März 2023 / Borkum-Aktuell - Das Inselmagazin

Borkum - Aktuell Das Inselmagazin
un dabi ein gaud Middelschkött in
de Nöse hat.
De Vörhang gung open un de Taukiekers
satten erstmal in düstern.
Inbreekers! Mit min Lücht kwammen
Brigitte (Biggi), updreiht
und overtügend bi hör erste Rulle
spöölt van Maike Stonner, un
Wilko Meierlein, klunterg darstellt
van Torsten „Schnetti“
Müller dör de Dör. De Oogen haar
hei sück bi de Bröök verblitzt as `n
Kniene un so leip hei over de Bühne
as Heino in sein beste Tieden.
Lücht an un man funn sück in de
Empfang van ein Klinik weer. Up
dat Geld van dat Sanatorium haar
de Bande dat offsein. Dartau hörde
uk Boris Paternosta, van Frank
„Stony“ Stonner spöölt mit Haaren
up de Kopp as Albert Einstein,
ein bietje van de Pad off, düchdeg
dörnander. De Lacher wassen up
sein Siet. Tau prooten harr hei neit
vööl, mit „Scharamm, Scharamm“,
was hei meist darvan off.
Mit Harald Beierwein (Karl-
Heinz „Kalli“ Marquard) un
Dochter Rosalinde/Rosi (Andra
Bootsmann) kwammen dann
uk bold de erste Patienten in dat
Klinikum. Kalli spöölde de Rulle
60
van de besörgde Vader dröög und
verschkrikkt. Rosi, as sein Dochder
dartegen, `n bietje overdreiht,
updreiht, mit „Smartphone“ in de
Hand. In Verloop van dat Stück
wesselde hör Charakter van Langewiele
tau ein krachteg jung Wicht
un sei jumpte as `n Tiedeltopp mit
gaud Füür under da Maase over de
Bühne. Uk Andra stunn dat erste
Mal up de Bühne, da hören wi seker
noch mehr van. Gaud maakt,
Kinder bin neit van ander Lü.
Helga Wepelmann, de Name
stunn vör dat wat sei in de Sinn
har, was de nächste, deij sück Hülpe
in dat dördreihde Klinikum halen
wull – un anders noch wat…
Inga Ohlsen, uk ut ein Börkumer
Bühnen-Familie, haar uk hör „Debüt“
bi de BNB, spöölde de Rulle
echt un klar mit Sexappeal, man
neit „billig“.
Well in de Programm-Heftjes keeken
hett, luurde nu up tweij Froulü,
Rita un Ines Dübbelte. Uk hier
stunn de Name för dat wat dübbelt
komen sullde. Monika Poppinga,
schwaar bepackt mit ein heile
bülte Kuffers un Taschken ächzte
up de Bühne. Dübbelrulle? Ja un
Nee! Rita un Ines, off eine van de
beiden, was uk ein bietje van de
Pad off un beide Wieben satten in
de sülvigste Lichum. Genial schkreben
un bestgaut up de Bühne
brocht. Monika Poppinga, ein olle
„Bühnenhase“, har de Taukiekers
un dat Lachen in de Saal gauw up
hör Siet.
Manfred „Mannix“ van Gerpen
har mit Olaf Lauterbach, ein lüttje
Rulle, man uk deij mutt spöölt
warden. „Geheimnisvolle Neberolle“
steiht in`t Rullenbauk. Olaf
fung an, Sinn un Verstand in dat
Chaos van Theater un Klinik tau
brengen. Uk Mannix was neij as
Spöler un hett dat gaud maakt.
Ernst Sauerbraten löste dat heile
Maaljagen in de fiefde Akt up.