UV Jaaroorsig - University of the Free State

36
Jaaroorsig • 2007
Prof. Frikkie Booysen is hoofnavorser in die Effective
Aids Treatment and Support in the Free State (FEATS)
Study. FEATS is ’n multi-miljoenrandprojek oor die
effektiwiteit van vigsbehandeling en -ondersteuning in die
Vrystaat en word deur die Wêreldbank en Nederland
gefinansier. Dit is die grootste toekenning nog deur die
Navorsingskomitee van die Wêreldbank aan navorsing in
een land, en het ten doel om die voordele van antiretrovirale
behandeling vir ouers, familie van pasiënte en die
gemeenskap te bepaal. Prof. Booysen is ook aangewys op
die Interim Research Sector Steering Committee of the
South African National Aids Council (SANAC).
Prof. Hentie van Wyk is as vise-president van die
Suider-Afrikaanse Rekenmeestersvereniging en is op die
akademiese oorsigkomitee van die Suid-Afrikaanse Raad
van Geoktrooieerde Rekenmeesters verkies, met prof. Alta
Koekemoer as nasionale voorsitter van die Be lasting belange
groep van die Suider-Afrikaanse Reken meesters vereniging.
Prof. Van Wyk was hoofspreker op die 7th
National Management Convention van die Maurition
Mananagement Association en ’n genooide hoofspreker op
die International Financial Accounting and Tax Practice
Conference by die I-Shou Universiteit in Taiwan.
Dr. Cobus Pienaar van die Departement Bedryfsielkunde
is Direkteur en verteenwoordiger van die Arbinger Insituut
in Suid-Afrika.
Me. Sunell Wiehman van Kovsie-voorligting en
-ontwikkeling is die voorsitter van die Vrystaat-streek van
die Society of Student Counselling in South Africa
(SSCSA). ’n Referaat – Preparing students for the future
journey of marriage – wat sy by die SSCSA-konferensie in
Vanderbijlpark gelewer, het ’n toekenning gekry.
Me. Sheila Vrahimis is aangestel op die Vrystaatse
Benoemingskomitee en prof. Kobus Laubscher is aangestel
as die voorsitter van die Nasionale Produktiwiteitsinstituut
se Maatskaplike Plan- en Produktiwiteitsraad.
Die fakulteit se samewerking met die National Council
on Economic Education (NCEE) van die VSA is voortgesit.
Werk is aan die gang om ’n soortgelyke liggaam in Suid-
Afrika te vestig.
Musiek skuif grense
Die Departement Musiek het ’n belangwekkende same werkingsooreenkoms
met die National Institute for Higher
Education in Kimberley gesluit om die B.Mus-kwalifi ka sie
daar aan te bied. Noel Stockton en Leon Snyman het op
streeksvlak seminare aangebied vir lede van polisie-orkeste.
Noel Stockton het ook as ’n beoordelaar van die Lubner
Instrumental Music Awards in Kimberley opgetree.
Die Mangaung String-program onder leiding van Peter
Guy het in 2007 gegroei het tot die grootste musikale
uitreikprogram in die land. Die UV, ’n vennoot in hierdie
program van die provinsiale Departement van Kuns en
Kultuur, maak klaskamers en kantore beskikbaar en help
met gevorderde onderrig aan leerders.
Samewerking tussen die Departement Musiek en die
Neuberg-somerskool in Oostenryk het in April neerslag
gevind in die Neuberg-in-Bloemfontein-projek en is deur
52 studente landwyd bygewoon. Hanna van Schalkwyk,
georganiseerder, was ook beoordelaar op die Oos-Kaapse
Musiekkompetisie in Oos-Londen, terwyl Sanyo se
Nasionale Junior Orkeskursus in Kimberley onder die
leiding van Hans Huyssen gestaan het.
Die personeel en studente van die departement is op
talle vlakke internasionaal betrokke. Pianis Albie van
Schalkwyk het Indië op uitnodiging besoek en saam met
die tjellis Berthine van Schoor opgetree. Hy het ook in
Julie as deel van die personeel van die Neuberg Inter nationale
Kulturtage in Neuberg, Oostenryk opgetree.
Hans Huyssen het in Oostenryk en Duitsland as
baroktjellis opgetree en deur Suid-Afrika getoer as lid van
die Vroeë Musiek-ensemble così facciamo. Twee nuwe
komposisies het elk ’n première beleef, naamlik Gan meets
Ursula in Stellenbosch en Ciacona & Tshikona in
Johannesburg. Laasgenoemde werk het soveel byval gevind
dat ’n tweede uitvoering in Oktober op versoek van die
Minister van Kuns en Kultuur, dr. Pallo Jordan, tydens die
IBSA-konferensie in Sandton met die Johannesburgse
Filharmoniese Orkes onder leiding van die komponis
plaasgevind het. Die konferensie bevorder samewerking
tussen Indië, Brasilië en Suid-Afrika.
Internasionale kundige aangestel
Prof. Christiane Nord, internasionale vertaalkundige van
Heidelberg, Duitsland is aangestel as buitengewone professor
in die Departement Afro-Asiatiese Studie, Gebaretaal
en Taalpraktyk (AGT) en het die departement in Julie
be soek. Sy was die hoofspreker op linguistiek kon gresse in
Potchefstroom en Port Elizabeth en ’n aantal le sings en
kort kursusse aangebied aan die vertalers van die Lesothoparlement
en dosente en studente van die Uni ver siteit van
Limpopo.
Die Lessius Hocheschool in Antwerpen het prof. Jackie
Naudé (AGT) genooi om vyf referate in Vertaalkunde by