Société archéologique, historique et scientifique de Noyon ... - Index of

leurs reliquiaires et sainctuaires, argens, coffres et aultres
biens quelzconques avons prins et mis et, par ces présentes,
prenons et mectons en et soubz notre protection et sauvegarde
espécial, et leur avons donné et donnons par ces présentes
congié et licence d'aller,. venir, passer et repasser,
densourer et séjourner par toutes églises,citez, bonnes villes,
chasteaulx, forteresses, passages et destroiz de notre
royaume en requérant les dites aumosnes et bienffaiz. Si
donnons en mandement à tous les officiers et justiciers de
notre royaume, prions et requérons noz amis, alliez et bienvueillans
que les dits procureurs, clers, rnessagiers, familliers
et serviteurs de notre dite église, ainsi fondée que
dit est, souffrent etlaissent aler, passer, repasser et demourer
sans leur donner, ne faire donner, ne souffrir estre fait
ou donné aucuns arrestz, destourbiers, dommages, ennuyz,
ou empeschemens quelzconques en manière que ce soit,
ains leur donnent ou facent donner conseil, confort et ayde,
se mestier en ont, et les deffendent ou facent deffendre et
garder de toutes injures, violences, griefz, oppressions et
molestacions quelzconques, car ainsi nous plaist-il estre
fait, et aus dits suplians l'avons octroié et octroions de
grâce espécial par ces présentes en faveurde la dite église,
repparacion d'icelle et choses dessus dites, nonobstant
quelzconques mandemens ou deffenses contraires, pourveu
que les dits suplians n'acenseront ou bailleront à ferme
à questeurs ce que dit est, mais feront porter leurs dits
reliquiaireset sainctuaires etdemander lesdites aumosnes,
dons et bienffaiz par gens notables et preudommes, qui
loyalement les traiteront, et qu'ilz les feront employer ès
repparacions dessus dites, sans surtout faire ne commectre
aucuns abus, lesquelz, s'ilz estoient trouvez faisans, voulons
estre pugniz par justice; ces présentes après cincq ans non