DOU-Ensikliek-Ecclesia de Eucharistia.vp - Die Oratorium

More documents

Recommendations

Info

51 waarmee sy Hom in haar arms vasgehou het is dié ongeëwenaarde model van liefde, waardeur ons onsself moet laat inspireer, elke keer as ons Heilige Kommunie gaan ontvang. 56. Deur haar hele lewe, nie net op Golgota nie, het Maria aan Christus se sy die offerdimensie van die Eucharistie haar eie gemaak. Toe sy haar Kind Jesus na die Tempel in Jerusalem gebring het om Hom ‘tot beskikking van die Here te stel’ (Luk. 2:22, NV), het sy gehoor hoe die bejaarde Simeon profeteer dat hierdie kind ‘n ‘teken wat weerspreek sal word’ sou wees, en dat ‘n swaard haar eie hart sou deurboor (vgl. Luk. 2:34-35). Reeds hier word die tragedie van die kruisiging van haar Seun aangekondig en gooi die Stabat Mater van Maria aan die voet van die kruis in ‘n sekere sin sy lang skaduwee vooruit. In haar daaglikse voorbereiding op Golgota kon Maria iets van ‘n ‘geantisipeerde Eucharistie’ ervaar, wat ‘n mens moontlik ‘n ‘geestelike Kommunie’ sou kon noem. ‘n Geestelike Kommunie van verlange en opoffering, wat sy hoogtepunt sou vind in Maria se eenheid met haar Seun in sy lyding. Hierdie geestelike Kommunie van Maria sou ná Pase tot uitdrukking kom in haar deelname aan die Eucharistie wat die apostels sou vier as gedagtenis aan daardie lyding. Wat moes Maria gevoel het, toe sy uit die mond van Petrus, Johannes en Jakobus en die ander apostels die woorde hoor wat by die Laaste Avondmaal gespreek is: ‘Dit is my liggaam wat vir julle gegee word…’ (Luk. 22:19)? Die Liggaam wat vir ons oorgelewer is en werklik aanwesig gemaak word onder die sakramentele tekens was dieselfde Liggaam wat sy in haar skoot ontvang het! Vir Maria moes die ontvangs van die Eucharistie in ‘n sekere sin ‘n hernude verwelkoming in haar skoot gewees het van daardie hart wat saam met haar hart geklop het en ook ‘n nuwe belewenis van dit wat sy aan die voet van die Kruis deurgemaak het. 57. ‘Doen dit tot my gedagtenis’ (Luk. 22:19). In die ‘gedagtenis’ van Golgota is alles aanwesig wat Christus met sy lyding en dood bewerkstellig het. Dit beteken, dat alles wat Christus teenoor sy Moeder vir ons heil gedoen het ook aanwesig is. Hy vertrou haar toe aan sy geliefde dissipel en, in hom, gee Hy haar aan elkeen van ons: ‘Vrou, dáár is u seun!’. Aan elkeen van ons sê Hy ook: ‘Dáár is jou moeder!’ (vgl. Joh. 19:26-27). Die gedagtenis van Christus se dood wat ons in die Eucharistie beleef, beteken ook dat Hy ons voortdurend aan sy Moeder gee. Dit beteken dat ons telkens opnuut – soos die geliefde dissipel Johannes – dié een moet aanvaar wat Christus ons as Moeder gee. Dit beteken ook dat ons onsself
52 daartoe verbind om gelykvormig aan Christus te word en om dit te doen moet ons onsself inskryf in die skool van Maria sodat sy ons kan begelei. Maria is met die Kerk en as Moeder van die Kerk in elke Eucharistieviering aanwesig. Soos die Kerk en die Eucharistie ‘n onskeibare eenheid vorm, so vorm Maria en die Eucharistie ook ‘n onskeibare eenheid. Daarom was die gedagtenis aan Maria, vanaf die vroegste tyd af altyd ‘n onderdeel gewees van die Eucharistievieringe in die Kerke van die Ooste en die Weste. 