Kutetea Haki za Binadamu - East and Horn of Africa Human Rights ...

Mikakati ya ulinzi ni migumu, kwa sababu lazima
izingatie mambo ambayo yanaathiri usalama
wa wengine (kufuatia, kwa mfano, mfumo wa
vitisho-udhaifu-uwezo), pia jinsi wanavyofanya
wengine katika kujilinda wenyewe (mikakati
yao ya kukabiliana). Ili kukabiliana na utata huu,
tumeunda Mfumo wa Uendeshaji kwa Ulinzi
wa Ugani, unaotumika kwa watetezi wa haki za
binadamu 15 . Mfumo huu lazima uwe wa ufafanuzi
zaidi kuliko orodha rahisi ya kuzingatia: Ni lazima
utafakari mwingiliano na ushirikiano na migongano
ya vyombo vya aina zote vinavyofanya kazi katika
ulinzi, ili kutathmini matokeo ya aina mbalimbali au
shughuli za ulinzi kwa njia ya mpangilio zaidi ambao
ndio uliopo sasa.
Mfumo wa Uendeshaji kwa Ulinzi wa Ugani ni
chombo kikubwa na rahisi kutumika, kuchanganywa
na kudhibitiwa katika hali tofauti za shughuli za
ulinzi zinazofanywa na serikali, mashirika ya nchini
na mashirika yasiyo ya kiserikali, watu walioathirika
na mashirika ya kimataifa na mashirika yasiyo ya
kiserikali yaliyohusishwa. Mfumo huu unaweza
kutumika na mtu binafsi kwa chombo chochote
kati ya hivyo, wakati ikifanya au kufikiria kufanya
shughuli za ulinzi, au kwa makundi ya vyombo hivyo,
pamoja na mtazamo wa sekta nzima.
Mfumo wa Uendeshaji kwa Ulinzi wa Ugani una
hatua sita:
1. Uchambuzi wa mazingira na matukio;
2. Uchambuzi wa hatari (vitisho, udhaifu, uwezo);
3. Mikakati ya kukabiliana ya kundi athirika;
4. Hatua zilizochukuliwa na taasisi nyingine;
5. Hatua za kuchukua: Mikakati na Mipango;
6. Tathmini ya athari.
Hizi hatua 6 zinaweza kuchukuliwa pamoja na
watetezi ambao ulinzi wa usalama wao unapitiwa
upya, ili kupata mfumo wa pamoja wa ulinzi, ambao
ndio lengo la mwisho la mchakato mzima.
Hatua zaidi katika usalama na ulinzi wa
watetezi wa haki za binadamu
• Mafunzo katika usimamizi na mipango ya usalama
(kukiwa na watetezi wa haki za binadamu wa aina
mbalimbali, inabidi mafunzo haya yarekebishwe
kulingana na mazingira na uwezo wa aina
mbalimbali).
• Kuingiza suala la usalama katika mipango ya
kawaida ya kazi.
• Kutoa nyenzo muhimu kwa ajili ya usimamizi wa
usalama wa watetezi: rasilimali watu, fedha, njia
za kiufundi, n.k
Ili kufikia malengo haya, tunaweza kuchukua angalau
hatua 16 zifuatazo:
Mfumo wa Uendeshaji kwa Ulinzi wa Ugani (au
chombo kingine chenye lengo linalofanana) unaweza
kutumika kupitia mahitaji ya usalama na ulinzi wa
watetezi walio katika vitisho katika mazingira teule.
• Semina au warsha za mafunzo katika usalama
na ulinzi: Mafunzo yanaweza kuwa pamoja na
uchambuzi wa pamoja (kwa kutumia Mfumo wa
Uendeshaji kwa Ulinzi wa Ugani) uliotajwa katika
kipengele kilichotangulia, ili hatua zote mbili
zichukuliwe kwa mpigo.
• Semina au warsha za kufuatilia na kusaidia
mipango ya maendeleo na usalama iliyoundwa
baada ya mafunzo (warsha hizo lazima zifanyike
katika kipindi cha miezi 6-12 baada ya mafunzo
ya awali).
• Kutoa vitabu vya mwongozo wa usalama na ulinzi
na nyaraka za kumbukumbu.
• Utafiti zaidi ili kuboresha usalama na ulinzi wa
watetezi.
Kitengo cha Utafiti na Mafunzo ya Ofisi ya Ulaya ya
PBI kwa sasa kinazifanyia kazi mada hizi, na lengo
letu ni kupanua kazi hii kwa njia ya ushirikiano na
mashirika yasiyo ya kiserikali na taasisi nyingine,
ambazo zina lengo la pamoja la kushughulikia vizuri
mahitaji ya usalama na ulinzi wa watetezi wa haki za
binadamu.
Hapa tutaorodhesha mapendekezo kadhaa ya
malengo ya kutimiza kwa ajili ya usalama na ulinzi
wa watetezi wa haki za binadamu:
15 Kazi hii bado inaendelea na imefikiriwa pia itumiwe na IDP,
wafadhili, vyama vya wafanyakazi, nk.
16 Kitengo cha Utafiti na Mafunzo cha Ofisi ya Ulaya ya PBI
tayari kinafanyia kazi , pamoja na NGO nyingine kama vile
vyama vya kijamii vya kimataifa.
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili 17