2012 - Esch sur Alzette

3. Conservatoire de musique / 4. Relevé et rôle supplétif / 5. Subsides ordinaires / 6. Subsides extraordinaires
sortschäffen, den Här Tonnar fir d‘Organisation
scolaire provisoire 2012/2013.“
Schäffe Jean Tonnar (LSAP): „Jo, Merci,
Madame Buergermeeschter. Et ass effektiv
déi provisoresch Schoulorganisatioun.
Déi definitiv kënne mer selbstverständlech
eréischt am November stëmme wa mer
wësse wéi vill Elèven ageschriwwe sinn.
D‘Inscriptioune fänken dës Woch un a
ginn déi nächst Woch virun. Dir wësst
dass d‘Zuel ëmmer ronderëm eng 1.000
Elève sinn. Dat ass ëmmer déi Zuel déi
mer wëllen erreechen, déi mer och déi
lescht Joeren ëmmer haten a wou mer
och am Kapp musse behalen, vu dass
mer elo esou vill iwwer Studente
geschwat hunn, dass och eng Partie Studente
wäerten an e Conservatoire wëlle
goen. Duerfir kënnt do och eng Problematik
op eis duer.
Dir fannt hei fir d‘éischt mol d‘Enseignanten.
Déi sinn alphabetesch opgezielt
mat hirer Matière déi se enseignéieren.
Hir Zuel vun de Stonnen, hire Statut an
hire Grad. Dir fannt e puer déi mat Stabilo
agedroe sinn, déi wäerte mer nächste
Freiden ënner Personalfroen erëmfannen,
well dat si Personalfroen déi liicht Modifikatioune
kréie wou een e Contrat à durée
indéterminée kritt, wou ee manner Stonne
kritt, wou ee méi Stonne kritt an déi
hu mer nächste Freiden am Gemengerot
ënnert de Personalfroen. Dat si meeschtens
Enseignanten déi mer scho ganz
laang hunn an déi eng ganz gutt Aarbecht
maachen an ech wollt hei profitéiere
bei där provisorescher Schoulorganisatioun
fir där neier Direktioun an deem
ganzen administrative Personal wéi och
den Enseignanten an alles wat ëm eise
Conservatoire dréint, villmools Merci ze
soen. A mer si ganz frou, dass déi Transitioun
esou gutt iwwert d‘Bühn gaangen
ass an dass keng Problemer entstane
sinn, wat jo ëmmer ka si wann eng Direktioun
esou laang en place war an dann
an d‘Pensioun geet. Wat awer iwwerhaapt
net de Fall war.
Da fannt Dir e groussen Tableau mat
allem wat enseignéiert gëtt an dat gëtt
dann an deenen 10 Tableauen déi hannendru
kommen, eenzel opgelëscht,
Eveil, Formation musical, Solfège, all déi
déi dat gemaach hu wësse wat dat en
haarde Kampf ass. Mä et muss awer si
wann ee wëll Musek maachen. Tableau 3
Formation pédagogique, Chef de choeur,
Chef d‘orchestre, Formation vocale, dat
sinn alles wat mat Gesang ze dinn huet.
Clavier wat vu Piano iwwer Uergel, Clavecin,
Akkordeon geet. Formation instrumentale,
d‘Korden, Vents (bois), Dir hutt
all Matièren déi an eisem Conservatoire
enseignéiert ginn. D‘Cuivre, d‘Perkus-
sioun, Déchiffrage, d‘Lecture an d‘Transpositioun.
Da kënnt Musique de
chambre. Da kënnt Jazz, d‘Danzen a wat
och e ganz wichtege Punkt ass, d‘Diktioun
déi mer souwuel op däitsch wéi op
franséisch wéi op lëtzebuergesch ubidden.
Dir gesitt eis Offer am Conservatoire ass
ganz breet an ech géif Iech bieden déi
provisoresch Schoulorganisatioun esou ze
akzeptéieren. Si ass och mat engem Avis
favorable vun der Commission culturelle
déi sech dee Moment als Commission de
surveillance du Conservatoire zesumme
fonnt huet, approuvéiert ginn an ech
profitéieren dann och där Kommissioun
an hirer Presidentin e grousse Merci ze
soen.
