2012 - Esch sur Alzette

Buergermeeschter Lydia Mutsch (LSAP):
„Merci, Här Hansen. D‘Madame Hildgen.“
Annette Hildgen (CSV): „Merci,
Madame Buergermeeschter. Hei sinn
d‘éinescht e puer Saache gesot gi vum
Här Huss, déi sinn net richteg.”
Schäffe Jean Huss (Déi Gréng):
“Gelifft?”
Annette Hildgen (CSV): „Et sinn e
puer Saache gesot gi vum Här Huss, déi
sinn net richteg.”
Verschidde Stëmmen: “Ouh?”
Annette Hildgen (CSV): „Ajo, déi
éischt Saach war, datt d‘Leit mat deene
klenge Kanner dohinner ginn. Den Här
Hansen huet et richteg gesot, et ginn och
grouss Kanner dohin. Dat heescht, et sinn
net nëmme kleng Kanner …”
(Allgemengt Geschwätz)
Schäffe Jean Huss (Déi Gréng): “Ech
hat scho gemengt, ech hätt eppes
Schlëmmes gesot.”
Eng Stëmm: “Déi gi jo awer net
alleng.”
(Gelaachs)
Annette Hildgen (CSV): „Jo, jo, nee,
et gëtt alles hei berichtegt. Wann ech
nëmme kucke wéi vill Schoulklassen hei
profitéiere fir mat de Kanner doropper ze
goen, déi dat mat abannen an hire Biologieunterricht
zum Beispill, wat ganz
gutt ass, an datt ganz vill Kanner ni
woussten, déi scho méi laang hei zu Esch
hei ënne wunnen, datt do uewen a) e
Park gëtt, b) datt do Déiere sinn. Do si
Kanner dobäi déi mat 7, 8 Joer fir d‘éischt
an hirem Liewen zum Beispill eng Geess
gesinn. Déi fir d‘éischt en Hong gesinn.
Dat gëtt, an dofir eleng ass et wichteg,
datt mir esou Saachen hunn, well
d‘Schoulen däerfen do net vergiess ginn.
Dat gëtt mat agebonnen an dat bréngt
fir d‘Kanner en immens grousse Wëssensgewënn.
Dat zweet, Här Huss, wat Dir falsch gesot
hutt, war, datt et net genuch bekannt
wier, d‘Madame Bofferding huet dat och
gesot. Do kann ech Iech awer nominell
soen, datt do Leit aus der Stad heihinner
kommen, op Esch, Elteren, Grousseltere
mat de Kanner fir heihinner ze komme fir
déi Déieren ze kucken. Dat heescht, en
ass scho bekannt. Wat natierlech net gutt
ass, a mir si frou als CSV, datt hei endlech
op den Ordre du jour kënnt vun enger
Gemengerotssëtzung, ass, datt dat ganzt
Konzept muss iwwerduecht ginn. Well et
10. Parc animalier Gaalgebierg
sinn och Reklamatioune komm, fir ze
soen, dat ass net flott. Dat ass net attraktiv,
wéi ginn déi Déiere gehalen? Dat ass
och net ze negligéieren. Ech wëll awer
elo uschléissen an deene Leit Merci soen
déi bis elo do uewe geschafft hunn. Vun
deene gëtt net geschwat. Déi ware praktesch
Dag an Nuecht waren déi am Asaz
fir datt et deenen Déieren déi do uewe
sinn, datt et deene soll gutt goen. Quitte
datt déi Leit vläicht net esou ausgebilt
waren, mä dat ass net hir Schold, wéi ee
soll si wann ee mat Déieren ëmgeet, mä
si hunn hiert Bescht gemaach a wa si net
do gewiescht wieren, da wier den Déierepark
net dat wat et elo ass.
Wou ech frou sinn, wou mir frou sinn
driwwer, dat sinn d‘Ieselen.”
(Gelaachs)
Schäffe Jean Huss (Déi Gréng):
“Dann ass wéinstens eppes gutt.”
Annette Hildgen (CSV): „Dat sinn
Déieren déi enorm beléift si bei de
Kanner, aus iergendengem ominéise
Grond, well se esou zefridde sinn, well se
esou roueg sinn. Et kann ee se upacken a
wann Dir wëllt en Heemelzoo maachen,
do gehéieren d‘Déieren absolut dobäi.
Déiere, Schof, Geessen, ass enorm wichteg.
Et ass och hei vun engem Reitstall
geschwat ginn. Deen hate mir scho fréier
do uewen um Gaalgebierg. Dat wësse
mer alleguerten, déi schonn e bësse méi
al sinn. Dee leider verbrannt ass, mä do
wier zum Beispill eng Méiglechkeet fir
mat den Ieselen iergendwéi eng Aktivitéit
opzebaue wou d‘Kanner da kënnten op
den Iesele reiden. Dat gëtt et an deenen
aneren Zooe gëtt et dat och schonn.
