Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
11. „Learning Factory“ / 13. Etat des restants de l‘exercice 2011 / 14. Modification budgétaire / 15. Devis et crédits spéciaux<br />
statt an där neier Societéit, well ech<br />
mengen datt dat och entscheedend ass<br />
fir den Erfolleg an och fir den Interêt vun<br />
der Gemeng.“<br />
Buergermeeschter Lydia Mutsch (LSAP):<br />
„Merci, Här Baum. Nach e puer Äntwerte<br />
vum Här Huss.“<br />
Schäffe Jean Huss (DÉI GRÉNG): „Jo,<br />
awer just e puer Äntwerten zu deene<br />
Remarquen déi gemaach gi sinn. Fir ze<br />
soen, datt de finanzielle Montage dee<br />
mer, wou mer Iech elo proposéieren dat<br />
hei ze stëmmen, fir déi 100.000 € do ze<br />
stëmmen, wou mer och wäerte versichen,<br />
well mer jo 100% Actionnaire vu<br />
Sudstroum sinn, dat och an deem Kontext<br />
esou duerch ze setzen. Ech mengen<br />
dat dierft eis jo net schwéier falen a<br />
selbstverständlech, Här Weidig, wäerte<br />
mer den Avis vum Conseil de <strong>sur</strong>veillance<br />
froen do derbäi. Ech mengen et ass ganz<br />
kloer datt mer dat wäerte maachen.<br />
Elo wat d‘Verdeelung vum Kapital<br />
u belaangt, muss een natierlech wëssen,<br />
well dat jo vum Här Bernard a vum Här<br />
Baum ugeschwat ginn ass, muss een<br />
natierlech wëssen, mir sinn net den<br />
Haaptactionnaire hei dran. Ech mengen<br />
dat ass ganz kloer. D‘Haaptactionnairen<br />
hei wäerten op där enger Säit sinn de<br />
Stat, d‘Ministèren an op där anerer Säit<br />
net Enovos, nee, mä d‘Chambre de commerce.<br />
Ongeféier gläichgewiichteg. Stat,<br />
Chambre de commerce. Well hei gesot<br />
ginn ass Enovos als een Haaptactionnaire,<br />
nee. Enovos ass e klengen Actionnaire an<br />
deem heite Projet. Mir sinn, wa mer<br />
d‘Gemeng a Sudstroum zesummen huelen,<br />
si mir méi e groussen Actionnaire,<br />
Gemeng a Sudstroum par rapport zu<br />
Enovos. Mir sinn awer op eng gutt Kollaboratioun<br />
zwësche Sudstroum an Enovos<br />
a Gemeng an Enovos an esou virun<br />
natierlech aus, an dat wëlle mer an<br />
Zukunft och esou maachen. Eventuell<br />
och op aner Projeten. Well et näischt géif<br />
bréngen, datt et zu iergendenger topescher,<br />
kommerzieller Konkurrenz géif<br />
kommen. Mir hunn eist Stadwierk. Mir<br />
verdeedegen d‘Interête vun eisem Stadwierk<br />
an op där anerer Säit si mer frou,<br />
datt Enovos als national Gesellschaft hire<br />
Siège op <strong>Esch</strong> bréngt, well dat fir eis ganz<br />
positiv wäert sinn. A mir wäerte kucken<br />
an deem Sënn Accorden, permanent<br />
Accorden och an Zukunft ze maache vu<br />
weiderer Zesummenaarbecht tëschent<br />
Enovos a Südstroum op där enger Säit.<br />
Mä hei ass jo méi e grousse Projet wou<br />
och ganz aner Acteure mat dobäi sinn.<br />
Mir stinn, wat d‘Statuten ubelaangt, a<br />
ganz enker Zesummenaarbecht mam<br />
Ministère, mat der staatlecher Stell fir ze<br />
kucken datt déi Saachen esou geregelt<br />
sinn, datt et fir eis net nëmmen um<br />
prinzi pielle Plang, um Plang vun den<br />
Ideeën eng richteg Saach ass, mä datt<br />
dee Projet och geléngt. Well et ass<br />
mengen ech vum Här Zwally gesot ginn,<br />
well een net nëmmen däerf no ekonomeschen<br />
Aspekter do kucken, mä et muss<br />
een awer och duerno kucken. Mir gi jo<br />
awer net hei an e Projet era fir datt herno<br />
ekonomesch Verloschter solle realiséiert<br />
ginn. Mir si schonn interesséiert drun,<br />
datt dat e Projet ass dee sech net nëmme<br />
wäert droen, mä deen och e gewësse<br />
Benefice eventuell no e puer Joer kann<br />
ofwäerfen, well et e Projet ass dee mer jo<br />
net nëmme fir eis Lëtzebuerger Betriber<br />
offréieren. Dat heescht déi Formatioun<br />
soll net nëmme fir Lëtzebuerger Industrien<br />
a Betriber offréiert ginn, mä mir<br />
gesinn dat schonn als e Projet dee fir<br />
d‘Groussregioun do ass, well an der<br />
