ACTA APOSTOLICAE SEDIS COMMENTARIUM ... - La Santa Sede

500 Acta Apostolicae Sedis - Commentarium Officiale
scopali vacante, et quatenus affirmative, num favore Vicarii Capitularis
vel Administratoris Apostolici cedere debeat, num potius futuro Episcopo
sit reservandum.
Porro, ex superius recensitis, ad necessariam conclusionem devenitur,
quod vacante sede episcopali, Cathedraticum non sit debitum.
Siquidem deficiente sponso et pastore Ecclesiae, et hinc subiecto, cui
honoris et obedientiae munus sit tribuendum, obligatio ipsa, ex natura
rei non urgere censetur.
At difficultatem aliquam facessere potest quod in Clement. 6 legitur,
cap. Statutum, de elect. et Electi potest. « Statutum super bonis a prae-
« latis cathedralium regularium et collegiatarum ecclesiarum dimissis,
« aut obvenientibus tempore vacationis earum, futuris successoribus
« fideliter reservandis editum, locum declaramus liabere in omni emo-
« lumento quod procedit ex iurisdictione et sigillo curiae ecclesiasticae
« vel saecularis, aut alias undecumque, quod ad praelatos (Ecclesiis
« non vacantibus) pertineret ». Huius canonis ad tramitem, pluries sancitum
fuit ab H. S. O.: « emolumenta tempore vacationis sedis Episco-
« palis obvenientia ex iurisdictione et sigillo, vel alias undecumque,
« neque ad Capitulum neque ad Vicarium spectare, sed libere futuro
« successori reservari, si ad Episcopum, Ecclesia non vacante, pertinuis-
« sent». Ita prae aliis in una Agrigentina 17 novem. 1594,et novissime
in una Ianuen. Emolumentorum, 23 feb. 1856 (Thesaurus Resolutionum
S. C. G., t. CXV, p. 76). Unde deduci posset, Cathedraticum inter emolumenta
illajässe recensendum, quae Episcopo sede plena obveniunt sive ex
iurisdictione, sive alias undecumque, unde etiam tempore sedis vacantis ab
obnoxiis exsolvendum, futuro tamen Episcopo reservandum. Sed, hoc non
obstante, retinendum videtur Cathedraticum, ob peculiarem suam indolem,
de qua hucusque, a tradita norma esse immune, et hinc Episcopo
non deberi nisi a die adeptae possessionis suae Ecclesiae, quando
nempe ob spirituale matrimonium cum Ecclesia celebratum, effectus est
verus sponsus et pastor gregis sibi commissi, quamobrem repetere iure
valeat subiectionis et honoris signum. Id deducitur in primis, ex nonnullis
resolutionibus H. S. C, quae id, non aequivocis verbis, constabilire
videntur. Ita prae aliis in una Amalphitana, Cathedratici, 5 nov. 1707,
ad dubium: « a quo tempore Cathedraticum debeatur? », responsum fuit:
« a die adeptae possessionis ». Non dissimiliter resolutum fuit in una
Camerinen. Cathedratici, 18 mart. et 8 iul. 1725. Sequiore vero aetate quaestio
videtur magis in terminis definita. Siquidem in una Anglonen. et
Tursien., Iurium, 31 iul. 1852, praetendente Episcopo, Cathedraticum sibi
deberi a Capitulo Collegiatae Ecclesiae loci Rabatana, etiam pro tem-