2012 - Esch sur Alzette

De Regierungsrot huet an enger Sitzung
vum Dezember d‘lescht Joer de CHEM
do matter beoptraagt Etuden an Travauen
ze entaméieren en vue vun engem Unisite-Spidol
an der Regioun Süden. An de
CHEM ass dunn op de Wee gaange sech
en externen Expert ze huelen an och sech
en Timing ze setze fir en Dossier, e méiglechst
kompletten Dossier un de Gesondheetsminister
ze ginn, datt deen deen
och ka mat senge Servicer analyséieren
an dann och schnellstméiglech dann an
der Rentrée mat engem Budget an de
Regierungsrot kënnen ze ginn, fir dass do
och déi noutwenneg Décisioune kënne
geholl ginn.
Dat ass also wichteg, dass mer op Grond
vun där Décisioun déi am Dezember um
Regierungsniveau gefall ass, datt mer och
hei dee Prozess hei innerhalb vun eiser
Gemeng ugefaangen hunn, och mir als
Vertrieder vun der Stad Esch am CHEM
hunn dat ganz aktiv begleet. Et gëtt do
och eng Commission d‘accom pagnement
wou mir als zwee Vertrieder, den Här
Zwally an ech, d‘Stad Esch vertrieden, déi
och do d‘Commission administrative,
loosse mer soen, mol informativ begleet
an och do den Dossier mat der Direction
générale a mat de betraffene Partner wéi
d‘Delegatioun an och de Collège mé dical,
dass déi dat aktiv begleeden.
Dann en anert Argument mengen ech,
dat läit op der Hand, firwat d‘politesch
Parteien hei sech ganz kloer eens ware
firwat d‘Südspidol op Esch gehéiert, dat
ass well mer eng laang Traditioun mat
deem bestoende Spidol hei hunn. De
CHEM, dat muss een awer mol vläicht
nach eng Kéier an Erënnerung ruffen, dat
war virdrun ëmmer den Hôpital de la Ville
d‘Esch-sur-Alzette, den HVEA. E gëtt elo
eben duerch d‘Fusiounsdiskussiounen an
d‘Fusioune mat Diddeleng an Nidderkuer
ass et zum Centre hopitalier Emile Mayrisch
ginn. Mä déi historesch Lienen déi
d‘Stad Esch an och mat der Arbed senger
Zäit geleet hunn, hei e Spidol op dem
Site vun Esch ze bauen, ass fir eis awer
mengen ech och eng Grondlag, dass mer
kënne bewosst soen, dass och dat zukënftegt
Spidol op eisen Territoire gehéiert.
Dann, an dat huet och d‘lescht Woch an
der Diskussioun am Huis clos hei stattfonnt,
dann däerf een awer och nach verschidden
Dokumenter rappeléieren, déi,
ech soen et direkt, mä well mer eis jo
awer eens sinn, wäert dat net an d‘Diskussioun
kommen, de Programme directeur
vum Aménagement du territoire
huet zwar keng Base légale, mä ass awer
vum Regierungsrot am Joer 2003 festgehale
ginn. An do ass ganz kloer gesot
ginn, dass d‘Stad Esch e Centre d‘ordre
moyen ass. An e Centre d‘ordre moyen
4.b. Motion Südspidol; décision
huet no deem Programme directeur vum
Aménagement du territoire och als
Aufgab, op sengem Territoire een oder
méi Spideeler mat spezialiséierten Doktere
virzefannen.
Also si mer och duerch esou Texter, géing
ech bal soen, homo logéiert fir dierfen hei
ganz aktiv ze froen, datt dat Spidol op
Esch kënnt.
Da sinn awer net nëmmen historesch Lienen
an och national Dokumenter wichteg,
mä och de Présent an och d‘Zukunft
vun eiser Stad bréngen et mat sech, datt
et ganz wichteg ass, datt dat Spidol op
eisen Territoire kënnt an dat ass nämlech
datt Dir wësst et alleguerten, 2014 d‘Universitéit
hir Dieren op Belval wäert
opmaachen an et ass extremst wichteg,
dass dat Südspidol an enger ganz noer
Proximitéit zu der Uni wäert gebaut gi fir
déi Lienen tëschent deenen zwou Institutiounen
och ganz kloer ze definéieren an
datt déi och onkomplizéiert kënnen
iwwert d‘Bühn goen.
D‘Accessibilitéit, d‘Mobilitéit fir an e Spidol
ze kommen, ass eppes ganz wichteges.
