DOU-Ensikliek-Ecclesia de Eucharistia.vp - Die Oratorium

12
wat ‘... Homself verneder deur gehoorsaam te word tot die dood toe, ja, die
dood van die kruis.’ (Fil. 2:8), aanvaar en aan sy Seun dié gawe geskenk wat
eie aan die Vader is: die nuwe en onsterflike lewe in die opstanding.’ 18
Christus het sy offer aan die Kerk geskenk en daardeur maak Christus die
geestelike offer van die Kerk sy eie. Die Kerk word geroep om haarself te
offer – die Kerk se offer word verenig met Christus se offer en so maak die
Kerk se offer deel uit van Christus se offer. Hierdie is die leerstelling van
die Tweede Vatikaanse Konsilie betreffende alle gelowiges: ‘Deur deel te
neem aan die Eucharistiese offer, wat die oorsprong en hoogtepunt van die
hele Christelike lewe is, dra die gelowiges die goddelike Offerlam en hulself
met Hom op aan God.’ 19
14. Die Pase van Christus omvat met sy lyding en dood ook sy opstanding.
Daaraan herinner die akklamasie van die gemeente ná die konsekrasie
ons: ‘Christus het gesterwe, Christus is verrese, Christus sal weer kom.’ Die
Eucharistiese offer maak nie alleen die geheimenis van die lyding en dood
van die Verlosser teenwoordig nie, maar die geheimenis van die
opstanding (verrysenis) wat sy offer bekroon. Dit is juis as die Lewende en
Verrese Christus dat Hy Homself in die Eucharistie tot die ‘brood van die
lewe’ (Joh. 6:35, 48), tot die ‘lewende brood’ (Joh. 6:51) kan maak.
Sint Ambrosius het sy volwasse dopelinge dit ingeprent dat die Eucharistie
die Opstanding-gebeurtenis op hul eie lewens toepas: ‘Vandag is Christus
joune, en elke dag staan Hy vir jou op uit die dood’. 20 St. Cyril van
Alexandrië maak dit ook duidelik dat ons deelname aan dié Heilige
Geheimenis: ‘...’n egte belydenis en ‘n egte gedagtenis is, dat die Here gesterf
het en vir ons verlossing teruggekeer het tot die lewe.’ 21
18 Johannes Paulus II, Ensikliek Redemptor hominis (4 Maart 1979),
20.
19 Lumen gentium, 11.
20 St. Ambrosius, De Sacramentis, V, 4, 26 in: CSEL 73, 70.
21 St. Cyril van Alexandrië, In Ioannis Evangelium, XII, 20, in PG 74,
726.