udhezues gjuha shqipe 9

Mësuesi/ja cakton një nxënës që përzgjedh këtë fragment, komenti i të cilit do të
dëgjohet në fund, kur nxënësit nuk kanë më ç’të shtojnë.
Ushtrimi 4. - Valteri habitet shumë me historinë e dashurisë së nënës me babanë.
Cilat janë ato detaje që e shpjegojnë qartë këtë habi?
Diskutim: - A gjeni gjurmë të së shkuarës së prindërve në të tashmen?
Nëna – e heshtur, e qetë.
Sa më shumë e shihja, aq më shumë bindesha se ajo vajzë nuk ishte mamaja ime,
por tjetër njeri.
Diskutimit mund t’i lihen 7 minuta dhe do të diskutojnë dy-tri nxënës.
Ushtrimi 5. Për këtë ushtrim nxënësit do të zgjedhin pjesë nga teksti.
Nxënësit: Prindërit nuk kanë të drejtë të mburren vetëm se kanë qenë në luftë. E
djeshmja dhe e sotmja e prindërve duhet t’i bëjë krenarë fëmijët për ta. Fëmijët kanë
nevojë për prindër që arsyetojnë dhe kanë durim për të forcuar lidhjet prind-fëmijë.
Këta të fundit duan të ndihen të rrethuar nga dashuria.
Mesazhi: Dashuria është e vetmja ndjenjë që i jep kuptim jetës njerëzore.
Ushtrimi 6. Punë e pavarur. Për këtë ushtrim nxënësit do të punojnë në fletore
duke i lidhur mendimet e tyre me vuajtjen e Valterit, por edhe me tablonë në libër faqe
60. Kjo tablo është realizuar nga djali i Frojdit, i cili ka pikturuar veten dhe dy fëmijët
e tij. Ky piktor njihet për karakterin psikologjik të pikturave të tij.
Në fillim do të dëgjohen mendimet që vijnë drejtpërdrejt nga kuptimi i fragmentit.
Valterit i mungon liria dhe dashuria.
Kjo detyrë do të përfundojë në shtëpi.
Në fund të orës së mësimit, mësuesi/ja vlerëson nxënësit.
Libër mësuesi për tekstin “Gjuha shqipe 9”
Rubrika: Të lexuarit
Tema: Shpirti i botës (ora e dytë)
Objektivat: Nxënësi në fund të orës së mësimit të jetë i aftë:
• Të gjejë ato pjesë në fragment ku notat e ironisë kalojnë deri në sarkazëm.
• Të interpretojë sarkazmin si element qendror të rrëfimit.
• Të analizojë botën e brendshme të personazhit në raport me mjedisin familjar.
• Të përshkruajë karakteret e personazheve në raport me mjedisin familjar dhe
shoqëror.
• Të diskutojë rreth shkaqeve të sjelljeve e veprimeve të personazheve.
Mjetet:
teksti i nxënësit, mjete shkollore.
Teknika dhe metoda e mësimdhënies:
diskutim, ditari dypjesësh, punë me grupe.
Zhvillimi i mësimit
Hapi I. Mësuesi/ja e nis këtë orë mësimi me dëgjimin dhe vlerësimin e detyrës
së shtëpisë. Nxënësit bëjnë vlerësimin për punën, argumentimin më të plotë dhe më
pas mësuesi/ja vlerëson nxënësit për mendimet e tyre. Kjo veprimtari do të zgjasë
deri në 10 minuta.
Hapi II. Kalohet te rubrika “Reflektimi stilistik – gjuhësor”.
Ushtrimi 7. Në rrëfimin e Valterit kemi nota shumë të forta ironie.
89