2012 - Esch sur Alzette

Taina Bofferding (LSAP): „Merci, just
ganz kuerz. Meng Ënnerstëtzung fir de
Projet hutt Dir. Et ass e ganz flotte Projet
a mir hunn hei iwwer Energiespuere
geschwat an do géif ech einfach mol
d‘Fro stellen, ob et normal ass, dass mir
hei am Sall d‘Heizung un hunn?“
Buergermeeschter Lydia Mutsch (LSAP):
„Fir mech jo, wa Wanter ass. Merci,
Madame Bofferding. Et wier dann um
Här Bernard an duerno déi Häre Weidig
an Zwally.“
Zénon Bernard (KPL): „Jo, Merci. Den
Här Schäffen Huss huet et schonn ugesprach,
wichteg ass an esou enger Situatioun
ze wësse wéi d‘Verdeelung vum
Kapital an esou enger Sociétéit ass. An
duerfir huet hien och berechtegterweis
dat Thema ugeschnidden, well soss,
deemno wéi déi Verdeelung ass, wann
d‘Proportiounen net stëmmen, dann
investéiert d‘Gemeng Esch vu mir aus
100.000 € anzwousch, wéi dat hei jo elo
ukléngt a si huet näischt ze soen. De
Risiko besteet wann eng ongesond Verdeelung
vum Kapitalinvestissement ass,
vun der Privatindustrie zum Beispill par
rapport zur Gemeng, dann ass dat u sech
net esou positiv.
Dat zweet ass, ech begréissen dee Virschlag
deen och elo vum Schäffe
gemaach ginn ass, dass och Sudstroum
do mat eragezu soll ginn an ech erënneren
drun, an dat ass awer elo vläicht op
engem aneren Niveau gelagert wat ech
soen, dass ech nach wie vor der Meenung
sinn, dass Sudstroum a Sudgaz solle
versichen eng gemeinsam Sociétéit ze
grënne fir international a regional méi
kompetitiv ze sinn am Zesummenhang
mat hirer Aktivitéit déi se developpéieren.
Ech ënnerstëtzen natierlech dee Projet do
mat deene Remarquen déi ech wëll
gemaach hunn.“
Schäffe Jean Huss (DÉI GRÉNG):
„Dann ass et um Här Weidig gewiescht,
mengen ech.“
Paul Weidig (LSAP): „Ech géif
mengen, dass dee Projet hei, Energy
Learning, e Projet ass dee sech am Fong
ganz gutt areit an d‘Ambitioune vun
enger Unisstad an och vun enger Stad
déi d‘Recherche a virun allem och d‘Innovatioun
staark ënnerstëtzt. Dass en an
esou eng Stad eragehéiert. Wat elo de
Kapital ubelaangt, do wäert eise Schäffen
nach eppes dozou soen, awer esou wäit
ech informéiert sinn, sinn aner Zommen
am Spill, haaptsächlech vun der Chambre
de commerce, vum Ministère oder vun
der FEDIL déi dach relativ importent sinn.
11. „Learning Factory“ à Esch
Et ass och eng Participatioun vun der
ARCELOR virgesinn. Ech mengen dozou
wäert de Schäffen nach e Wuert soen an
ech fannen et wichteg, dass mir als Stad
Esch do effektiv mat 100.000 € praktesch
um selwechten Niveau wéi Enovos an
dëse Projet eraginn.
Dass mer en zweet Standbeen an der
Gesellschaft kréien, dat ass, well Sudstroum
am Fong geholl, invitéiert gëtt fir
100.000 € eranzeginn. Dat entscheede
mir awer net, sondern dat misst am Fong
den Actionnaire unique, an dësem Fall de
Schäfferot décidéieren, awer net vergiessen
dann och nach den Avis vum Conseil
de surveillance ze froen.