58. In die Eucharistie word die Kerk volledig verenig met Christus en sy Offer – die Kerk maak dié waarheid in die gees van Maria haar eie. Hierdie waarheid kan dan dieper verstaan word wanneer ons die Lofsang van Maria (die Magnificat) in sy Eucharistiese sin herlees. Net soos die Lofsang van Maria is die Eucharistie in die eerste plek ‘n lof- en danksegging. Toe Maria uitroep: ‘My hart besing die grootheid van die Here, my gees het hom in God, my Redder, verbly’, (Luk. 1:46-47) het sy alreeds Jesus in haar skoot gedra. Sy loof die Vader ‘deur’ Jesus, maar sy loof Hom ook ‘in’ Jesus en ‘met’ Jesus. Hierdie is presies die ware ‘Eucharistiese houding’. Tegelykertyd gedenk Maria die wonderbare dade van God in die heilsgeskiedenis, ooreenkomstig sy belofte aan ons voorouers (vgl. Luk. 1:55), en verkondig sy die alles-oortreffende wonder van die verlossende Menswording. In die Magnificat vind ‘n mens ook uiteindelik die eskatologiese spanning wat in die Eucharistie aanwesig is. Telkens wanneer die Seun van God Homself in die ‘armoedige’ sakramentele tekens van brood en wyn aan ons toon, ontkiem daar in ons wêreld die sade van die nuwe geskiedenis, waarin ‘maghebbers onttroon’ word en ‘geringes verhoog’ word (vgl. Luk. 1:52). 103 Maria besing hierdie ‘nuwe hemel’ en ‘nuwe aarde’, waarna die Eucharistie ons vooruitwys. In die Eucharistie vind ‘n mens in ‘n sekere sin die program vir hierdie nuwe hemel en aarde. Die Magnificat druk die spiritualiteit van Maria uit en hierdie spiritualiteit is vir ons ‘n groot en nuttige hulpmiddel om die Eucharistiese Geheimenis te beleef. Die Eucharistie is aan ons gegee sodat ons lewe, net soos dié van Maria, geheel en al ‘n Magnificat kan word. 103 Alle aanhalings uit die Magnificat is geneem uit Psalms en Lofgesange deur Bonaventure Hinwood, OFM (1993).
Page 1:
DIE ORATORIUM UITGEWERY KERK DOKUME
Page 5:
Eerste Afrikaanse Uitgawe November
Page 8 and 9: INLEIDING 1 1. Die Kerk leef van di
Page 10 and 11: 3 wat Hy maar kort tevore in die Sa
Page 12 and 13: 5 van Christus in die Eucharistie;
Page 14 and 15: 7 November 1947) 6 van Pius XII, en
Page 16 and 17: HOOFSTUK EEN 9 DIE GEHEIMENIS VAN D
Page 18 and 19: 11 gemeente wat dit deur die hande
Page 20 and 21: 13 15. Hierdie opnuut sakramentele
Page 22 and 23: 15 Vuur en Gees...Neem daarvan, eet
Page 24 and 25: 17 plek te maak. 33 Hier aan die be
Page 26 and 27: 19 HOOFSTUK TWEE DIE EUCHARISTIE BO
Page 28 and 29: 21 van die Kruisoffer in die Euchar
Page 30 and 31: 23 kommunie. 46 Dit is die taak van
Page 32 and 33: 25 HOOFSTUK DRIE DIE APOSTOLISITEIT
Page 34 and 35: 27 persoon van Christus die Euchari
Page 36 and 37: 29 biskoppe en priesters toevertrou
Page 38 and 39: 31 gedagte hou: ‘geen enkele Chri
Page 40 and 41: 33 die praktyk van ‘geestelike ko
Page 42 and 43: 35 beteken dit dat dié Sakrament o
Page 44 and 45: 37 gelowiges’, 82 is eenheid/geme
Page 46 and 47: 39 tot ekumeniese aktiwiteite. Ons
Page 48 and 49: 41 dit aan die sigbare bande van Ke
Page 50 and 51: 43 HOOFSTUK VYF DIE WAARDIGHEID VAN
Page 52 and 53: 45 vier, te onderstreep en te bekle
Page 54 and 55: 47 aan individue nie, maar aan hele
Page 56 and 57: 49 H OOFSTUK SES IN DIE SKOOL VAN M
Page 60 and 61: 53 S LOT 59. Ave, verum corpis natu
Page 62 and 63: 55 teenwoordigheid kan ons in die d
Page 64: D · O · U ISBN 1-919962-12 -3 DIE
show all

DOU-Ensikliek-Ecclesia de Eucharistia.vp - Die Oratorium

Create successful ePaper yourself

Delete template?

Save as template?