DOU-Ensikliek-Ecclesia de Eucharistia.vp - Die Oratorium

15
Vuur en Gees...Neem daarvan, eet almal daarvan, en eet daarmee die Heilige
Gees. Dit is waarlik My Liggaam en diegene wat dit eet sal tot in ewigheid
lewe.’ 27 In die Eucharistiese epiklese vra die Kerk hierdie goddelike Gawe,
die bron van elke ander gawe. In die Goddelike Liturgie van St. Johannes
Chrysostomus lees ‘n mens byvoorbeeld: ‘Ons roep U aan, ons bid U en ons
smeek U: stuur u Heilige Gees oor ons almal en oor hierdie gawes...sodat ons
wat daaraan deelneem in ons siele gereinig sal word, en ook vergifnis vir ons
sondes en die gawes van die Heilige Gees sal verkry.’ 28 In die Romeinse
Missaal vra die selebrant: ‘Verkwik ons deur die Liggaam en Bloed van u
Seun, en vervul ons met sy Heilige Gees sodat ons één ligaam en gees word in
Christus.’ 29 En so laat Christus deur die gawes van sy Liggaam en sy Bloed
in ons die gawe van sy Gees toeneem, dieselfde Gees wat ons reeds
ontvang het by ons Doop en wat in ons beseël is in die sakrament van die
Vormsel.
18. In die akklamasie wat die gemeente uitspreek ná die konsekrasie word
die eskatologiese dimensie van die Eucharistie beklemtoon (vgl. 1Kor.
11:26): ‘...totdat Hy in glorie kom’. Die Eucharistie omvat ons gespanne
verwagting na die einddoel van ons lewens, deur dié Sakrament gee
Christus ons ‘n voorsmaak van die volkome vreugde wat Hy ons aanbied
(vgl. Joh. 15:11). In ‘n sekere sin is die Eucharistie ‘n vooruitwysing na die
Paradys, die ‘waarborg van die toekomstge heerlikheid’. 30 In die Eucharistie
spreek alles van ‘n vertrouvolle afwagting: ‘terwyl ons vol hoop wag op die
saligheid en die wederkoms van ons Heiland, Jesus Christus’. 31 Diegene wat
hulself laat voed met Christus in die Eucharistie hoef nie te wag tot die
hiernamaals om die ewige lewe te ontvang nie: hulle besit reeds hier op
aarde die eerste vrugte van ‘n toekomstige volheid wat die mens in sy
27 St. Efrem, Sermo IV in Hebdomadam Sanctam, in: CSCO 413/ Syr.
182, 55.
28 Anafora.
29 Derde Eucharistiese Gebed.
30 Breviarium Romanum, Magnificat-antifoon vir die Tweede
Vespers op Corpus Christi.
31 Romeinse Missaal, Embolisme ná die Onse Vader.