Kutetea Haki za Binadamu - East and Horn of Africa Human Rights ...

ya ulinzi bora kwa watetezi wa haki za binadamu
na kufuatilia mapendekezo yake;
• Kuongeza ufahamu na kuhimiza utekelezaji wa
Azimio la Umoja wa Mataifa kuhusu Watetezi wa
Haki za Binadamu barani Afrika.
• Ili kutekeleza madaraka yake, Mwandishi
Maalum hupokea na kuchunguza taarifa kutoka
vyanzo mbalimbali, ikiwa ni pamoja na mashirika
yasiyo ya kiserikali, na masuala ya rufaa za haraka
kuhusu uvunjaji sheria dhidi ya watetezi wa haki
za binadamu katika kanda.
Tangu kuanzishwa kwa madaraka haya, Waandishi
Maalum pia wamedumisha mawasiliano ya mara
kwa mara na watetezi wa haki za binadamu kupitia
ushiriki wao katika mikutano ya kimataifa na
kikanda. Washika madaraka hawa pia walifanya ziara
kadhaa za nchi, ikiwa ni pamoja na ziara ya pamoja
na taarifa kwa vyombo vya habari na Mwandishi
Maalum wa Umoja wa Mataifa (tazama hapo juu).
Vilevile Mwandishi Maalum amewahamasisha watu
binafsi na mashirika yasiyo ya kiserikali kuwasilisha
kesi kuhusiana na watetezi wa haki za binadamu
kwa Tume ya Afrika. Chini ya Mkataba wa Afrika wa
Haki za Binadamu na Haki za Watu, Tume ya Afrika
kuhusu Haki za Binadamu na Haki za Watu inapewa
madaraka ya kupokea na kushughulikia mawazo
kutoka kwa watu binafsi na mashirika (Kifungu cha
55). Mtu yeyote anaweza kuwasilisha ujumbe kwa
Tume ya Afrika kuhusu Haki za Binadamu na Haki
za Watu kukemea ukiukwaji wa haki za binadamu.
Mlalamikaji au mwandishi wa ujumbe huo si lazima
ahusiane na mtendewa kinyume cha haki, lakini
mwathirika huyo lazima atajwe. Mawazo yote lazima
yaandikwe, na kutumwa kwa Katibu au Mwenyekiti
wa Tume ya Afrika kuhusu Haki za Binadamu na Haki
za Watu. Hakuna fomu au muundo maalum ambao
lazima ufuatwe katika kuandika mawazo hayo.
Maelezo ya anwani kwa kupeleka mapendekezo na mawasiliano
zaidi:
Tume ya Afrika kuhusu Haki za Binadamu na Haki za Watu
31 Bijilo Annex Layout, Wilaya ya Kaskazini ya Kombo
Mkoa wa Magharibi
S.L.B. 673
Banjul, Gambia
Miongozo ya Umoja Ulaya kuhusu
Watetezi wa Haki za Binadamu
Umoja wa Nchi za Ulaya kwanza ulipitisha
“Kuhakikisha Ulinzi - Miongozo ya Umoja wa Nchi
za Ulaya kuhusu Watetezi wa Haki za Binadamu”
mwezi Juni 2004, na toleo jipya lilisambazwa katika
mwaka 2008. Miongozo 2 hii inatoa mapendekezo
yanayotekelezeka kwa ajili ya kuimarisha hatua za
Umoja wa Nchi za Ulaya kuunga mkono mawasiliano
ya watetezi wa haki za binadamu katika balozi za
nchi wanachama wa Umoja wa Nchi za Ulaya na
nchi zinazoendelea katika ngazi zote pamoja na
katika mikutano ya haki za binadamu ya vyombo
mbalimbali, kama vile Baraza la Haki za Binadamu
la Umoja wa Mataifa. Miongozo hii ni sehemu
ya jitihada za Umoja wa Nchi za Ulaya kuhimiza
heshima ya haki ya kutetea haki za binadamu. Hutoa
mwongozo kwa vitendo kwa ujumbe wa Umoja wa
Nchi za Ulaya katika nchi zinazoendelea juu ya hatua
wanazoweza kuchukua kwa niaba ya watetezi wa
haki za binadamu walio hatarini, na kupendekeza
njia za kuunga mkono na kusaidia watetezi wa haki
za binadamu, katika mukhtadha wa Sera ya Pamoja
ya Nje na Usalama ya Umoja wa Nchi za Ulaya.
Miongozo hii pia hutoa msaada kwa ajili ya Taratibu
Maalum za Baraza la Haki za Binadamu la Umoja
wa Mataifa, ikiwa ni pamoja na Mwandishi Maalum
wa Umoja wa Mataifa kuhusu Watetezi wa Haki za
Binadamu, na mifumo mingine ya kikanda (kama
vile Mwandishi Maalum wa Tume ya Afrika kuhusu
Haki za Binadamu na Haki za Watu kuhusu watetezi
wa haki za binadamu). Umoja wa Nchi za Ulaya
husaidia kanuni zilizomo katika Azimio la Umoja
wa Mataifa kuhusu Watetezi wa Haki za Binadamu.
Hatua za vitendo
a) Ufuatiliaji, utoaji taarifa na tathmini.
Wakuu wa Balozi za nchi wanachama wa Umoja
wa Nchi za Ulaya tayari wanaombwa kutoa taarifa
za mara kwa mara juu ya hali ya haki za binadamu
katika nchi ambazo zimeteuliwa. Balozi mbalimbali
zinatarajiwa kushughulikia hali ya watetezi wa haki
za binadamu katika taarifa zao, zikibainisha hasa
tukio la vitisho au mashambulizi yoyote dhidi ya
watetezi wa haki za binadamu.
b) Wajibu wa Balozi za Nchi Wanachama
wa Umoja wa Nchi za Ulaya na ujumbe
wa Umoja wa Nchi za Ulaya katika
kuwasaidia na kuwalinda watetezi wa haki
za binadamu.
Ujumbe wa Umoja wa Nchi za Ulaya (yaani, balozi
za nchi wanachama wa Umoja wa Nchi za Ulaya na
ujumbe wa Umoja wa Nchi za Ulaya) wanafanya
kazi kubwa katika kutekeleza sera za Umoja wa Nchi
za Ulaya kwa watetezi wa haki za binadamu. Balozi
za nchi wanachama wa Umoja wa Nchi za Ulaya na
2 Inapatikana katika http://www.consilium.europa.eu/uedocs/cmsUpload/GuidelinesDefenders.pdf
8
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili