdf
Mkataba wa Afrika kuhusu Haki za
Binadamu na Haki za Watu
Mkataba wa Afrika kuhusu Haki za Binadamu na
Haki za Watu (Mkataba wa Banjul), ambao ulianza
kutumika mwaka 1986, ni chombo muhimu zaidi cha
haki za binadamu katika ngazi ya kanda.
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili 59