Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
dann als Wuertmeldungen déi Häre Kox<br />
an Zwally a Baum.“<br />
Martin Kox (DÉI GRÉNG): „Merci,<br />
Madame Buergermeeschter. Merci och<br />
dem Här Hinterscheid fir seng Ausféierungen.<br />
Hei geet et am Prinzip nëmmen<br />
ëm e „Lot-Tausch“. Ech wëll awer op ee<br />
Punkt vun deem Lot Nr 7 agoen an deen<br />
effektiv hei ausféieren. Dësen neie Quartier<br />
Nonnewisen „Wunnen am Park“ huet<br />
spezifesch Critèren, ass bekannt. D‘Objektiv<br />
ass eng Sozialmixitéit, den héijen<br />
Energiestandard, vill Parkanlag an eng<br />
modern Mobilitéit. Et ass dee leschte<br />
Punkt deen ech hei elo wollt uspriechen.<br />
Et ass grad dëse Lot 7 iwwert deen hei<br />
informéiert ginn ass an deen als autofräie<br />
Quartier – net ze verwiessele mat „Wunnen<br />
ouni Auto“ – ugeduecht ass. Dëse<br />
Projet wëlle mir onbedéngt mat ënnerstëtzen.<br />
Esou e Quartier huet e Symbolcharakter<br />
an huet op jidde Fall eng besser<br />
Wunnqualitéit. Mir <strong>Esch</strong>er sinn och déi<br />
éischt déi déi Idee haten a mir wieren<br />
och déi éischt déi esou e Projet hei am<br />
Land realiséiere géifen.<br />
Dat Konzept ass a ville Groussstied<br />
aktuell. D‘Zukunft an de Stied gehéiert<br />
der Mobilité douce an net méi dem Auto<br />
mat deem mir grouss gi sinn. D‘Stad Lëtzebuerg<br />
plangt e Quartier um Lampertsbierg<br />
„Wunnen ouni Auto“ an zu Diddeleng<br />
ass de ganze Projet vun hiren<br />
Industriebroochen als autofräi bezeechent.<br />
Mir sollten hei mat där Idee vum<br />
autofräie Quartier deen nëmmen dëse<br />
Lot betrëfft, Virreider bleiwen an e qualitativ<br />
besser Wunnquartier schafe wou en<br />
plus d‘Gehstrecken zwëschent der Ofstellplaz<br />
vum Auto bis zu der Hausdier 50<br />
Meter bedrinn.<br />
Ech géif proposéieren effektiv wa Leit<br />
interesséiert wieren, dass mer en entspriechende<br />
Projet am Ausland kënnten<br />
effektiv gesinn. Ech mengen do ginn et<br />
sëlleger. Ech mengen ech war selwer eng<br />
Kéier viru Joere mam Mouvement écologique<br />
zu Freiburg wou ech och als Student<br />
war, wou e ganze Bezierk, eng ganz<br />
al Brooch vu franséische Kasären entspriechend<br />
autofräi realiséiert ginn ass.<br />
Ech soen Iech Merci.“<br />
Buergermeeschter Lydia Mutsch (LSAP):<br />
„Merci, Här Kox. Et ass dann um Här<br />
Zwally.“<br />
André Zwally (CSV): „Merci, Madame<br />
Buergermeeschter. Ech denken dass mer<br />
dës öfteren hei ware wat d‘Entwécklung<br />
vun de Quartier „Nonnewisen“ ubelaangt<br />
an oft iwwert all dat wat mer eis virstellen,<br />
wat do kënnt realiséiert ginn, diskutéiert<br />
hunn.<br />
6. Wunnen am Park Nonnewisen<br />
Ech hunn awer elo festgestallt, datt mer<br />
eigentlech am Laf vun der Zäit wat déi<br />
Mixité sociale ubelaangt, ëmmer vergiess<br />
hunn oder op d‘mannst net dru geduecht<br />
hu fir d‘Mixitéit vun de Generatioune mat<br />
eranzebréngen. Ech sinn der Meenung,<br />
dass bei der Urbanisatioun vun deene<br />
Quartieren, och vun deem Quartier dee<br />
mer do hunn, mer och sollen net vergiessen,<br />
dass mer Maison de génération oder<br />
betreites Wohnen zum Beispill kéinten op<br />
Grond vun eiser Part déi mir als Gemeng<br />
hunn, do erabréngen.<br />
Ech wollt dat just mentionéieren, well<br />
ech der Meenung sinn, datt mer dees net<br />
genuch hei an <strong>Esch</strong> hunn, an dass et och<br />
derwäert ass an enger Kommissioun<br />
iwwert de Volet vun deem doten ze<br />
diskutéieren. Doriwwer eraus sinn ech<br />
och der Meenung, dat wat hei den Här<br />
Kox gesot huet, e ganz wichtegt Element<br />
ass. An Zukunft wäerte mer eis missten<br />
domatter ausenanersetze wéi mer eis<br />
Quartiere wëlle weider entwéckele mat<br />
der ganzer Mobilitéit. Mir wëssen alleguerten,<br />
dass et Problemer ginn um<br />
Niveau vun de Garagen, respektiv um<br />
Niveau vun der Mobilitéit wat d‘Autoen<br />
ubelaangt. Mir gesinn, dass vill Qualitéit<br />
doduerch verluer geet, well mer ganz vill<br />
Diskussioune musse féiere ween dann<br />