De Park am ganzen, datt dee soll iwwerschafft
ginn, ech mengen dat ass den
zweete Punkt, deen däerf net negligéiert
ginn. Well wann Dir erop gitt, wat
bekannt ass, dat ass d‘Spillplaz déi an
engem exzellenten Zoustand ass a wa
gutt Wieder ass, voll beluegt ass mat
Kanner déi sech do kënnen austoben. Mä
iwwerleet mol nach eng Kéier wat een
nach kënnt maache fir vläicht net alles
zouzebetonéieren, mä wat d‘Leit awer
kënnen dréchene Fouss doropper goe
wann et eng Kéier reent. Mir hunn de
Kutschepad, et sinn der vill vun eis déi
deen nach kennen. Do sinn honnerte vun
Escher Kanner driwwer gefouert ginn,
deen awer fir de Moment an engem Zoustand
ass dee fir d‘Kutsche vläicht net
méi esou gëeegent ass. Mir hunn den
Joggingpad, dee kënnt gutt iwwerschafft
ginn. Mir géifen Iech proposéiere fir dat
iergendwann erëm eng Kéier, méi spéit
wa mer erëm méi Suen hunn oder nach
Escher Gemengerot vum Freideg 13. Juli 2012
30
Suen hunn, fir dat och nach eng Kéier ze
iwwerschaffen.
Wat ganz flott ass, dat ass déi Zesummenaarbecht
mam Beetebuerger Park.
De Beetebuerger Park, dat wësst Dir alleguerten,
deen ass vun der APEMH iwwerholl
ginn an dee war virdrun, éier déi
Joint Venture komm ass, war deen an
engem desolaten Zoustand. Zënter datt
d‘APEMH do ass, ass dat eng absolut Successstory
ginn. D‘Kanner aus dem noen
Ausland, Transfrontalier, déi kommen
heihinner, déi ginn an de Park. Si si
begeeschtert fir d‘Déieren ze kucken an
déi Propos déi mir géife maachen, datt
net nëmmen d‘Kollaboratioun ass, fir mol
vläicht eng Kéier driwwer nozedenken,
ob een net déi ganz Geschicht Déierepark
hei zu Esch, en Outsourcing kéint
maachen an eventuell esou eng Associatioun
mat eranhuelen. Si hunn den Know
How a wat net ze negligéieren ass, dat
sinn effektiv déi Aarbechtsplazen déi
geschafe gi fir behënnert Leit. A vu datt
mer jo awer alleguerte sozial ganz
en gagéiert sinn, däerfe mer déi Leit net
vergiessen. Déi brauchen eng Plaz. Déi
brauchen eng Plaz wou se revaloriséiert
sinn, déi brauchen eng Plaz wou se Freed
hunn, wou se kënnen an der Natur schaffen
an dat si Plazen, do kënnen déi Leit
sech 100% abréngen. Iwwerleet mol eng
Kéier déi Idee, wéi gesot, nach eng Kéier
en Outsourcing mat der APEMH
zesummen. Där Saache gëtt et hei am
Land nach anerer. Zum Beispill de Päiperleksgaart
zu Gréiwemaacher. Deen ass a
privater Hand gewiescht bis dato. Virun 3
Joer ass do déi Damm déi dat gefouert
huet, déi huet gesot, ech packen dat net
méi, zäitlech gesinn a finanziell och net
méi. An do ass do d‘Congreatioun vun
der Helleger Elisabeth, déi ass mat
erakomm. Fir déi Leit déi net wësse wéi
eng Oeuvres datt dat sinn, do si vun alle
Sparten, do si Schoulen dobäi, do sinn
Internaten, do sinn Altersheimer dran,
awer do sinn och Behënnerter dran. An
dat ass Réimech, dat ass Mondorf an et
ass Betzder. De Päiperleksgaart gëtt
géréiert vun dem Institut Saint Joseph zu
Betzder. Dat ass ganz gutt erakomm. Eis
Behënnert schaffen do. Si si begeeschtert.
Finanziell war dat ganz interessant och fir
déi Associatioun, déi Damm déi dat virdru
geleet huet. Dat sinn elo nëmmen
zwee Beispiller fir ze soe wou mer eis
Behënnert kënne mat erabannen. Iwwerleet
Iech et vläicht.
Mä mir sinn op jidde Fall, si mer
begeeschtert heivun. Ech mengen dat
hutt Dir elo héieren, et ass ganz schéin. A
wéi gesot deene klengen an och deene
grousse Kanner déi nach doropper ginn,
a regelméisseg doropper ginn, wënsche