DOU-Ensikliek-Ecclesia de Eucharistia.vp - Die Oratorium

More documents

Recommendations

Info

3 wat Hy maar kort tevore in die Sakrament van die Eucharistie as verlossingsdrank aan die Kerk nagelaat het, word vanaf hierdie oomblik af uitgestort. Binnekort sou hierdie vergieting van sy Bloed tot voltooiing kom op Golgota om so ‘n werktuig van ons Verlossing te word: ‘Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie, ook nie met die bloed van bokke en kalwers nie, maar met sy eie bloed, een maal ingegaan in die heiligdom en ‘n ewige verlossing teweeggebring.’ (Hebr. 9:11-12). 4. Die uur van ons verlossing. Ofskoon diep beangs, vlug Jesus nie weg van sy ‘uur’ af nie: ‘Nou is Ek diep ontsteld. En wat moet Ek sê? Moet Ek sê: Vader, red My uit hierdie uur? Maar juis hiervoor het Ek gekom, vir hierdie uur.’ (Joh. 12:27, NV). Jesus wil sy dissipels by Hom hê, maar tog moes Hy eensaamheid en verlatenheid ervaar ‘So was julle dan nie in staat om een uur saam met My te waak nie? Waak en bid, dat julle nie in versoeking kom nie. Die gees is wel gewillig, maar die vlees is swak.’ (Matt. 26:40-41). Alleen Johannes sou aan die voet van die kruis oorbly, aan die sy van Maria en die ander vroom vroue. Die doodstryd in Getsemane was die inleiding tot die doodstryd aan die kruis op Goeie Vrydag. Die Heilige Uur, die uur van die verlossing van die wêreld. Elke keer wanneer die Eucharistie gevier word by die graf van Jesus in Jerusalem keer ‘n mens byna tasbaar terug na sy ‘uur’, die uur van sy Kruis en Verheerliking. Elke priester wat die Heilige Mis vier, word saam met die Christelike gemeente wat daaraan deelneem, in die gees terugelei na daardie plek en daardie uur. ‘Hy is gekruisig, gestorwe en begrawe, en het neergedaal na die doderyk en die derde dag weer opgestaan uit die dood.’ Dié woorde van die geloofsbelydenis weerklink die woorde van kontemplasie en verkondiging: ‘Dit is die kruishout waaraan die Heiland van die wêreld gehang het, laat ons aanbid’ (Ecce lignum crucis, in quo salus mundi perpendit. Venite adoremus). Hierdie is die uitnodiging wat die Kerk in die middaguur van Goeie Vrydag aan alle mense rig. Hierdie beeld word opgeneem in die Kerk se gesang tydens die Paastyd: ‘Die Here het uit die graf opgestaan, om ons ontwil het Hy aan die kruis gehang, halleluja’. (Surrexit Dominus de sepulcro qui pro nobis perpendit in ligno. Alleluia). 5. ‘Mysterium fidei’ – Die Geheimenis van die Geloof!’ Wanneer die priester hierdie woorde uitspreek of sing antwoord alle aanwesiges:
4 ‘Christus het gesterwe, Christus is verrese, Christus sal weer kom.’ Met hierdie of soortgelyke woorde openbaar die Kerk, terwyl sy vooruit wys na Christus, ook haar eie geheimenis: Ecclesia de Eucharistia (die Kerk van die Eucharistie). Voordat die Kerk deur die gawe van die Heilige Gees die wêreld in kon gaan, was die beslissende oomblik in die formasie van die Kerk die instelling van die Eucharistie in die Bovertrek. Die fondament en bron van die Kerk is die Paastriduum, maar die gebeure van hierdie drie hoogheilige dae is saamgevat, vooruitgebeeld en gekonsentreerd in die geskenk van die Eucharistie. In hierdie geskenk vertrou Christus aan sy Kerk dié groot realiteit toe: dat die Kerk vir altyd die Paasgeheimenis in elke tyd ‘n werklikheid sal maak. Met hierdie gawe veroorsaak Chrstus ‘n misterieuse ‘gelyktydigheid’ tussen die Triduum en die loop van die eeue. Die gedagte hieraan roep in ons gevoelens op van groot verbystering en dankbaarheid. In