Also nach eng Kéier, wéi gesot, et ass en
interessante Projet. E ganz innovative
Projet deen um Belval stattfënnt, dee wéi
dat och hei am Bréif steet, e Maillon supplémentaire
duerstellt an der Philosophie
vun der Cité des Sciences. Mir hunn, géif
ech mengen, als Stad ee groussen Avantage,
dass mir nach wierklech Stadwierker
hunn déi eis gehéieren. Mir sinn déi
eenzeg am Land. Mir mussen eis däers
bewosst sinn. Mir hunn do e ganz grousse
Potential a mir sollen dee wierklech
sënnvoll asetzen, dat heescht, dass mer
an d‘Richtung vun erneierbaren Energie
ginn. Eigentlech passt alles zesummen an
duerfir géif ech mengen, dass déi
100.000 € déi mer do investéiere ganz
gutt ugeluegt sinn an och déi 100.000 €
vu Sudstroum, déi gehéieren och vis-à-vis
vun aneren Träger, déi aner um Niveau
hunn. Natierlech Enovos ass en nationalen,
eng national Gesellschaft. Sudstroum
ass méi oder wéineger eng lokal, regional
Gesellschaft, desse musse mer eis awer
bewosst sinn. Mir mussen awer mat zwee
Féiss um Buedem bleiwen an ech fannen
dat eng gutt Initiativ, dass mer mat zwee
Standbeener, déi och finanziell net wéineg
duerstellen, mä dass mer do awer
Afloss behalen an där Gesellschaft an dat
läit wierklech an der Energiepolitik vun
eiser Stad. Merci.“
Buergermeeschter Lydia Mutsch (LSAP):
„Merci, Här Weidig. Dann de leschten
agedroene Riedner ass den Här Zwally an
duerno den Här Baum nach.“
André Zwally (CSV): „Merci, Madame
Buergermeeschter. Ech wollt am Numm
vun der CSV soen, dass mer dat do
selbstverständlech mat ënnerstëtzen. Eng
Formatioun an deem dote Beräich ass kee
Luxus. Mir wëssen alleguerte mat wat
dass mer konfrontéiert sinn innerhalb vun
der weltwäiter Ëmweltdiskussioun an
duerfir si mer och frou, dass hei eng Initiativ
geholl ginn ass fir um Niveau vum
Quartier Belval esou eppes opzerichten.
Escher Gemengerot vum Freideg 13. Juli 2012
33
Mir hunn elo hei vun deenen Acteure
geschwat déi sech mat erabréngen an déi
ganz Diskussioun eran, respektiv och an
dat wat soll gemaach ginn. Et ass fir eis e
wichtege Facteur, virun allem och dee
vum Statut. Ech mengen den Här Baum
wäert och op dat doten ze schwätze
kommen. Fir eis ass wichteg ze wësse wéi
déi Sociétéit, respektiv a wat fir eng Richtung
dass dee Statut geet, well mer einfach
der Meenung sinn, dass et hei net
nëmmen eleng dierf op wirtschaftlech
Aspekter opgebaut sinn. Et kann een e
bëssen d‘Impressioun kréie wann een déi
Acteure kuckt déi eigentlech hei am
Ufankstadium mat dobäi sinn, da begréisse
mer dat, mä et soll een awer och wëssen,
datt dat net soll mëssbraucht gi fir
nëmme wirtschaftlech Aspekter do erauszezéien,
mä et soll offe sinn an transparent
si fir jiddwereen dee wëll an där
doter Logik mat schaffen.
Deem gesot, si mer frou wann eng Offenheet
bleift. Mir sinn och frou wann Transparenz
dra bleift a mir sinn dann duerfir
och bereet fir dat heite mat ze ënnerstëtzen.
Ech soen Iech Merci.“
Buergermeeschter Lydia Mutsch (LSAP):
„Merci, Här Zwally. An dann elo awer de
leschte Riedner, den Här Baum.“
Marc Baum (DÉI LÉNK): „Merci,
Madame Buergermeeschter. Ech kann dat
wat virdru gesot ginn ass, just ënnerstëtzen.
Et ass wichteg, datt d‘Escher
Gemeng un deem dote Projet bedeelegt
ass, souwuel als Gemeng selwer wéi awer
och iwwert d‘Gesellschaft Südstroum.
Besonnesch en vue dovunner datt deen
anere groussen Acteur, Enovos, och an
där Sociétéit dran ass an datt déi Sociétéit
Know How entwéckelt an d‘Praktiken
entwéckelt déi immens wichteg sinn och
fir de Wirtschaftsstanduert Esch an datt et
aus där Perspektiv immens wichteg ass,
datt och Sudstroum dorunner participéiert.
Wat den Här Zwally virdrun ugedeit huet,
ass mengen ech effektiv wichteg. Och
den Här Bernard ass drop agaangen. De
Statut vun der Societéit an d‘Statute vun
der Societéit sinn immens wichteg. Wann
ee kuckt wéi eng Partner, mat wéi enge
Partner een et do ze dinn huet, kann
d‘Gefor bestoen, datt ee ganz séier an
eng Situatioun kënnt, datt dat eng Entwécklung
kéint huelen déi een net
onbedéngt wéilt an duerfir géife mir als
Lénk insistéieren doropper, wat souwisou
de Fall wäert sinn, datt dat nach eng
Kéier an de Gemengerot och kënnt,
nodeems mer elo de Budget votéieren, a
wou mer och nach eng Kéier kucken,
ween huet wéi eng Parten? Wéi sinn
d‘Décisiounsprozesser? Wéi fannen déi