DOU-Ensikliek-Ecclesia de Eucharistia.vp - Die Oratorium

36
gemeenskapsbande in die sakramente, in die besonder in die Doop en
Priesterwyding, eg moet wees. Dit is net nie moontlik om Kommunie aan
iemand te gee wat nie gedoop is nie of aan iemand wat die volle
geloofswaarheid met betrekking tot die Eucharistiese Geheimenis verwerp.
Christus is die waarheid en Hy getuig van die waarheid (vgl. Joh. 14:6;
18:37) – die Sakrament van sy Liggaam en Bloed duld geen valsheid of
geveinsdheid nie.
39. Verder moet ons onsself daaraan herinner dat die spesifieke karakter
van kerklike eenheid en van die verhouding wat die Sakrament van die
Eucharistie daaraan gee daartoe lei dat ‘die Eucharistiese Offer, wat altyd
opgedra word in ‘n spesifieke gemeenskap, nooit net die viering van daardie
betrokke gemeenskap alleen is nie. Die gemeenskap ontvang die Eucharistiese
Aanwesigheid van die Here en daarmee die volledige gawe van die verlossing
en is – selfs as spesifieke en sigbare gemeenskap – die beeld en ware
aanwesigheid van die een, heilige, katolieke en apostoliese Kerk’. 79
Hieruit volg dit dus dat ‘n egte Eucharistiese gemeenskap nooit op homself
ingekeer kan wees nie. ‘n Eucharistiese gemeenskap is nooit iets ekslusief
en selfgenoegsaam nie – elke Eucharistiese gemeenskap moet volhard in
harmonie met elke ander katolieke gemeenskap.
Die kerklike gemeenskap van die Eucharistiese samekoms is ‘n gemeenskap
met ‘n eie Biskop en met die Pous, die Biskop van Rome. Die Biskop is die
sigbare beginsel en fondament van die eenheid van sy besondere Kerk. 80
Dit sou dus net nie sin maak om hierdie sakrament, wat by uitstek dié
sakrament van eenheid is, te vier sonder dat daar ‘n werklike eenheid met
die Kerk bestaan nie. St. Ignatius van Antiogië het geskryf: ‘Die Eucharistie
mag slegs as geldig beskou word as dit gevier word onder die biskop of onder
hom aan wie die biskop hierdie opdrag gegee het’. 81 Insgelyks, aangesien
‘die Pous van Rome, as opvolger van Petrus, die blywende en sigbare beginsel
en fondament is van die eenheid van sowel die biskoppe as van die
79 Communionis notio, 11.
80 vgl. Lumen gentium, 23.
81 Ad Smyrnaeos, 8, in: PG 5, 713.