Ukuvangela Okucabindlela - Pioneer Missions

Kwaba umzuzwana lapho akhululeka ngokupheleleyo
kangangoba waze welula isandla sakhe wayithinta inja.
Singabantwana bakaNkulunkulu ngesikhathi simnika uqobo
lwethu. Ungumvikeli wethu. Uyisiphephelo sethu
nesabantwana bethu. Uyasithanda ngakho ekwesabeni
kwethu kufuneka sibalekele kuye. Ezandleni Zakhe uxosha
ukwesaba. Akukho ukwesaba uma siphila impilo yethu
imihla ngemihla phansi kwamaphiko akhe ngokumlalela
uJesu Kristu.
Kwakukhona indoda eBhayibhelini Elidala eyayinguDavide.
Wadlula ezindaweni eziningi ezazinzima ngoba indoda eyayi
inkosi uSawule yayifuna ukumbulala. UDavide esefunda
amaqiniso amaningi ngoNkulunkulu esondela eduze kwakhe
wabhala izinkondlo eziningi okwakuthiwa “AmaHubo” Lezi
yizinkondlo ezigqugquzelwe nguNkulunkulu ukuze
kufundiswe ngoNkulunkulu. Zingu 150 azibhalwanga zonke
uDavide, kodwa ziyatholakala eTestamenteni Elidala.
Wabhala izinkondlo ezimbalwa ngokwesaba, kodwa kukhona
le engiyikhethile ukuthi ngiyifunde nani sizindle ngayo
kuleliviki – AmaHubo 27 ifunde ngesikhathi somkhuleko
wakho kuleliviki. Uma ungenalo iBhayibheli elidala
sengivele ngikubhalele leliHubo likhona lapha. Cela
uNkulunkulu ukuthi akufundise ukubeka phansi ukwesaba
ugibele ezandleni zakhe zothando nokuphepha.
*Vala leliviki ngomthandazo, kodwa yiba nomngane
ikakhulukazi wobulili obufanayo. Xoxani ngezinto enizesabayo
ezimpilweni zenu. Bese nithandazelana ngakho lokhu kwesaba
nikubeke kucace kuNkulunkulu. Celani uNkulunkulu asuse
ukwesaba afake ukholo lwakhe. Mtshele ngesifiso sakho
sokumethemba nangalezozinto ezesabekayo.
320
AmaHubo 27
UJehova ungukukhanya kwami nensindiso yami; ngizokwesaba
bani na? UJehova uyinqaba yokuphila kwami; ngizakuba-novalo
ngobani na? Ekusondeleni kwababi ukuba badle inyama yami
abamelene nami nezitha zami, bayakhubeka, bawe. Noma impi
imisa ngakimi, inhliziyo yami ayesabi; noma ngivukelwa
ngukulwa, nokho nginethemba. Kunye engikucela kuJehova,
ngiyakufuna khona: ukuba ngihlale endlini kaJehova izinsuku
zonke zokuphila kwami ukubona ubuhle bukaJehova, ngibuke
ithempeli lakhe. Ngokuba uyangithukusa edokodweni lakhe
ngosuku lokuhlupheka, angicashise ekusithekeni kwetende lakhe,
angiphakamisele edwaleni. Nakalokhu ikhanda lami
lizakuphakama ngaphezu kwezitha zami ezingihaqileyo;
ngizakunikela iminikelo yokwethaba etendeni lakhe,
ngihlabelele, ngidumise uJehova ngogubhu.
Yizwa, Jehova, ngikhala ngezwi elikhulu; yiba-nomusa kimi,
ungiphendule. Kuwena othi: Funani ubuso bami, inhliziyo yami
ithi: Ubuso bakho, Jehova, ngiyabufuna. Ungafihli ubuso bakho
kimi, ungaxoshi inceku yakho ngokuthukuthela; wena ulusizo
lwami, ungangilahli ungangishiyi, Nkulunkulu wensindiso yami.
Ngokuba ubaba wami nomame bangishiyile, kodwa uJehova
uzakungamukela. Ngifundise indlela yakho, Jehova, ungihole
endleleni ekhanyayo, ngenxa yezitha zami. Unganginikeli
entandweni yezitha zami; ngokuba ofakazi bamanga bangivukele
kanye nabafutha ukudlozomela. Yeka, uma bengingathembanga
ukubona okuhle kukaJehova ezweni labaphilayo! Lindela
uJehova, uqine, inhliziyo yakho ime isibindi; yebo, lindela
uJehova.
321