ACTA APOSTOLICAE SEDIS COMMENTARIUM ... - La Santa Sede

502 Acta Apostolicae Sedis - Commentarium Officiale
inductis, Vicario Capitulari competere dignoscantur. E contrario, ea quae
consistunt in recipiendo, vel ut inquit idem Ostiensis, in passione dulci,
prouti sunt Cathedraticum exigere, quartam decimarum, mortuorum et
similia, quaeque legem dioecesanam constituunt, a Vicario Capitulari
sunt omnino subducta. Iste enim praeter congruum salarium sibi assignatum
aut assignandum, vel ex fructibus vacantis ecclesiae, vel ex alio
capite, nullum ius habet in illis emolumentis, quae Episcopo obvenirent,
si Ecclesia non vacaret, prouti ex Clement. « Statutum » supra relata,
deducitur, quaeque futuro Episcopo sunt reservanda.
Quae vero de Vicario Capitulari sunt dicta, applicari quoque debent
Administratori Apostolico, sede vacante, in dioecesi constituto ; hic enim
ordinario ea pollet iurisdictione, quae Vicario Capitulari competit,
exceptis peculiaribus facultatibus fortasse in brevi nominationis indultis.
(Wernz, Ius Decret, 2, p. 820).
RESOLUTIO. - Porro, propositis in plenariis Emorum Patrum comitiis
in Palatio Apostolico Vaticano habitis die 11 martii 1911, tum precibus
Parochorum Civitatis Castelli, tum expostulatione Vicarii Generalis Alatrini,
super his rescriptum prodiit:
Cathedraticum, sede vacante, non deberi.
Quam Emorum Patrum resolutionem Pius fel. rec. PP. X, in audientia
die 13 eiusd. mensis et anni Secretario B. Congregationis concessa, approbare
et confirmare dignatus est.,
Datum Romae, ex aedibus S. C. C, die 20 augusti 1917.
I. MORI, Secretarius.