ACTA APOSTOLICAE SEDIS COMMENTARIUM ... - La Santa Sede

Annus IX - Vol. IX Die 1 Februarii 1917 Num. 2
ACTA APOSTOLICAE SEDIS
COMMENTARIUM OFFICIALE
ACTA BENEDICTI PP. XV
LITTERAE APOSTOLICAE
I
CANONICI PRO TEMPORE ECCLESIAE SS. GELSI ET IULIANI DE URBE « CAPEL­
LANI SECRETI HONORIS» IN PERPETUUM ^ENUNTIANTUR.
BENEDICTUS PP. XV
Ad perpetuam rei memoriam. — Templa huius almae Urbis Nostrae,
quae antiquitate pariter ac nobilitate commendentur, ex more institutoque
Romanorum Pontificum Decessorum Nostrorum praecipuis privilegiis
atque honoribus cumulanda censemus. In sacrarum huiusmodi aedium
numerum eam imprimis referre licet, quae ad pontem Aelium posita
ac SS. Celso et Iuliano Martyribus dicata, inter principes Urbis Paroecias
locum obtinuit, et a priscis temporibus Cappellae pontificiae titulo decoratur.
Peculiare autem est eius ornamentum Canonicorum Ordo, in illa
antiquitus constitutus, qui modo iustis de caussis ad S. Ioannis Florentinorum
in Via Paullina translatus, Deo laudes heic persolvit, ac cetera
pietatis conficit officia. Cum igitur vetus eadem Conlegiata Ecclesia
SS. Gelsi et Iuliani Pontificiae Cappellae nomine merito utatur, aequum
ac peropportunum esse duximus precibus Capituli, quod ad eam pertinet,
obsecundare et canonicos ipsos ad potiorem dignitatis gradum
promovere. Quare, praesentium tenore, Apostolica Auctoritate Nostra,
universos ac singulos Canonicos pro tempore Ecclesiae SS. Celsi et
Iuliani de Urbe intimos Aedituos Nostros ad honorem, seu, uti dicunt,
« Capellanos secretos honoris » perpetuum in modum facimus, consti-
ACTA, vol. IX, n. 2. — 1-2-917.- *