DOU-Ensikliek-Ecclesia de Eucharistia.vp - Die Oratorium

20
van Sinaï, wat deur die offer en die besprinkeling met bloed beseël is, 38 en
so lê die handelinge en woorde van Jesus by die Laaste Avondmaal die
grondslag vir die nuwe Messiaanse gemeenskap: Die Volk van die Nuwe
Verbond – die Kerk. Deur Jesus se uitnodiging van ‘Neem en eet...drink
almal hieruit...’(Matt. 26:26-27) in die Bovertrek aan te neem, het die
apostels vir die eerste keer ‘n sakramentele gemeenskap met Jesus
gevorm. Vanaf daardie moment tot aan die einde van die tyd word die
Kerk opgebou deur dié sakramentele gemeenskap met die Seun van God,
Hy wat vir ons geoffer is: ‘...doen dit tot my gedagtenis...so dikwels as julle
daaruit drink, tot my gedagtenis...’ (1 Kor. 11:24-25; Luk. 22:19).
22. Ons inlywing by Christus, wat met ons Doop begin het, word
voortdurend versterk en vernuwe deur ons deelname aan die Eucharistiese
Offer, veral deur ons volle deelname daaraan, wat ons deur die ontvangs
van Heilige Kommunie bereik. Ons kan sê dat nie net ontvang elkeen van
ons Christus afsonderlik nie, maar Christus ontvang ook elkeen van ons
afsonderlik. Hy sluit met elkeen van ons ‘n vriendskap: ‘Julle is my vriende...’
(Joh. 15:14). Danksy Hom het ons selfs die lewe: ‘...so sal hy wat My eet, ook
deur My lewe’ (Joh. 6:57). In die Eucharistiese kommunie word die
‘inwoning’ van die één in die ander - van Christus in ons en ons in Christus –
op die hoogste wyse verwerklik: ‘Bly in My, soos Ek in julle’ (Joh. 15:4).
Deur hierdie éénwording met Christus word die Volk van die Nuwe
Verbond – eerder dat hulle in hulself keer – ‘n ‘sakrament’ vir die hele
mensdom. 39 Dié Nuwe Verbondsvolk – die Kerk – word ‘n teken en
werktuig van die verlossing van die mensdom wat deur Christus
bewerkstellig word – ‘n lig vir die wêreld en sout vir die aarde (vgl. Matt. 5:
13-16). 40 Die sending van die Kerk is die regstreekse voortsetting van die
werk van Christus: ‘Soos die Vader My gestuur het, stuur Ek julle ook’ (Joh.
20: 21). Daarom put die Kerk uit die altyddurende teenwoordigmaking
38 ‘Toe neem Moses die bloed en gooi dit uit op die volk en sê: Dit is
die bloed van die verbond wat die Here met julle gesluit het op
grond van al hierdie woorde.’ (Ex. 24: 8).
39 vgl. Lumen gentium, 1.
40 vgl. Ibid, 9.