Ukuvangela Okucabindlela - Pioneer Missions

UHLELO LUKANKULUNKULU NGEMPILO YAKHO –
Isigaba 1
Uqeqesho Lokwenza Abafundi Bendawo abaholi – Isifundo 2
Waylon Moore
1. Wakudalelani uNkulunkulu? “Udumo Lubengolwakhe”
“Uma umuntu ekhuluma,makakhulume njengokwamazwi
kaNkulunkulu. Uma umuntu ekhonza, makakhonze ngamandla
awanikwa nguNkulunkulu adunyiswe kukho konke ngoJesu
Kristu okukuye inkazimulo namandla kuze kube phakade
naphakade, amen.” (1 kaPetru 4:11)
“Ngakho-ke noma nidla, noma niphuza, noma nenzani, konke
kwenzeleni udumo lukaNkulunkulu. Ningakhubekisi nabaJuda,
namaGreki nabandla likaNkulunkulu.” (1 kwabaseKorinte 10:31-32)
2. Udunyiswa kanjani uNkulunkulu?
“Onikela ngomnikelo wokubonga uyangidumisa, oqaphela
indlela yakhe ngiyakumbonisa insindiso kaNkulunkulu.”
(AmaHubo 50:23)
“Kanjalo makukhanye ukukhanya kwenu phambi kwabantu
ukuba babone imisebenzi yenu emihle badumise uYihlo
osezulwini.” (Mathewu 5:16)
“UBaba uyakhazimuliswa ngalokhu ukuba nithele izithelo
eziningi, nibe ngabafundi bami.” (ngokukaJohane 15:8)
“Nibe-nenkambo enhle phakathi kwabezizwe, ukuze lapho
benihleba ngokuthi ningabenzi bokubi, ngokubona imisebenzi
yenu emihle badumise uNkulunkulu ngosuku lokuhanjelwa.”
(kaPetru 2:12)
Noma yini eniyakuyicela egameni lami ngiyakukwenza ukuba
uBaba akhazimuliswe eNdodaneni.” (ngokukaJohane 14:13)
202
“Kepha anazi yini ukuthi umzimba wenu uyithempeli likaMoya
oNgcwele okinina, enimamukele kuNkulunkulu, nokuthi anisibo
abenu na? Ngokuba nathengwa ngenani elikhulu. Ngakho-ke
mbongeni uNkulunkulu emzimbeni wenu.” (1 kwabaseKorinte
6:19-20)
“Ufanele wena Nkosi yethu noNkulunkulu wethu ukwamukela
inkazimulo nodumo namandla, ngokuba nguwena owadala izinto
zonke, nangenxa yentando yakho zaba khona zadalwa.”
(Isambulo 4:11)
3. Singamthokozisa kanjani uNkulunkulu?
“Nihambe ngokufanele iNkosi, niyithokozise ngakho konke,
nithela izithelo emisebenzini yonke elungileyo, nikhula
ekumazini uNkulunkulu, niqiniswe nokuqiniswa konke
ngokwamandla enkazimulo yakhe, kuze kube ngukubekezela
konke nokubhekakade ngokujabula, nibonga uYise.”
(kwabaseKolose 1:10-11)
“Ngokuba lokhu kuyintando kaNkulunkulu, ukungcweliswa
kwenu, ukuba nidede ebufebeni ukuba yilowo nalowo kini
akwazi ukuhlala nomkakhe ngobungcwele nangokuhlonipha (1
kwabaseThesalonika 4:3-4)
“Kepha-ke ngaphandle kokukholwa akwenzeki ukumthokozisa;
ngokuba ozayo kuNkulunkulu umelwe ukukholwa ukuthi
ukhona nokuthi ungumvuzi walabo abamfunayo.”
(kumaHeberu 11:6)
“Kepha thina esinamandla sifanele ukuthwala ubuthakathaka
babangenamandla, singazithokozisi thina. Yilowo nalowo kithi
makathokozise umakhelwane, kube kuhle aze akheke, ngokuba
noKristu akazithokozisanga yena, kepha kunjengokuba
kulotshiwe ukuthi: ‘ukuthuka kwabathukayo kwehlela phezu
kwami.”’ (kwabaseRoma 15:1 -3)
203