(545 KB) - .PDF

- che l dejené da canche ie jit ndrova l plann urbanistich cumenel de Urtiijëi toma ai 17.02.2008;
- che l'aministrazion de chemun uel lauré ora da nuef l plann che se trata;
Udù la deliberazion esecutiva n. 251 di 15.05.2006 dla Jonta de chemun, cun chëla che vën
data al dut. arch. Pierguido Morello de Bulsan la ncëria de lauré ora da nuef l plann urbanistich cumenel
de Urtijëi - proiet danora;
Udù la deliberazion esecutiva n. 243 di 14.05.2007 dla Jonta de chemun, cun chëla che vën
data al dut. arch. Pierguido Morello de Bulsan la ncëria per finé l plann urbanistich cumenel de Urtijëi
laurà ora da nuef;
Dit plu avisa, che l ie unì metu su na grupa de lëur dl cunsëi per lauré ora da nuef l plann urbanistich
cumenel, che à laurà ora l plann dla stredes, dajan ju na minonga sun chësc;
Ratà sën drët purté dant al Cunsëi de chemun la ntenzions dla grupa de lëur n cont ala stredes,
acioche chësc posse to dezijions de mascima sun chësta ntenzions;
L cunselier de chemun Mulser Alfred Josef, nciarià dla materia dl'urbanistica, spiega la rejon de
chësc pont dl ordn dl di:
- la dezijions de mascima da ncuei à l sëul y mé l fin de ti dé al tecnich nciarià, dut. arch. Pierguido
Morello la puscibeltà de lauré ora l proiet dl plann urbanistich cumenel cun duc i documënc da
njunté per lege;
- che l se trata perchël mé de dezijions de pruzedimënt y cun sëui fins interns per chësta aministrazion
de chemun, che ne à deguna cunseguenza ti cunfronc de terzi, enghe ajache, ora che la
documentazion tecnica debujën, mancia mo duta la minonges scrites dant dala lege urbanistica provinziela,
sciche p.e. la minonga dla cumiscion per i mejes, la minonga dla forestale, la minonga dla
categories economiches y sozieles, y n.i.;
- l proiet dl plann urbanistich cumenel unirà dat pro definitivamënter dal Cunsëi de chemun ntan
na proscima senteda;
Dit danora:
- che n muessa purté inant pruvedimënc per l bën de chëi che va a pé y cun i auti y abine soluzions
per spartì y smendrì l trafich, che ti ultimi ani, aldò de mesurazions fates, ie aumentà de truep
y se abina dantaldut tl zënter dl luech;
- acioche l trafich ne se abine nia me tl zënter muessun abiné soluzions che spartësc l trafich
sun stredes alternatives a chëles da sen, per spusté almanco na pert dl trafich ora dl zënter;
- i architec dut. Morello Pierguido y dut. Nicoli Roberto (lëura ora l plann de atuazion dl raion A)
à laurà pra y prejentà ala grupa de lëur plù prupostes per ti cialé a chësta alternatives;
- la prupostes purtedes dant da chisc tecnichs ie chëles che vën do:
1. culegamënt dla streda Sciron cun la streda Mureda;
2. cunliamënt dla streda Tavella cun la streda Nevel;
3. culegamënt dla streda Rezia cun la streda Tresval jan diretamënter dala streda Rezia sun la
plaza Fever;
4. plaza S.Antone – ngrandì l raion da ji a pe nchina al Ladinia;
Dit che:
- la grupa de lëur à cialà tres la prupostes dites dessëura y dat ju chësta minonghes:
1) la pruposta n con'dl culegamënt dla streda Sciron cun la streda Mureda ne ie nia unida azeteda,
ajache l lëur da fé fossa n ntervënt ambientel massa grant;
2) per lië la streda Tavella cun la streda Nevel ie unides fates trëi prupostes, de chëstes à la
grupa de lëur azetà l'ultima (chëla dl pustom c):
a) slungé la streda Tavella per la taché adum cun la streda Nevel, jan dlongia la trassa dla ex
ferata ora, plù bas dl vërt y dla plaza da fé damat, che restëssa, dut te n tunel curt o plù lonch;
b) na segonda soluzion fossa chëla de lië la streda Tavella cun la streda Nevel, jan n pert sun la
streda da giara ora tla direzion dla plaza da fé damat, y do la cëses ju a man ciancia per rué tla streda
Nevel al'autëza de “Möbl Goller”;
c) slargé la raida pra la ncrujeda cun la streda Stazion y ji dlongia la cësa sun la p.ed. 1050
C.C. Urtijëi ju - cësa che ie avëi dla sozietà Wanger srl (che unissa zareda ju y pra chëla ucajion
spusteda de puech per lascé passé la streda)- per rue tla streda Nevel al'autëza dl “Möbl Goller”;
3. la ie unida azeteda a una la pruposta dl culegamënt dla streda Rezia cun la streda Tresval
jan diretamënter dala streda Rezia sun la plaza Fever. La pruzedura da to ie chëla de rué dantaldut
a una cun la patrona de n valguna parzeles de grunt sun chëles che n fajessa l culegamënt streda
Rezia/streda Tresval y la garage sota tiera, anda Schmalzl Olga, y pona udëi dant tl plann urbanistich
cumenel la streda nueva, la plaza da parché publica sëuravia, l vërt publich, la stredes da ji a pe,
la njinies publiches sota tiera y la sëida nueva dl cumpart A 24 dl plann de recupereda;