A wann nach Froe sollte sinn, dann äntweren
ech gär, mä mir kommen am
November en détail doropper zréck mat
der Zuel vun den Elèven a mat den Taux
de réussite an esou weider. Ech soen Iech
villmools Merci.“
Buergermeeschter Lydia Mutsch (LSAP):
„Merci, Här Tonnar. Kéinte mer dann zur
Ofstëmmung kommen?“
Conseillers présents:
M. Marc Baum – Mme Taina Bofferding
– M. Daniel Codello – M. Marco
Goetz – M. Mike Hansen – M. Henri
Hinterscheid – M. Théid Johanns – M.
Martin Kox – Mme Lydia Mutsch – M.
Jean Tonnar – M. Paul Weidig – M.
Everard Wohlfarth
Le Conseil Communal approuve à
l’unanimité l’organisation scolaire
provisoire du conservatoire de musique
de l’exercice 2012/2013.
4. Relevé et rôle supplétif de
l‘impôt foncier pour les exercices
2010 et 2011; décision
Buergermeeschter Lydia Mutsch (LSAP):
„Mir kéimen da bei de Punkt 4, de Relevé
et rôle supplétif vum Impôt foncier fir
d‘Exercicer 2010/2011. Dir hutt d‘Chiffere
gesinn an Ärem Dossier. Mir wiere frou
do Ären Aval ze kréie fir dass mer déi
Suen offiziell an de Beidel kéinten eranhuelen.
Au vote.“
Conseillers présents:
M. Marc Baum – M. Daniel Codello –
M. Marco Goetz – M. Mike Hansen –
M. Henri Hinterscheid – M. Théid
Johanns – M. Martin Kox – Mme Lydia
Mutsch – M. Jean Tonnar – M. Paul
Weidig – M. Everard Wohlfarth
Escher Gemengerot vum Freideg 6. Juli 2012
12
Le Conseil Communal approuve à
l’unanimité le relevé et rôle supplétif
de l’impôt foncier précité relatif aux
exercices 2010 & 2011.
5. Subsides ordinaires; décision
6. Subsides extraordinaires;
décision
Buergermeeschter Lydia Mutsch (LSAP):
„Mir kéimen dann zum Punkt 5 an och 6,
quitte dass mer se separat ofstëmmen,
vun de Subsides ordinaires. Dat eng sinn
déi Subsiden déi ëmmer vun den eenzelne
Kommissioune proposéiert ginn an
d‘Subsides extraordinaires sinn déi déi
vun eiser Subsidekommissioun proposéiert
sinn.
Wat de Volet vun den ausseruerdentleche
Subsiden ubelaangt, esou ass et d‘Vëlo-
Unioun Esch, d‘Association des Victimes
de la Route wou mer am Fong eng Memberskaart
huelen, eng Kotisatioun. An déi
aner Projeten hu mer als Dosser ONG
ausgewisen, wou mer mat den zoustännege
Gremie kucke wéi eng mer huelen,
well mer do därmoosse vill Demanden
hunn an am Fong just e puer Stéck pro
Joer huelen, esou dass et à ce stade just
déi zwou sinn. An déi aner sinn déi
regulär Subside vun den zoustännege
Kommissiounen. An da géinge mer wéi
all Kéiers nom nämlechte System an da
géinge mer Iech froe fir fir d‘éischt den
ordinäre Subsiden Ären Aval ze ginn.“
Conseillers présents:
M. Marc Baum – Mme Taina Bofferding
– M. Daniel Codello – M. Marco
Goetz – M. Mike Hansen – M. Henri
Hinterscheid – M. Jean Huss – M. Théid
Johanns – M. Martin Kox – Mme Lydia
Mutsch – M. Jean Tonnar – M. Paul
Weidig – M. Everard Wohlfarth – M.
André Zwally
Le Conseil Communal approuve à
l’unanimité la liste des subsides ordinaires.
Buergermeeschter Lydia Mutsch (LSAP):
„Dann de Vote vun de Subsides extraordinaires.
Och hei war keng Wuertmeldung.“
Conseillers présents:
M. Marc Baum – Mme Taina Bofferding
– M. Daniel Codello – M. Marco
Goetz – M. Mike Hansen – M. Henri
Hinterscheid – M. Jean Huss – M. Théid
Johanns – M. Martin Kox – Mme Lydia