die gebeurtenis van Pase en in die Eucharistie wat die Paasgebeure deur die eeue teenwoordig maak, is daar ‘n enorme groot ‘vermoë’ wat die hele geskiedenis omvat as die ontvanger van die genade van die verlossing. Elke keer as die Kerk bymekaarkom om die Eucharistie te vier moet ons vervul wees met die verbysterende wete van dit wat ons gaan doen. In die besonder moet die bedienaar van die Eucharistie hiermee vervul wees. Want dit is die bedienaar, wat deur die gesag wat aan hom gegee is in die Sakrament van Priesterwyding, die konsekrasie voltrek. Dit is hy wat sê, met die mag wat tot hom kom van Christus in die Bovertrek: ‘Dit is my Liggaam wat vir julle oorgelewer sal word...dit is die beker van my Bloed wat vir julle uitgestort sal word...’ Die priester sê hierdie woorde, of liewer, hy stel sy stem tot beskikking van Hom wat hierdie woorde in die Bovertrek gespreek het en dit so bedoel het dat sy woorde in elke generasie herhaal sal word deur almal wat in die Kerk deur hul wyding deel het aan sy priesterskap. 6. Met dié skrywe wil ek probeer om hierdie Eucharistiese ‘verwondering’ opnuut aan te wakker. Hierdie ensikliek sluit aan by my Apostoliese Brief vir die Jubeljaar, Novo Millennio inuente en sy Mariale bekroning, Rosarium Virginis Mariae. Ons kontemplasie van Christus se gelaat, ‘n kontemplasie wat ons saam met Maria doen, maak deel uit van die ‘program’ wat ek aan die Kerk voorlê by die aanbreek van hierdie derde millennium. Hiermee nooi ek die Kerk uit om met geesdrif uit te vaar op die see van die geskiedenis vir die nuwe evangelisasie van die mensdom. Ons kontemplasie van Christus behels die volgende: dat ons in staat sal wees om Hom te herken in al die tallose vorme van sy aanwesigheid onder ons - veral in die lewende Sakrament van sy Liggaam en Bloed. Die Kerk leef
Page 1: DIE ORATORIUM UITGEWERY KERK DOKUME
Page 5: Eerste Afrikaanse Uitgawe November
Page 8 and 9: INLEIDING 1 1. Die Kerk leef van di
Page 12 and 13: 5 van Christus in die Eucharistie;
Page 14 and 15: 7 November 1947) 6 van Pius XII, en
Page 16 and 17: HOOFSTUK EEN 9 DIE GEHEIMENIS VAN D
Page 18 and 19: 11 gemeente wat dit deur die hande
Page 20 and 21: 13 15. Hierdie opnuut sakramentele
Page 22 and 23: 15 Vuur en Gees...Neem daarvan, eet
Page 24 and 25: 17 plek te maak. 33 Hier aan die be
Page 26 and 27: 19 HOOFSTUK TWEE DIE EUCHARISTIE BO
Page 28 and 29: 21 van die Kruisoffer in die Euchar
Page 30 and 31: 23 kommunie. 46 Dit is die taak van
Page 32 and 33: 25 HOOFSTUK DRIE DIE APOSTOLISITEIT
Page 34 and 35: 27 persoon van Christus die Euchari
Page 36 and 37: 29 biskoppe en priesters toevertrou
Page 38 and 39: 31 gedagte hou: ‘geen enkele Chri
Page 40 and 41: 33 die praktyk van ‘geestelike ko
Page 42 and 43: 35 beteken dit dat dié Sakrament o
Page 44 and 45: 37 gelowiges’, 82 is eenheid/geme
Page 46 and 47: 39 tot ekumeniese aktiwiteite. Ons
Page 48 and 49: 41 dit aan die sigbare bande van Ke
Page 50 and 51: 43 HOOFSTUK VYF DIE WAARDIGHEID VAN
Page 52 and 53: 45 vier, te onderstreep en te bekle
Page 54 and 55: 47 aan individue nie, maar aan hele
Page 56 and 57: 49 H OOFSTUK SES IN DIE SKOOL VAN M
Page 58 and 59: 51 waarmee sy Hom in haar arms vasg
Page 60 and 61:
53 S LOT 59. Ave, verum corpis natu
Page 62 and 63:
55 teenwoordigheid kan ons in die d
Page 64:
D · O · U ISBN 1-919962-12 -3 DIE
show all

DOU-Ensikliek-Ecclesia de Eucharistia.vp - Die Oratorium

Create successful ePaper yourself

Delete template?

Save as template?