Kutetea Haki za Binadamu - East and Horn of Africa Human Rights ...

watetezi wa haki za binadamu, watendaji wasiokuwa
wa kiserikali na chama cha kiraia inapaswa kuwa
lengo la msingi. katika hatua yoyote ya kuchukua.
Kuelezea umuhimu wa kuchukua hatua za pamoja
kwa niaba ya ulinzi bora wa watetezi wa haki za
binadamu, inahitaji kueleweka kiasi cha ukubwa wa
eneo la kujihusisha nalo linaloweza na ambalo ni
lazima lifanyiwe kazi. Kutetea mageuzi ya sheria na
sera ni eneo moja tu linalohitaji kushughulikiwa kwa
juhudi. Ushawishi kwa ajili ya kupitishwa kwa Azimio
la Umoja wa Mataifa kuhusu watetezi wa haki za
binadamu kama chombo cha kitaifa chenye masharti
ya kisheria, na kuanzisha mikakati ya kuhakikisha
uzingatiaji wake vitasaidia wazo la watetezi wa haki
za binadamu kwa ujumla pamoja na watetezi wa
haki za binadamu hasa. Wakati huo huo itaweza
kuwawajibisha watendaji wasio wa kiserikali kwa
ukiukaji wa haki za watetezi wa haki za binadamu.
Hata hivyo, marekebisho ya sheria hayawezi kuwa
suluhisho pekee. Mabadiliko hayo yanahitaji kwenda
sambamba na kulenga mawazo na miundo ambayo
husaidia kuendeleza hali iliyopo sasa ya kutokuwa
na usawa na fikra za hali ya kuwa mwanamme na
ya kuwa mwanamke. Matatizo yanayowakumba
watetezi wa haki za binadamu tena na tena toka
ndani ya jamii na familia zao kwa misingi ya kazi
yao yanahitaji kuchukua hatua za ziada zinazolenga
imani zinazoidhinishwa na mila na utamaduni. Kwa
hiyo, kwa kufanya kampeni na uhamasishaji kwa
jamii ni muhimu.
Mbali na kazi ya kushawishi iliyoelezwa hapo
juu, watetezi wa haki za binadamu wanaofanya
kazi mahali hapo wana hatari maalum kabisa
zinazowakabili katika kazi zao na uwezo wao wa
kutoa mchango kwa usalama wao wenyewe bado
haujatumika kikamilifu. Sehemu nyingine za kitabu
hiki zinajaribu kuwaunga mkono watetezi wa haki
za binadamu kwa kuwapa taarifa juu ya usimamizi
wa usalama wao wenyewe na tathmini ya hatari.
Sehemu ya rejea katika kitabu hiki pia inatoa vitabu
maelezo zaidi ambayo kwa pamoja yatawawezesha
watetezi wa haki za binadamu kupata mafundisho
kwa ajili ya mahitaji yao maalum ya usalama.
Mashirika kadhaa kwa sasa yanatoa msaada kwa
ajili ya ulinzi wa watetezi wa haki za binadamu. Kati
yao shirika la ‘Front Line’ na ‘Urgent Action Fund
for Women’ ambayo maelezo yao ya mawasiliano
na maelezo mafupi ya fani yao ya kazi yanaweza
kupatikana katika kiambatanisho cha kitabu hiki.
Utambuzi
Uundaji wa programu mbalimbali ili kutambua na
kuheshimu kazi ya kishujaa ya watetezi wa haki
za binadamu inaweza kutumika kwa manufaa ya
kampeni kwa ajili ya kuonekana na kutambuliwa
kwa watetezi wa haki za binadamu na changamoto
zao maalum. Tuzo 35 za haki za binadamu zilizotolewa
kwa wanawake watetezi wa haki za binadamu
zinaweza kutumika kama motisha muhimu katika
kazi yao, ambayo haishughulikii wazo lao binafsi tu
bali pia hutoa fursa ya kuimarisha kuonekana kwa
mafanikio na changamoto za watetezi wa haki za
binadamu.
Mfano wa programu kama hiyo ni ‘International
Women of Courage Award’(Tuzo ya Kimataifa ya
Wanawake Jasiri) iliyotolewa na Mke wa Rais wa
Marekani Michelle Obama na Katibu wa Nchi Hillary
Clinton mwaka 2010. 36 Tuzo hiyo ilitolewa kwa
Mwanasheria wa Kenya, Ann Njogu, Mwenyekiti
wa CREAW, kituo cha sheria kinachotoa msaada
wa kisheria na warsha kuhusu haki za wanawake
kwa wanawake maskini kutoka maeneo ya vijijini.
Miongoni mwa programu nyingine za haki za
binadamu, Ann pia alisaidia kampeni kwa ajili ya
katiba mpya na kufanya kazi katika miradi inayohusu
ujinsia, urithi wa mjane na mahari. Kama sehemu
ya kazi yake, Ann amekabiliwa na matukio mabaya
katika kuendeleza haki za wanawake; amekuwa
akitishiwa, kukamatwa na kushambuliwa. Licha
ya yote haya, Ann bado anaamua kuendelea na
kazi yake, akionyesha juhudi kubwa kwa haki za
binadamu.
Kwa ujumla,, ni muhimu kwa watetezi wa haki
za binadamu wenyewe kutambua na kukabiliana
kwa bidii na changamoto. Hii inaweza kufanywa
vizuri zaidi kwa kushirikiana na kuunda mikakati
inayostahili kukabiliana na ukosefu wa usawa wa
msingi katika jamii, jambo ambalo kwa bahati
mbaya bado pia linaonekana katika harakati za
haki za binadamu. Kupata watetezi wenza kujiunga
katika harakati za haki za binadamu, itanufaisha
jambo hili, kwa kutumia uwezo wao na kupanua
wigo wa ushawishi. Watendaji wa Serikali na wasio
wa Serikali kutambua changamoto mahsusi za
watetezi wa haki za binadamu linapaswa liwe jambo
la kuzingatia zaidi la utetezi wa haki za binadamu
35 Kwa mfano ‘Ginetta Sagan Fund Award’, ‘Front Line Award’,
‘Martin Ennals Award for Human Rights Defenders’, ‘REEBOK
Human Rights Award’ au ‘Robert F. Kennedy Human Rights
Award’.
36 ‘Human Rights Watch’, “Defending Women in Kenya” (Kutetea
Wanawake nchini Kenya)” tarehe 19 Aprili, 2010. http://www.
hrw.org/en/news/2010/04/19/defending-women-kenya
(ilipatikana tarehe 1/12/11)
38
Kutetea Haki za Binadamu: Kitabu cha Marejeo kwa watetezi wa Haki za Binadamu | Toleo la pili