eng Garage huet a ween däerf stationéieren<br />
a ween net a wou mer dann d‘Autoe<br />
wëllen hisetzen. Och dat schéngt eis problematesch<br />
ze ginn. Mir waren als CSV<br />
och der Meenung, dass ee kann diskutéieren<br />
a soll diskutéieren iwwer autofräi<br />
Quartieren, well et gëtt dat alles am Ausland.<br />
Et soll ee kucke goen esou wéi dat<br />
hei proposéiert ginn ass vun deene Gréngen.<br />
Mir wäerten op jidde Fall an de<br />
Kommissiounen déi zoustänneg dofir<br />
sinn, eisen Appui gi wann et dorëms geet<br />
fir eng besser Qualitéit hei an <strong>Esch</strong> ze<br />
kréien op deem doten Niveau.<br />
An deem Sënn wäerte mer awer hei dem<br />
Schäffen och deen dote Lot, respektiv<br />
och dat wat hei ze votéieren ass, wäerte<br />
mer mat stëmmen.“<br />
Buergermeeschter Lydia Mutsch (LSAP):<br />
„Merci, Här Zwally. Et wier dann um Här<br />
Baum.“<br />
Marc Baum (DÉI LÉNK): „Reng formal<br />
hu mer et hei mat engem Îlotstausch ze<br />
dinn dee sech awer aschreift an déi zweet<br />
Verännerung vum Masterplang vun den<br />
Nonnewisen. Dës zweet Verännerung<br />
vum Masterplang hu mir als Lénk net mat<br />
gestëmmt. Mir hunn eis do enthalen,<br />
well verschidden, an eisen Ae fundamental<br />
Ännerungen doranner stattfonnt<br />
hunn. Notamment deen, datt vun der<br />
Gemengesäit aus kee lokative Wunnraum<br />
<strong>Esch</strong>er Gemengerot vum Freideg 13. Juli <strong>2012</strong><br />
24<br />
geschaaft gëtt, mä datt alles zur Vente<br />
gestallt gëtt. A wann een iwwer Mixité<br />
sociale schwätzt an et stellt een alles zur<br />
Vente, da weess een datt een e Quartier<br />
schaaft, deen ufänkt bei de kreditwürdege<br />
Mëttelschichten an eben net<br />
eng sozial Mixitéit huet déi nach am<br />
éischte Masterplang dra stoung, wou<br />
d‘<strong>Esch</strong>er Gemeng sech och verpflicht hätt<br />
10% lokative Wunnraum ze schafen.<br />
Dëst gesot, ouni op déi ganz Debatt déi<br />
derhannert steet nach eng Kéier anzegoen,<br />
wäerte mer eis konsequenter Weis<br />
och dës Kéier zu dësem Projet enthalen.“<br />
Buergermeeschter Lydia Mutsch (LSAP):<br />
„Merci, Här Baum. Den Här Bernard.“<br />
Zénon Bernard (KPL): „Merci,<br />
Madame Buergermeeschter. Ech deelen<br />
d‘Meenung vum Här Baum do wann hie<br />
schwätzt wann ee gär Mixitéit hätt an<br />
engem Quartier, da muss een och dofir<br />
suergen, dass déi sozial Mixitéit garantéiert<br />
ass. Ech hat proposéiert während<br />
de Budgetsdebatten, dass ee soll a Richtung<br />
goe Location/Achat och, fir de Leit<br />
d‘Méiglechkeet ze ginn op Grond vun<br />
engem vernënftege Loyer, lues a lues Proprietaire<br />
ze ginn, mat all Apport mensuel<br />
deen hien do mécht zu deem Loyer. Dat<br />
heescht, dat nennt sech Location/Achat a<br />
bedeit, dass och déi Leit déi kee Prêt<br />
kréien op de Banken, déi sozial méi<br />
schwaach do stinn, dass déi och d‘Geleeënheet<br />
kënne kréien op déi do Aart a<br />
Weis Proprietaire ze gi vun enger würdeger<br />
Wunneng.<br />
Duerfir enthalen ech mech och. Ech wollt<br />
dat motivéiere fir meng Enthalung.<br />
Merci.“<br />
Buergermeeschter Lydia Mutsch (LSAP):<br />
„Merci, Här Bernard. Dann äntwert den<br />
zoustännege Schäffen.“<br />
Schäffen Henri Hinterscheid (LSAP):<br />
„Merci. Et sinn e puer Remarquë<br />
gemaach ginn déi eigentlech dat wat<br />
mer elo haut hei virleien hunn, net tangéieren,<br />
déi awer méi prinzipiell, prinzipiell<br />
d‘Ausriichtung vum Projet Nonnewisen<br />
ugeet.<br />
Dat wat den Här Kox gesot huet, dat ass<br />
dass mer solle versichen hei an deem 7N<br />
en autofräie Quartier ze maachen an dat<br />
wäerten d‘Planer vun de PAPe matkréien.<br />
Dat bedeit, dass mer amgaang si parallel,<br />
well Dir hutt Freiburg zitéiert a mir diskutéieren<br />
oft iwwer Freiburg, dass een<br />
iergendwou op deem Quartier eng kollektiv<br />
Garage hi baut an dass d‘Haiser<br />
zwar wuel nach accessibel si mam Auto,<br />
wann ee Kannerkutschen oder Kommissioune<br />
muss eraushuelen, mä dass den