ACTA APOSTOLICAE SEDIS COMMENTARIUM ... - La Santa Sede

386 Acia Apostolicae Sedis - Commentarium Officiale
« quibus iidem Capitulum et canonici dictae metropolitanae ecclesiae,
« intervenire solent; quodque functiones parochiales fieri debeant tem-
« pore et modo quibus functiones capitulares ipsius metropolitanae
« ecclesiae non disturbentur ; et ob id sub directione archiepiscopi Tur-
« ritam praedicti, una cappella dictae metropolitanae ecclesiae ad hunc
« effectum sit specialiter assignanda. Quodque insuper de canonicatu
« et praebenda praefatis, per concursum ad formam Concilii Tridentini
«et Apostolicarum Constitutionum desuper habendum, debeat disponi;
« excepta tantum praesenti eorundem vacatione, etc. Ac praeterea quod
« duo ex perpetuis simplicibus beneficiis ecclesiasticis, in dicta metro-
« politana ecclesia sitis, quae liberae collationis exsistunt, et illa pro tem-
« pore respective obtinentes, distributionibus quotidianis tantum gaudent,
« primo loco vacatura, ad nominationem seu praesentationem nunc et
« pro tempore exsistentium Capituli et canonicorum dictae metropolitanae
« ecclesiae, duobus presbyteris idoneis ab Ordinario loci ad curam
« animarum exercendam prius adprobandis in exercitio curae anima-
« rum coadiutoribus seu viceparochis nuncupandis respective conferri
« debeant», de quibus inter alia haec statuebantur: « qui duo presbyteri
« coadiutores seu viceparochi uterque eorum solita assignatione praedi-
« ctorum viginti duo scutatorum dictae monetae et tertia parte dictorum
« emolumentorum eventualium gaudere respective debeant; reliqua tertia
« parte eorundem emolumentorum praedicto canonico curato una cum
« aliis viginti duobus scutis, quae iuxta morem tertio viceparocho darent,
« salva remanente; et cui canonico curato, suis loco et tempore, resi-
« dualia quadraginta quatuor scutata monetae praedictae cedant statim
« ac dicti duo presbyteri coadiutores seu viceparochi de praedictis
« duobus beneficiis primo loco ut praefertur vacaturis provisi respective
« fuerint, qui tamen duo presbyteri coadiutores seu viceparochi et
« uterque eorum in perceptione dictae tertiae partis emolumentorum
« eventualium huiusmodi continuare debeant et debeat ».
Progressu temporis, quum haud leves inter canonicum-parochum
et Capitulum subortae fuissent difficultates, praesertim circa obligationem
celebrandi Missam pro populo, circa exemptionem a punctatione, circa
duplam distributionem in functionibus choralibus simul et parochialibus
quibus curati interveniant, circa ius associandi cadavera nec non ius
stolae et paramentorum in funeribus, circa onus pro videndae supellectilis
pro cura animarum, etc.; super hisce omnibus, auctoritativam
pronunciavit decisionem, die 2 augusti 1794, archiepiscopus Hyacinthus
Della Torre, cuius iudicio detulerant canonicus-parochus et Capitulum.
In hac autem decisione, post brevem recensionem eorum quae hucusque