ACTA APOSTOLICAE SEDIS COMMENTARIUM ... - La Santa Sede

32 Acta, Apostolicae Sedis - Commentarium Officiale
ACTA TRIBUNALIUM
SACRA ROMANA ROTA
I
PARISIEN.
NULLITATIS MATRIMONII (GHANCEREL-PLANDIN)
Benedicto PP. XV feliciter regnante, Pontificatus Dominationis Suae
anno secundo, die 10 maii 1916, BR. PP. DD. Guilelmus Sebastianeiii,
Decanus, Ponens, Seraphinus Many et Aloisius Sincero, Auditores de turno,
in causa Parisien. - Nullitatis matrimonii, instante pro appellatione Defensore
Vinculi matrimonialis ex officio Curiae Parisiensis, inter Lucianam
Chancerel, repraesentatam per legitimum procuratorem ex officio deputatum
Sac. Felicem Qualandri, advocatum, et Andream Flandin, interveniente
et disceptante in causa Substituto vinculi defensoris ex officio nostri
Tribunalis, sequentem tulerunt definitivam sententiam.
Andreas Flandin divitiis magis, quam pulchritudine Lucianae Chancerel
captus, ita eius animum ad se allicere curavit, ut uterque propriis
matribus intentionem manifestarunt nuptias contrahendi. At celebrationi
matrimonii obstabant stipendia militaria explenda ab Andrea. Quibus
peractis in civitate Nanceyensi, Andreas Parisios rediit et obtento a parentibus
consensu, primum sponsalia, deinde nuptiae coram Ecclesia celebratae
fuerunt die 31 iulii 1907. Ante vero matrimonium, imo ante ipsum
contractum sponsalitium, Andreas Flandin declaravit se matrimonium
contracturam, exclusa omnino, absolument, prolis generatione, quod Pessimum
propositum Luciana acceptavit. Post tres annos ab initis nuptiis,
Andreas, qui iam mulieris dotem dilapidaverat, thalamum coniugale definitive
deseruit. Quare Luciana, obtenta prius a magistratu civili sententia
divortii, Curiam adivit Parisiensem, ut nullum suum cum Andrea
matrimonium declararetur, ob appositionem turpis conditionis de prole