Société archéologique, historique et scientifique de Noyon ... - Index of

monseigneur de Noyon, laquelle a esté arse et la plus
grande partie démolis, fault, pour la rédifier comme aultrefois
a esté,
Item. Pour pourvoir aux chappelles de la nef vers
les cloistres, à cause desquelles les grans pilliers de la dicte
église ont esté diminuez pour trouver place adfin que
ycellescliappelles fussent grandes et larges, et aussypource
que ycelles sont trop petitement fondées, mains que la
dicte église, par quoy tout le pan de la dicte église jusques
aux vaultes, et meismement les dictes vaultes, se enversent
à ruynes, et, se provision n'y est mise brief, tout est en
dangier de choir. Et pour les faultes qu'on voit en la
dicte machonnerie, qui a esté mauvaisement fondée, fault
démolir et reffonder les gros pilliers boutans de v à vi
piez de saillie plus que ilz ne sont. Et pour faire le dict
ouvraige pour chacun pillier et reffonder de jiii toises de
parfont, de [ toise de long eti toise de largeur, fault
Item. Pour retenir et fortiffler les haultes vaultes, tant
d'un costé comme d'aultre, fault faire ung arcboutant à
chacun pillier par dessoubz les ars qui sont de présent pour
espauler à l'endroict des estocs de charge pource que
iceulx arcboutans sont assis trop hault, et par le moyen
de ce les charges sont corrompues et boutées dehors
d'oeuvre.
Item. Est nécessité de retenir et réparer en plusieurs
lieux les vaultes de la dicte église.
Item. Pour rédifier de neuf la chapelle Sainte-Luce,
laquelle est du tout démolie par faulte de fondement et
éspaulemens, laquelle il fault fonder de nouvel et faire de
plus grant espoisse en la manière et fachon qui autresfois
a esté,
Item. Est nécessité de réparer la grosse tour vers Saint-