udhezues gjuha shqipe 9

Libër mësuesi për tekstin “Gjuha shqipe 9”
Vetëm dritarja/ ku qëndronte Rina dikur,/ ishte çelur.
Vetëm dritarja ishte çelur - është pjesa kryesore;
ku (në të cilën) qëndronte Rina dikur - është pjesa e nënrenditur përcaktore.
Kjo pjesë fjalie nuk varet nga e gjithë fjalia kryesore, por nga një gjymtyrë e pjesës
kryesore nga kryefjala dritarja.
Hapi III. Punë e drejtuar. Ushtrimet 1, 2 dhe 5. Vlerësohet shkalla e aktivizimit
dhe saktësia e përgjigjeve të nxënësve.
Hapi IV. Punë e pavarur. Ndahen nxënësit në dy grupe. Grupi I punon ushtrimin
3, grupit II i jepet ushtrimi 4. Kontrollohet e vlerësohet puna e nxënësve.
Bëhet përmbledhja e vlerësimi i orës së mësimit.
Detyrë shtëpie. Ushtrimi 6, në faqen 256.
Rubrika: Njohuri gjuhësore - Sintaksë
Tema: Marrëdhëniet rrethanore dhe vendore
Vështirësia: Niveli III
Objektivat: Në fund të orës së mësimit nxënësi të jetë i aftë:
- Të dallojë marrëdhëniet rrethanore në një fjali të përbërë me nënrenditje.
- Të dallojë marrëdhënien vendore në një fjali të përbërë me nënrenditje.
- Të dallojë ngjyrimet e ndryshme të marrëdhënieve vendore.
- Të përdorë drejt presjen në fjalinë e përbërë në marrëdhënie nënrenditëse vendore.
Materiale dhe mjete mësimore:
teksti i nxënësit, tekste alternative,
tabelë, shkumësa me ngjyra,
lapsa me ngjyra.
Metoda dhe teknika mësimore:
pema e mendimit, bisedë e kombinuar
me shpjegim e diskutim, punë e drejtuar,
punë në grupe dyshe.
Zhvillimi i mësimit
Hapi I. Bashkë me nxënësit plotësohet në dërrasë pema e mendimit për llojet e
rrethanorëve.
vendi
kohe
mënyre Rrethanorë sasie
shkaku
qëllimi
Pema e mendimit pasurohet me veçori të tjera të llojeve të rrethanorëve, si: pyetja
me të cilën gjenden, me se shprehen etj.
Kërkohet nga nxënës të niveleve të ndryshme të thonë shembuj për çdo rrethanor
dhe t’i dallojnë rrethanorët me anë të pyetjeve.
150