UV Jaaroorsig - University of the Free State

sleutelstudies is reeds in 2007 afgehandel.Die sentrum het
twee verslae gelewer oor die Conflict in South African
cities: an analysis of service-related unrest gebaseer op
gevallestudies in Phumelela, Khutsong, Phomolong en die
Nelson Mandelabaai-munisipaliteit en belig die redes vir
die onrus sedert September 2004. Die resultate van die
ondersoek het wye nasionale radio- en televisiedekking
geniet, en is ook aan die Parlementêre Portefeuljekomitee
oor Plaaslike Regering in Kaapstad voorgedra.
Die Fakulteit Ekonomiese en Bestuurswetenskappe se
totale uitsette het fenomenaal van 14 in 2005 tot 40,89 in
2006 en 47 in 2007 opgeskiet.
In die Fakulteit Gesondheidswetenskappe is 5 artikels
in geakkrediteerder publikasies opgeneem.
In 2007 het nagraadse studente aan die Departement
Musiek vier artikels in geakkrediteerde tydskrifte publiseer
en een in ’n internasionale tydskrif – ’n prestasie wat nog
nie deur ’n ander tersiêre musiekinstansie in Suid-Afrika
geëwenaar is nie. In Augustus was dié departement die gasheer
vir die eerste kongres van die South African Society
for Research in Music. Personeel het drie referate by dié
geleentheid gelewer.
Annual Review • 2007 29
Sakelui uit Bloemfontein en Johannesburg was gaste op die Bloemfontein-kampus. Hier is van links: prof. Frederick Fourie (Rektor en Visekanselier), mnr.
Mr Sipho Dube (entrepreneur van Bloemfontein), mnr. Andrew Scholtz, direkteur van Vistapark Developers, en dr. Ezekiel Moraka, Vise-rektor:
studentesake. Die UV handhaaf ’n noue verbintenis met die bedryf, nie alleen om fondse te bekom nie, maar ook om te verseker dat die UV studente van die
hoogste gehalte lewer.
Akademiese toerusting
Die Fakulteit Natuur- en Landbouwetenskappe het
in sy verbinding tot hoër kwaliteit onderrig en navorsing
verder geïnvesteer in apparaat en infrastruktuur.
Hierdie verbintenis het ’n gevoelige knou
gekry met die brand in die Chemie-gebou.
Die Departement Geologie het in 2007 ’n nuwe
petrografiese mikroskoop gekry om sy navorsing in
mineralogie, petrologie, eksplorasie en ekonomiese
geologie uit te brei. Die verdere uitrol van die Fakulteit
Natuur- en Landbouwetenskappe se ap paraatstrategie
is ook by ander departemente voort gesit
en die dringendste behoeftes is aangespreek.
Fondse van R2,5 miljoen is ook uit die Nasionale
Toerustingprogram van die NNS verkry.
Hierdie geld is gebruik om ’n FT-Raman-spekrometer,
’n ABI PRIM 313 OXL-16 kapillêre genetiese
anali seerder en ’n Gel-Scan 3000 plus Dyad
PCR-masjien te koop.