ACTA APOSTOLICAE SEDIS COMMENTARIUM ... - La Santa Sede

S. Bomana Bota 205
tium dubium responderunt: « Emolumentorum administrationem geren-
« dara esse iuxta normas statutas in conventione diei 26 aprilis 1908 ».
His ergo omnibus consideratis et bene perspectis, Christi nomine
invocato, Nos infrascripti Auditores, pro Tribunali sedentes, et solum
Deum prae oculis habentes, decernimus, declaramus et definitive
sententiamus: Confirmandam esse sententiam Rotalem diei 26 februarii
anni 1915, ad propositum dubium respondentes: Affirmative ad primam
partem; negative ad secundam.
Quod attinet ad expensas, confirmamus etiam dictam sententiam
Rotalem, ita ut Rev. parochus Angelus Ciuffi solvere debeat omnes
expensas iudiciales utriusque instantiae, et insuper, pro hac secunda
instantia, expensas et honoraria advocati alterius partis.
Ita pronunciamus, mandantes Ordinariis locorum et ministris tribunalium,
ad quos spectat, ut exsecutioni mandent hanc nostram definitivam
sententiam, et adversus reluctantes procedant ad norman SS. Canonum
et praesertim cap. B, sess. XXV, De reform., Concilii Tridentini, iis
adhibitis exsecutivis et coercitivis mediis, quae magis opportuna et efficacia
pro rerum adiunctis exstitura sint.
Romae, in sede Tribunalis S. R. Rotae, die 9 iunii 1916.
L. ©S.
Ex Cancellaria, 30 iunii 1916.
Sac. T. Tani, Notarius.
Seraphinus Many, Ponens.
Ioannes Prior.
Raphael Chimenti.