ACTA APOSTOLICAE SEDIS COMMENTARIUM ... - La Santa Sede

Acta Apostolicae Sedis — Commentarium Officiale
coactos ostendant. Quare iure meritoque admittitur plus valere duos
testes de metu in specie deponentibus quam mille de libertate testantes.
Nam deponentes super spontanea voluntate deponunt de actu mentali;
qui soli Deo notus est, et coram hominibus simulari potest ; deponentes
vero de minis, iurgiis, vexationibus, testantur de iis, quae sensu percipiuntur,
uti adnotat Emus Lega in causa Vesprimien., 2 iulii 1911.
Ultima tandem verba parochi : « Nego la coazione da toglierle la libertà
dell'atto » cum nullo facto nitantur, exprimunt ad summum ipsius
parochi opinionem. Revera acta demonstrant Rev. Pacelli non parum
adlaborasse pro validitate matrimonii, fortasse, quia eius culpa impeditum
non fuit, cum post Penelopis lamentationes sponsos rite non interrogaverit,
et nulla instituta inquisitione quoad statum liberum Torquati,
nuptias benedixerit.
Quibus omnibus rite diligenterque perpensis, Nos infrascripti Auditores
de turno, pro tribunali sedentes et solum Deum prae oculis habentes,
Christi nomine invocato, decernimus et definitive declaramus sententiam
rotalem diei 16 augusti 1915 esse confirmandam i. e. ad propositum
dubium respondemus : Affirmative ad primam partem, Negative ad secundam.
Ita declaramus mandantes Ordinariis locorum et ministris tribunalium
ad quos spectat, ut exsecutioni mandent hanc nostram definitivam
sententiam, et adversus reluctantes procedant ad normam ss. Canonum,
praesertim cap. 3, sess. XXV, de reform., Conc. Trid., iis adhibitis
exsecutivis et coercitivis mediis, quae magis efficacia et opportuna pro
rerum adiunctis exstitura sint.
Romae, in sede Tribunalis S. R. Rotae, die 20 octobris 1916.
Iv* S.
Ex Cancellaria, 24 octobris 1916.
Sac. T. Tani, Notarius.
Guilelmus Sebastianeiii, Decanus, Ponens.
Seraphinus Many.
Ioannes Prior.