UV Jaaroorsig - University of the Free State

Annual Review • 2007 49
The management takes seriously the need to create an enabling physical environ ment
for staff and students to perform at their best. Several initiatives in 2007 are proof of
this. Among them are the Chemistry Building, the Computer Lab, the Examination
Centre, Jolkol, the astro-hockey fields, the parking project and the developments on
the West Campus of the UFS. The UFS is a growing university with a huge capacity for space
and physical infrastructure. As recently as five years ago the condition of the buildings and
campus showed a major backlog. This challenge was addressed with major upgradings,
refurnishings and building initiatives. Expenditure on physical facilities to address campus
needs increased significantly over the past five years.
R280 miljoen bestee op hoëgehalte-fasiliteite
In 2002 was die jaarlikse besteding op fisiese hulpbronne
(kapitaalprojekte en onderhoud aan kapitaalbates) ongeveer
R12 miljoen. Vanaf 2003 was die jaarlikse besteding
ge middeld vyf keer groter, op ongeveer R55 miljoen per
jaar. In 2007 is projekte van R82 miljoen deur die Direktoraat
Fisiese Hulpbronne bestuur. Dié patroon sal waarskynlik
vir die volgende vyf jaar voortduur, aangesien die
behoeftes van die kampus steeds groei.
Altesaam R280 miljoen is die afgelope vyf jaar op
fisiese opgradering en ontwikkeling bestee, die meeste hiervan
is op akademiese fasiliteite. Groot moeite is gedoen om
fisiese beplanning goed te belyn met akademiese priori tei te
en strategieë. Daar is ook intensief gebruik gemaak van
deskundige spanne, onder meer personeel van die De partement
Argitektuur. In alles is die gehalte van argitektoniese
ontwerp en sensitiwiteit vir die beboude omgewing vooropgestel
om die tipiese patroon van burokratiese kam pusontwerp,
wat so baie kampusse ontsier, om te keer.
Die resultaat is ’n merkbare verbetering in die fisiese
toestand en voorkoms van die kampus en geboue. ’n
“Nuwe” kampus is geskep. Die nuwe voetgangerpaaie dra
geweldig by om die kampus voetganger-vriendelik te maak
en nooi studente as’t ware om langer op die kampus te bly
en te kuier. Besoekers aan die kampus is beïndruk met die
skoon uitleg en netheid van die kampus en geboue. Eerste
indrukke dra baie by om die boodskap oor te dra dat die UV
in alles wat hy doen ernstig oor kwaliteit is.
Om hierby aan te sluit het die “nuwe” Hoofgebou die
toonaangewende Nasionale Meriete-toekenning van die
Suid-Afrikaanse Instituut van Argitekte ontvang. Hierdie
soort erkenning van die geboue op die kampus is ’n
belangrike element in die ontwikkeling van ’n nasionale
profiel van die universiteit die afgelope vyf jaar.
Die groter Weskampus van die UV het verdere aandag
gekry. Daar is ver gevorder met die bepaling van makro-
sonering, wat voorsiening maak vir areas vir sportfasiliteit-ontwikkeling,
landbounavorsing en -demonstrasie en
moont like kommersialisering. Dit is deurslaggewend om
’n basis te lê vir goeie toekomstige kampusontwikkeling.
Die voorstelle sal ná verfyning voorgelê word vir goedkeuring
en dan lei tot die verpakking van verskillende kleiner
ontwikkelingsprojekte, insluitende bate-ont wik kelingsprojekte.
Studente kry nuwe plek om te jol
Fasiliteite waar studente bymekaar kan kom vir vlotbou
en ander jool-aktiwiteite en tydens intervarsities en vir
ander sosiale studente-bedrywighede is al lankal ’n behoefte.
Die Jolkol op die Weskampus is die gevolg van ’n
lang be planningsproses deur die afdeling Fisiese Hulpbronne
in samewerking met die afdeling Studentesake om
die regte soort fasiliteit op die regte plek en teen bekostigbare
koste te kry. Absa het ’n bydrae tot die oprigtingskoste
van meer as R6 miljoen gemaak.
Die Jolkol – met as kern ’n robuuste sinkkonstruksie
wat herrinner aan ’n Vrystaatse plaasskuur – is toegerus
met ’n verhoog en kleedkamers vir optredes van kunstenaars,
kombuise, ’n kroeg, kleedkamers en stoorplek vir
verskeie doeleindes. Meer as ’n duisend mense kan hier
aan akti witeite deelneem. Rondom die saal is permanente
staan plekke vir die bou van vlotte en vir ander studenteakti
witeite ingerig. Dit is ook veilig omhein. Ondanks
studente se aanvanklike weerstand teen verandering, is ’n
baie suksesvolle geïntegreerde en baie sosiale jool in 2007
gehou, sonder die fragmentasie wat in ’n vorige bestel
ontstaan het waar elke koshuis apart sy vlot gebou het. Die
fasiliteite sal mettertyd verder ontwikkel word.
’n Nuwe voetgangerroete wat wes van die UV Sasolbiblioteek
begin en tot by die parkeerterrein van die Jolkol
strek, is gebou om studente binne tien minute se stap veilig
en gerieflik vanaf Thakaneng-brug tot by die nuwe Jolkol
te kry.