ACTA APOSTOLICAE SEDIS COMMENTARIUM ... - La Santa Sede

S. Congregatio Consistorialis 83
Archiepiscopus Ravennatensis, ut gratum faceret Sanctitati Suae, omnia
iura quibus hucusque fruebatur super altare S. Apollinaris in Archipresbiterali
ecclesia loci Molinella Antistiti pro tempore Bononiensi cedere
declaraverit, idem Ssmus Dominus hanc quoque cessionem ratam habuit
et confirmavit.
Ad haec, quae statuta sunt, exsecutioni mandanda Ssmus Dominus
deputare dignatus est Emum et Rmum D. Iulium Card. Boschi, Archiepiscopum
Ferrariensem, eidem tribuens necessarias et opportunas facultates
etiam subdelegandi ad effectum de quo agitur: facta insuper eidem
Emo Viro obligatione intra tres menses ad hanc S. Congregationem
mittendi authenticum exemplar exsecutionis peractae. Hisce denique
super rebus Sanctitas Sua hoc edi iussit consistoriale decretum perinde
valiturum ac si Apostolicae sub plumbo Litterae expeditae forent, contrariis
non obstantibus quibusvis, speciali quoque mentione vel derogatione
dignis.
Datum Romae, ex Secretaria eiusdem S. Congregationis Consistorialis,
die 3 ianuarii 1917.
L. ©S.
)$l C. CARD. DE LAI, Ep. Sabinen., Secretarius.
f V. Sardi, Archiep. tit. Caesarien., Adsessor.
II
PROVISIO ECCLESIARUM
Sacrae Congregationis Consistorialis decretis, SSmus D. N. Benedictus
PP. XV has, quae sequuntur, ecclesias de proprio pastore providit,
scilicet :
2 ianuarii 1917. — Metropolitanae ecclesiae Algeriensi praefecit
R. D. Augustinum Leynaud, parochum loci Sousse in archidioecesi
Carthaginensi.
12 ianuarii. — Metropolitanae ecclesiae Turritanae promovit R. P.
D. Cletum Cassani, hactenus episcopum tit. Thaciamontanensem.
— Titulari episcopali ecclesiae Dauliensi praefecit R. D. Aurelium
Bacciarini, Superiorem Generalem Servorum Charitatis, quem constituit
Administratorem Apostolicum ecclesiae Luganensis.
18 ianuarii. — Episcopali titulari ecclesiae Hamathensi R. P. Placidum
Angelum Rey Lemos, Definitorem Generalem Ord. Fratrum Minorum.