Groussregioun ronderëm ass keen esou e<br />
Projet do. Ech hat et virdru scho gesot,<br />
an Däitschland an a Frankräich gëtt et<br />
esou Projeten, mä an der Groussregioun<br />
gëtt et keen. An et kann een also déi Servicer<br />
vu Formatioun zum Energie spueren<br />
an zur Energieeffizienz iwwert eis Grenzen<br />
eraus an der Groussregioun offréieren<br />
an ech wënsche mer souguer, Här Zwally,<br />
datt et wierklech e Projet gëtt dee vläicht<br />
no deem éischte Joer oder wat vläicht<br />
méi schwéier ass, duerno wäert esou vill<br />
Erfolleg hunn, datt e Beneficer ofwerft.<br />
Fir wat soll e keng Beneficer sollen däerfen<br />
ofwerfen? A wann e Beneficer da<br />
wäert ofwerfen, dann ass dat och fir eise<br />
Budget natierlech net schlecht, well mer<br />
Actionnaire mat dobäi sinn. Dat ass also<br />
de Stand vun der Diskussioun wéi mer<br />
Iech en hei kënnen ubidden. Ech soen<br />
Iech dat ganz éierlech, et ware keng liicht<br />
Verhandlunge fir dat doten ze maachen.<br />
Mir hunn awer dat erreecht wat mir wollten.<br />
Dat hu mer erreecht. Mir ginn als<br />
<strong>Esch</strong>er mat dran, mä mir ginn och mat<br />
eiser Elektrizitéitsgesellschaft mat dran,<br />
an de Projet do mat eran. An dat ass gutt<br />
esou, dat ass gutt dass dat elo esou ass<br />
an ech menge wann elo nach Detailfroe<br />
kommen iwwert d‘Fonctioun an esou virun,<br />
da komme mer natierlech, oder<br />
Ännerungen un deem engen oder anere<br />
Punkt, da komme mer natierlech nach<br />
eng Kéier bei Iech hei an de Conseil fir<br />
dat mat Iech ze dis kutéieren. Dat gesot,<br />
géif ech Iech proposéieren dann deene<br />
finanzielle Proposen hei zouzestëmmen.“<br />
Buergermeeschter Lydia Mutsch (LSAP):<br />
„Au vote.“<br />
<strong>Esch</strong>er Gemengerot vum Freideg 13. Juli <strong>2012</strong><br />
34<br />
Conseillers présents:<br />
M. Marc Baum – M. Zénon Bernard –<br />
Mme Taina Bofferding – M. Marco<br />
Goetz – M. Mike Hansen – Mme Annette<br />
Hildgen – M. Jean Huss – M. Théid<br />
Johanns – M. Martin Kox – Mme Lydia<br />
Mutsch – Mme Vera Spautz – M. Jean<br />
Tonnar – M. Paul Weidig – M. Everard<br />
Wohlfarth – M. André Zwally<br />
Le Conseil Communal décide à l’unanimité<br />
de donner son accord quant à<br />
une contribution directe à hauteur de<br />
100.000,00 e au projet «Energy Learning<br />
Factory» et de devenir membre<br />
fondateur de la ELF.<br />
12. Taxes, tarifs et redevances<br />
communales : adaptation;<br />
décision<br />
Dëse Punkt gouf op e spéideren Datum<br />
verluet.<br />
13. Etat des restants de<br />
l‘exercice 2011; décision<br />
Buergermeeschter Lydia Mutsch (LSAP):<br />
„Sou, mir kommen elo zu e bësse manner<br />
spannende Punkten um Ordre du<br />
jour déi awer och wichteg sinn. Dat<br />
éischt dat ass den Etat vun de Restante<br />
vum Exercice 2011 an do hu mer en Total<br />
vum Ordinaire vun 1,79 Mio wou ech<br />
Iech da géing bieden hei Ären Aval ze<br />
ginn. Au vote.“<br />
Conseillers présents:<br />
M. Marc Baum – Mme Taina Bofferding<br />
– M. Marco Goetz – M. Mike<br />
Hansen – Mme Annette Hildgen – M.<br />
Jean Huss – M. Théid Johanns – M.<br />
Martin Kox – Mme Lydia Mutsch –<br />
Mme Vera Spautz – M. Jean Tonnar –<br />
M. Paul Weidig – M. Everard Wohlfarth<br />
– M. André Zwally<br />
Le Conseil Communal décide à l’unanimité<br />
d’approuver l’état des restants<br />
2011 présenté par Monsieur le receveur<br />
communal.<br />
14. Modification budgétaire;<br />
décision<br />
Buergermeeschter Lydia Mutsch (LSAP):<br />
„Sou, mir hunn dann eng Modification<br />
budgétaire. Dat ass e bauleche Volet<br />
deen awer am Beräich vun de Schoule<br />
sech situéiert an dofir erkläert eise Schoulschäffen<br />
ëm wat et geet.“<br />
Schäffe Jean Tonnar (LSAP): „Jo, wéi<br />
mer bei der Schoulorganisatioun Iech jo
Change language