Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
wat a mengen Ae ganz wichteg ass fir<br />
unzekënnegen, wann een dräi Schrëtt<br />
weidergeet, dass een da gläich virun<br />
engem Hirsch steet.”<br />
Zénon Bernard (KPL): “E männlechen.”<br />
(Gelaachs)<br />
Taina Bofferding (LSAP): „Jo, dat<br />
gefält Iech.<br />
Et ass sécherlech och ganz sënnvoll<br />
gewiescht sech beim Märecherspark zu<br />
Beetebuerg ëmzekucken, fir esou vun<br />
hiren Erfahrunge kënnen ze profitéieren.<br />
Ech muss awer och agestoen, wou ech<br />
dat hei gelies hunn, ginn ech d‘Gefill net<br />
lass, dass hei nëmme gepléischtert gëtt.<br />
Fir mech feelt en éiergäizege Projet an<br />
Entwécklungsziler, virun allem en eenheetlecht<br />
Konzept mat Wäitbléck.<br />
Kolleginnen a Kollegen, fir mech bedeit<br />
den Déierepark net just eng Wiss oder e<br />
Stéck Bësch mat e puer Déieren drop. Et<br />
soll eng Aart Begegnungsstätte sinn. Et<br />
soll eng Ulafstell si fir all eis Leit, als Méiglechkeet<br />
fir sech ze entspanen, sief dat<br />
vun der dagdeeglecher Aarbecht oder fir<br />
einfach e bëssen ze relaxéiere bei Fauna a<br />
Flora. Eisen Déierepark soll zu enger<br />
Entdeckungsreess ginn, a mengt elo net,<br />
dass <strong>Esch</strong> Kaméiler oder en Af als<br />
Publikumsliebling brauch. Villméi brauche<br />
mer en Déierepark zum unzepake<br />
wou besonnesch Kanner an den direkte<br />
Kontakt mat den Déiere kënnen trieden.<br />
Och kéint e pädagogescht Konzept ausgeschafft<br />
ginn oder, firwat net, den Här<br />
Huss huet et schonn ugedeit, erëm e<br />
Päerdsstall also Reitstall mat Päerd dohinner<br />
ze setzen. Do kéint ee sech souguer<br />
virstellen, dass ee vläicht do kéint Studente<br />
beschäftegen déi dann do ganz<br />
flott fir grouss a kleng Abenteuer mat de<br />
Päerd kënnen ubidden. Oder firwat net<br />
och eng Aart Déiereparkschoul fir déi<br />
Kleng anzeriichte wou op eng spilleresch<br />
an erhuelsam Manéier geléiert ka ginn,<br />
wou och d‘Moyene gi si fir mat Virwëtz a<br />
Fuerscherdrang vill Interessantes a Spannendes<br />
iwwert d‘Liewe vun den Déieren<br />
ze entdecken.<br />
Den Déierepark, ass scho gesot ginn,<br />
feiert seng 50 Joer. Dëst ass eng ganz<br />
gutt Geleeënheet fir driwwer nozedenke<br />
wéi mir eise Park méi attraktiv, méi<br />
zukunftsorientéiert a virun allem méi drofäheg<br />
kënnen ze gestallten. Merci.“<br />
Buergermeeschter Lydia Mutsch (LSAP):<br />
„Merci, Madame Bofferding. Et wier dann<br />
um Här Johanns an duerno um Här Hansen<br />
an un der Madame Hildgen.“<br />
10. Parc animalier Gaalgebierg<br />
Théid Johanns (DÉI LÉNK): „Merci,<br />
Madame Buergermeeschter. Vir ewech<br />
wëll ech direkt soen, datt déi momentan<br />
nach Theorie vun deem Amenagement<br />
vum Déierepark komplett an déi richteg<br />
Richtung geet. Déi Infrastrukture wou do<br />
geplangt sinn, wäerten déi Plaz attraktiv<br />
a sënnvoll gestallten. Och begréissen ech,<br />
wéi d‘Madame Bofferding, d‘Zesummenaarbecht<br />
mam Beetebuerger Park déi<br />
effektiv e groussen Know How op deem<br />
Terrain hunn. Ganz begréissenswäert fannen<br />
ech och, datt deen Optrag vun der<br />
Realisatioun un de Jürgen Bergmann a<br />
senger Equipe geet. Déi bréngen et fäerdeg<br />
fir d‘Natur mat Besoin verschmëlzen<br />
ze loossen an dat op eng architektonesch<br />
verspillten Aart a Weis.<br />
Ech gesinn déi Realisatioun als Opwäertung<br />
vun der Natur. Ech mengen och,<br />
datt do muss Budget fräi gemaach gi fir<br />
déi Plaz ëmmer méi auszebauen. Et ass e<br />
Lieu public wou jiddwereen eppes dovun<br />
huet. Do hu mer d‘Méiglechkeet eppes<br />
Attraktives fir <strong>Esch</strong> an hir Awunner ze<br />
schafen an ech sinn iwwerzeegt, datt dee<br />
Site immens groussen Zoulaf kritt.<br />
De Jürgen Bergmann schafft och u fantasievollen<br />
Erliefnisspillplaze wou hien<br />
ëmmer nees Holz als Material gebraucht.<br />
Wéi seng Firma dat schonn am Beetebuerger<br />
Park bewisen huet, bréngt hien<br />
et fäerdeg de Kanner op eng spilleresch<br />
Aart a Weis natierlech Funktioune méi no<br />
ze bréngen.<br />
