(545 KB) - .PDF

4. L vën fat ora de udëi dant n garasc sota tiera sun plaza S.Antone. Perchël messran udëi dant
tl plann urbanistich cumenel la njinies publiches sota tiera sibe sun la plaza che pra la ntredes ala
plaza. Ajache l puc y l plann de atuazion dl raion “A” ne ie nia medemi per chël che reverda l vërt publich
udù dant sun la plaza da parché dl “Snaltnerhof”(cumpart A-23) àn fat ora de udëi dant l vërt
publich sun tramedoves la pertes dla streda, o miec sun la pert dl “Snaltnerhof” (cumpart A-23) y
sun la pert dla “Villa Venezia” (cumpart A-24);
Ratà sen drët purté dant al Cunsëi cumenel la prupostes dites dessëura, acioche n possa to na
decijion;
Udù l test unich dla leges regiuneles sun l urdinamënt di chemuns Region autonoma Trënt -
Sudtirol, dat pro cun DPReg. 01.02.2005, n. 3/L;
Tëuc ite i bënsteies sun la pruposta de chësta deliberazion sciche dac jù dal respunsabl dl
servisc nteressà y dal respunsabl de rajuneria aldò dl art. 81 dl test unich nunzià dessëura;
Udù la prupostes che vën do:
1.a.) Culegamënt dla streda Sciron cun la streda Mureda.
De plù cunselieres de chemun da ju si minonga sun chësc argumënt. Moroder Giorgio G. ie a
una cun chësta pruposta, ënghe sce la realisazion cumpurtëssa n gran ntervënt tl ambient.
Moroder Leander ne ie nia a una cun chësta pruposta, ajache te chësc raion ie me puecia
cëses.
Goller Martina va ora dla sala dla sentedes;
Grupa de lëur: minonga negativa.
Prejënc n. 18 cunsilieres cumenei;
m.c.r. Moroder Raffael V., Goller Martina;
Cun n. 14 ujes de contra, n. 3 astenjions y n. 1 usc a una, dites ora per auzeda de man;
f e j o r a
de ne azeté nia n linia de mascima la pruposta per la gauja che vën do: la realisazion cumpurtëssa
massa n gran ntervënt tl ambient.
1.b) Culegamënt dla streda Sciron cun la streda Mureda.
Moroder Giorgio G. y Demetz Enrico porta dant n'autra pruposta: lië la streda Sciron cun la
streda Nevel la l luech Lip.
Prejënc n. 18 cunsilieres cumenei;
m.c.r. Moroder Raffael V., Goller Martina;
Cun n. 10 ujes de contra y n. 8 ujes a una, dites ora per auzeda de man;
f e j o r a
La prupostes à la carateristghes dl raion de cumpletamënt. L'autra 2 ie teutes dant da chësta.
Chësta pruposta ven metuda n descuscion ma nia a na votazion
Presënc n. 19 cunselieres de chemun;
Cun duta la ujes de contra, vela fata per auzeda de man;
f e j o r a
de ne azeté nia n linia de mascima la pruposta fata da Moroder Giorgio G. y Demetz Enrico.
Goller Martina rua inò te sala dla sentedes;
2. Cunliamënt dla streda Tavella cun la streda Nevel.
Sun la prupostes che vën do vëniel lità:
a) pruposta de slungé la streda Tavella per la taché adum cun la streda Nevel, jan dlongia la
trassa dla ex ferata ora, plù bas dl vërt y dla plaza da fé damat, che restëssa, dut te n tunel curt o
plù lonch;
b) na segonda soluzion fossa chëla de lië la streda Tavella cun la streda Nevel, jan n pert sun la
streda da giara ora tla direzion dla plaza da fé damat, y do la cëses ju a man ciancia per rué tla streda
Nevel al'autëza de “Möbl Goller”;
c) pruposta de slargé la raida pra la ncrujeda cun la streda Stazion y ji dlongia la cësa sun la
p.ed. 1050 C.C. Urtijëi ju - cësa che ie avëi dla sozietà Wanger srl (che unissa zareda ju y pra chëla
ucajion spusteda de puech per lascé passé la streda)- per rue tla streda Nevel al'autëza dl “Möbl