Net nëmme fir de Patient. De
Patient muss ganz einfach dohinner kommen,
mä och d‘Personal wat do schafft,
wat net wäert manner ginn. Et muss een
och rappeléieren, datt de CHEM ee vun
de groussen Arbeitgeber hei am Land ass.
Wann ech déi leschte STATEC News richteg
am Kapp hunn, mengen ech, si mer
ënnert den 10 gréissten Arbeitgeber hei
am Land an net wéi an anere Secteuren
décroissant, mä de Secteur hospitalier ass
doudsécher een deen net mam Personal
wäert erofgoen, mä éischter eropgoen.
An duerfir ass d‘Accessibilitéit op e méigleche
Site och ganz wichteg, awer och
d‘Accessibilitéit net nëmme fir d‘Escher
Patienten oder d‘Escher Personal, mä fir
dat ganzt. Och musse Sitë proposéiert
ginn déi och fir déi aner Gemenge ganz
einfach accessibel si mam Auto, mä awer
och grad esou wichteg mam Transport
public.
E lescht Argument menger Meenung no,
wat mer als Escher och hei op den Dësch
musse leeën, dat ass och ëmmer datt mir
vun Ufank un och ëmmer gesot hunn,
datt dat Spidol op Esch gehéiert, well et
och 100%teg eng Vocation transfrontalière
muss hunn.
Grenziwwerschreidend Spideeler ginn et
der ganz vill an Europa. Mir wäerte jo
och elo am September d‘Konstitutioun
vun eisem Groupement européen de
coopération territoriale endlech kënnen
an d‘Liewe ruffen op Grond vum neie
Préfet vun der Région Lorraine. Et gi ganz
vill Beispiller un der franséisch-spuenescher
Grenz. Et gi Beispiller un der franséisch-belscher
Grenz vu grenziwwer-
Escher Gemengerot vum Freideg 13. Juli 2012
18
schreidende Spideeler. Dat ass eng
Optioun déi mer eis net däerfe verbauen.
D‘Mobilitéit vun de Patienten um europäeschem
Niveau gëtt och elo ëmmer,
an och hir Rechter, gëtt och duerch europäesch
Direktiven ëmmer méi gekläert.
Do ass am Moment eng europäesch
Direktiv déi muss transposéiert ginn, déi
jiddwerengem, och eis, an anere Länner
als Patient méi Rechter wäerte ginn an
dofir ass d‘Vocation transfrontalière och
ee vun de Pilieren déi mir hei och an de
Virdergrond setzen.
Dofir, Madame Buergermeschter, proposéiere
mer als sämtlech Fraktiounen hei
eben déi Motioun, wou mer wierklech
ganz kloer soen, mir als Escher Gemengerot
drécken haut heimatter de politesche
Wëllen aus, dass alles soll op de Wee
geleet ginn, datt dat neit Südspidol soll
op Escher Territoire gebaut ginn. An
duerfir froe mer, Madame Buergermeeschter,
datt der Commission administrative
vum CHEM dräi potentiell Siten
um Escher Territoire solle presentéiert
ginn, datt den externen Expert déi kann
analyséieren an datt herno kann en bonne
et due forme d‘Décisioun geholl ginn,
datt dee Site deen am beschte appropriéiert
ass, soll zréckbehale gi fir dat
d’Südspidol kann drop gebaut ginn. Merci.“
Buergermeeschter Lydia Mutsch (LSAP):
„Merci, Här Codello. Mir hu schonn 2
Wuertmeldungen. Déi éischt ass déi vum
Här Kox an duerno den Här Bernard.“
Martin Kox (DÉI GRÉNG): „Merci,
Madame Buergermeeschter. Merci, Här
Codello, fir déi gutt Aféierung wou a sech
schonn dat Meescht gesot ass. Als laangjäregen
Acteur am Escher Spidol kann
ech aus Erfahrung schwätzen a gesi wat e
Site vun engem Südspidol dat de
Moment existéiert op 3 verschidde Plazen,
wat dat vu Problemer mécht.
Ech mengen et ass jo elo, Gott sei Dank,
eng national Virgab fir e Site unique ze
fannen an och anzeriichten. Awer logistesch
wat de Moment passéiert zwëschen
deenen 3 Siten ass extrem komplizéiert
an déi 3 Spideeler bleiwen nach wie vor
Friemkierper fir déi allen 3 an ech
mengen déi Idee vun engem Site unique
kann ech nëmmen ënnerstëtzen.“
Schäffe Jean Huss (DÉI GRÉNG):
„Martin, d‘Journaliste verstinn anscheinend
net wat s de seess.
Also vun der...“
Buergermeeschter Lydia Mutsch (LSAP):
„De Mikro e bësse méi no.“Schäffe Jean