UV Jaaroorsig - University of the Free State

epaling dat koshuise steeds ’n sê sal hê in die plasing van
eerstejaars – hulle kan 50% self plaas.
Met duidelike blyke gedurende die gespekke dat ’n
aan sienlike mate van aanvaarbaarheid onder die stu dente
en alumni op hierdie wyse bereik is, het die Bestuur in
Junie 2007 ’n nuwe beleid om diversiteit in koshuise te
ver hoog – wat onder meer die integrasie van kos huise
vanaf 2008 impliseer – aan die Raad voorgelê. Dit is met
’n groot meerderheid goedgekeur (en weer in September
2007 met slegs een teenstem bevestig nadat ’n vergadering
van die Konvokasie ’n versoek aan die UV gerig het om
die beleid te herroep).
’n Gesofistikeerde beleidsdokument: Die goedgekeurde
dokument was ’n omvattende be leids dokument oor diversiteit
in koshuise waarin ’n ge so fisti keerde en opvoedkundige
benadering tot diversiteit en die ver skil lende dimen
sies van diversiteit in groot besonderhede uit een ge sit
is. Dit het die billike en gebalanseerde hantering van veel taligheid
met o.m. tolkdienste ingesluit. Dit is ook gelei deur
die beginsels van voldoende diversiteit en voldoende en
substantiewe veeltaligheid wat in die konsep Institusionele
Handves ontwikkel is, met die oog daarop om alle studente
tuis te laat voel in koshuise.
Wat plasing spesifiek betref, is teikens gestel om voldoende
diversiteit in koshuise te bereik. Daarvolgens moet
tradisionele blanke of swart junior koshuise minstens 30%
van die ander ras op eerstejaarsvlak in 2008 en daarna
inneem. Dit sou beteken dat die nuwe beleid oor ’n driejaar
tydperk ingefaseer word. (Vir senior koshuise is ’n
teiken van 50% gestel.) In effek moes junior koshuise in
2008 maar ongeveer 10% van hulle totale plekke met
studente van ’n ander ras vul.
Om die besluit te implementeer, is ’n Kos huis di ver si teitimplementeringskomitee
(Residence Diversity Im plementation
Committee – RDIC), onder leiding van dr E Moraka,
Viserektor: Studentesake, tot stand gebring. Personeel sowel
as studente leiers is hierin opgeneem. Die komitee se hooftaak
Annual Review • 2007 15
was om meganismes vir die imple mentering van die Raadsbesluit
te ontwikkel en te finaliseer.
Die rektor het ook in ’n reeks koerantartikels die
belangrikheid van die nuwe beleid aan ouers, alumni en
studente uiteengesit.
Ontwrigting van implementering: Ten spyte van die
konsultasie- en goedkeuringsprosesse wat gevolg is, en die
lae tempo van infasering, het die Vryheidsfront Plus
Kovsies kort na die Raadsbesluit begin om weerstand by
wit koshuise teen rasse-integrasie te mobiliseer op grond
van beweerde onvoldoende konsultasie en omdat koshuise
se tradisies aangetas sou word. Ook gedurende die SRverkiesing
het die VF+ Kovsies heelwat teenstand op
hierdie basis gemobiliseer. Dit het onder meer daartoe ge lei
dat wit studenteleiers in ’n slegs beperkte mate deelgeneem
het aan implementerings taakspanne. Dit het hul deelname
en bydraes in verdere beplanning en konsultering vertraag
en verwring. Die primariusse en primaria is in ’n stadium
deur die rektor uitgenooi om met voorstelle vorendag te
kom oor alternatiewe implementeringsmodelle, maar niks
is ingedien nie.
In Augustus 2007 het die Vryheidsfront Plus (d.w.s. nie
die studentetak van die VF+ nie) ’n aansoek by die Hoog geregshof
ingedien om die rasse-integrasie van UV-stu dentekoshuise
ter syde te stel. Enkele dae voor die hofsaak, en
kort nadat die UV se responderende dokumente by die hof
ingedien is, het die VF+ in Oktober 2007 on voorwaardelik
sy saak teruggetrek, met kostes. Hoewel VF-gesinde studenteleiers
daarna meer begin deelneem het aan die taakspanne,
was dit reeds eksamentyd en kon baie min be planningswerk
nog met hul medewerking gedoen word.
In geheel gesien het die politieke inmenging van die
VF+ die implementering van die beleid aansienlik gekortwiek,
die bydraes van studenteleiers dikwels van die spoor
af geneem, en dalk veroorsaak dat heelwat koshuise en die
afdelings Studentesake asook Verblyfdienste nie heeltemal
vir 2008 voorberei was nie.