udhezues gjuha shqipe 9

Libër mësuesi për tekstin “Gjuha shqipe 9”
Rubrika: Të lexuarit
Tema: Bisedë me F. S. Nolin
Objektivat: Nxënësi në fund të orës së mësimit të jetë i aftë:
• Të marrë informacion për jetën dhe veprën e Fan Nolit.
• Të përshkruajë personalitetin e tij, duke u mbështetur në të dhëna të marra nga teksti.
• Të zbulojë disa veçori të bisedës.
• Të diskutojë për mesazhin që ka marrë, për mendimet që u përputhen me njëri-tjetrin.
Mjetet e mësimit:
Teksti “Gjuha Shqipe 9”,
informacione mbi jetën dhe
veprën e Nolit, mjete shkollore,
tabela, dërrasa.
Teknika dhe metoda të mësimdhënies:
Bisedë, lexime zinxhir, punë me
shkrim (përshkrim), diskutim, kllaster.
122
Zhvillimi i mësimit
Hapi I. Kjo temë mësimi do të fillojë me një histori interesante mbi fëmijërinë
dhe shkollimin (si e çoi e ëma në shkollë) e Nolit, histori që do të interpretohet nga
mësuesja.
Figura e Nolit është figurë shumëplanëshe. Informacionet për jetën dhe veprimtarinë
e tij janë të bollshme.
Nxënësit janë udhëzuar orën e kaluar të gjejnë informacione për Nolin, duke e
parë atë si:
- shkrimtar - politikan
- përkthyes - orator
- njohës i muzikës - klerik.
Kjo punë do të ndahet ndërmjet nxënësve, në mënyrë që të gjendet i gjithë
informacioni.
Mësuesi/ja shkruan në tabelë: Noli dhe veprimtaria e tij, të cilën e plotëson me
informacionin që sjellin nxënësit.
Hapi II. Mësuesi/ja i udhëzon nxënësit të lexojnë me intonacion dhe rrjedhshmëri.
Vëmendja e nxënësve do të përqendrohet te ndërtimi i pyetjeve dhe tematika e tyre.
Hapi III. Kalohet te rubrika “Reflektimi kuptimor”.
Ushtrimi 1/a. Nxënësit lexojnë informacionin, ndërkohë mësuesi/ja ka shkruar
në tabelë.
biseda
karakter i lirë i pyetjeve
marrja e informacionit
autor dëshmitar
u referohet të dhënave
U kërkon nxënësve mendime se ç’është biseda, cilat janë veçoritë dalluese nga
teksti rrëfimtar letrar.
Ushtrimi 1/b. - Ku përqendrohen pyetjet e dëgjuesve?