Ech wollt awer och elo d‘Geleeënheet<br />
ergräife fir kuerz iwwert déi vum grand<br />
Public am meeschte besichte Plazen a<br />
Weeër um Park vum Gaalgebierg anzegoen.<br />
Do kéint een an Zukunft och<br />
driwwer nodenke fir mat natierlechen Elementer<br />
Landschaftsgestaltung afléissen ze<br />
loossen, wéi dat zum Beispill an de Jardins<br />
de Wiltz de Fall ass. Dee ganze Beräich<br />
vun der Passerelle bis zum Déieregaart<br />
kéint mat enger visuell attraktiver Landschaftsgestaltung<br />
esou skulptéiert ginn,<br />
datt de Foussgänger permanent mat<br />
visuellen Effekter faszinéiert kéint ginn.<br />
Domat géife mer net just fir den <strong>Esch</strong>er<br />
mä och fir Leit aus der Ëmgéigend, Studenten<br />
an och Touristen eng Ursaach méi<br />
schafe fir de Gaalgebierg ze besichen. Wéi<br />
den Här Huss bei der Virstellung vum ORT<br />
schonn ugeschwat huet, kéint no enger<br />
ausgefeilten Iwwerleeung vun eisen neien<br />
Tourismusresponsabelen eng wirtschaftslech<br />
Quell fräi geluegt ginn.<br />
Et ass e grousse Räichtum, dass mir dee<br />
Park mat deem groussen Areal u Bëscher,<br />
Wanderweeër, fantastescher Minettslandschaft<br />
hannendrun hunn. Ech gesinn et<br />
als wichteg fir en attraktivt <strong>Esch</strong> un, wa<br />
mer mam Park dee gesamte Gaalgebierg<br />
géifen opwäerten, zemools zu engem<br />
<strong>Esch</strong>er Gemengerot vum Freideg 13. Juli <strong>2012</strong><br />
29<br />
Moment wou mer an <strong>Esch</strong> selwer bedingt<br />
duerch eis Stadplanung Gréngfläche verléieren.<br />
Merci.“<br />
Buergermeeschter Lydia Mutsch (LSAP):<br />
„Merci, Här Johanns. Et wier dann um<br />
Här Hansen.“<br />
Mike Hansen (LSAP): „Jo, Merci,<br />
Madame Buergermeeschter. Merci, Här<br />
Johanns, Madame Bofferding och Merci.<br />
Et ass Villes gesot gi wourop ech och<br />
wollt hiweisen. Mä als éischt wollt ech<br />
mol soen, ech sinn eent vun deene grousse<br />
Kanner dat och mat sengem klenge<br />
Kand do spazéiere geet. Ech freeë mech<br />
dofir wierklech, datt elo en neit Konzept<br />
presentéiert gëtt. E globalt Konzept dat<br />
mat enger Opbesserung vun Infrastrukturen<br />
a mat de Kollaboratiounen erschaaft<br />
gouf.<br />
Ech wollt do just och nach e puer Saache<br />
soen, datt et vläicht och méi e participatiivt<br />
Konzept sollt sinn, wou een d‘Visiteuren<br />
direkt abanne ka mat Froespiller,<br />
zemools mat de Kanner, fir se ze beschäftegen.<br />
Et ass jo net nëmmen déi Déieren<br />
déi se kucken, et soll een och eppes léieren.<br />
Den aktiven Déiereschutz mengen<br />
ech, ass en anert Thema wat een do och<br />
kéint abannen an d‘Konzept vun deem<br />
Park. Dat wär natierlech, wéi d‘Madame<br />
Bofferding och scho gesot huet, et huet<br />
och eng pädagogesch Roll an eng<br />
in formativ Roll.<br />
Dat war elo déi Haaptpunkte wou ech<br />
nach wollt soen. Mä ech wollt och nach<br />
eppes aneschters opgräifen iwwert den<br />
Tourismus. Ech fannen en opgewäerte<br />
Park, dat huet en Attraktivitéitsplus fir<br />
d‘Stad <strong>Esch</strong> an duerfir wollt ech och drop<br />
hiweisen, datt et am Tourismus och de<br />
Konzept vum Eco-Tourismus gëtt, wou<br />
een esou e Park mat, wéi den Här Johanns<br />
scho gesot huet, natierlecher Landschaftsgestaltung<br />
opbessert. An dat géif<br />
ech gär mat op de Wee gi fir op dee Wee<br />
ze goe wéi do en Zentrum vun Eco-<br />
Tourismus ob et mat den Déieren, ob et<br />
mat de Produiten ass déi do benotzt<br />
ginn, géife gär benotzen.<br />
Dat anert wat mech freet a wat ech och<br />
gutt fannen, dat ass datt et en oppene<br />
Park ass. Et kënnt ee vun alle Säiten eran.<br />
An duerfir ass et essentiell, datt et och<br />
eng Opbesserung vun de Weeër gemaach<br />
gëtt an eng besser Ausschëldung an deene<br />
Weeër. Well heiansdo trëppelt een<br />
duerch de Gaalgebierg, et kënnt een<br />
ëmmer am Park eraus, mä et wär awer<br />
besser wann ee géif méi wësse wou et<br />
higeet. Also dat war elo meng lescht<br />
Remarquen déi ech nach ze maachen<br />
hat. Et ass Villes gesot ginn an ech wollt<br />
och net alles widderhuelen. Merci.“
Change language