DOU-Ensikliek-Ecclesia de Eucharistia.vp - Die Oratorium

26
leerstellinge oor die Eucharistie by verskillende geleenthede presies
geformuleer, met inbegrip van die terminologie, om so die apostoliese
geloof met betrekking tot die Eucharistie te beskerm. Hierdie geloof bly
onveranderd en dit is van lewensbelang vir die Kerk dat dit onveranderd
bly.
28. Ten slotte is die Kerk apostolies in die sin dat ‘sy voortdurend onderrig,
geheilig en gelei word deur die apostels tot by die wederkoms van Christus
danksy diegene wat die apostels in hul pastorale taak opvolg: die kollege van
die biskoppe, wat deur die priesters bygestaan word, in eenheid met die
opvolger van Petrus, die opperherder van die Kerk’. 53 Sodat daar manne
kan wees om die apostels op te volg beskik ons oor die sakrament van
priesterwyding, dit wil sê die ononderbroke opvolging van geldige
biskopswydinge, wat teruggaan tot die tyd van die apostels. 54 Hierdie
apostoliese opvolging is van wesenlike belang vir die Kerk om as die regte
en volle Kerk te kan bestaan. Die Eucharistie druk hierdie betekenis van
apostolisiteit uit. Soos die Tweede Vatikaanse Konsilie ons leer: ‘neem die
gelowiges deur hul koninklike priesterskap aktief deel in die aanbieding van
die Eucharistiese offergawe’, 55 maar dit is die gewyde priester wat ‘in die
persoon van Christus die Eucharistiese offer voltrek en dit namens die hele
gelowige volk opdra aan God’. 56 Daarom skryf die Romeinse Missaal dit
dan ook voor dat dit alleenlik die priester is wat die Eucharistiese Gebed
bid terwyl die gemeente in stilte en gebed daaraan deelneem. 57
29. Die uitdrukking wat herhaaldelik deur die Tweede Vatikaanse Konsilie
gebruik word en waarvolgens die ‘amptelike priester...wat optree in die
53 Kategismus van die Katolieke Kerk, 857.
54 vgl. Kongregasie vir die Geloofsleer, Brief Sacerdotium
ministeriale (6 Augustus1983), III. 2, in AAS 75 (1983).
55 Lumen gentium, 10.
56 Lumen gentium, 10.
57 vgl. Institutio Generalis (Editio typica tertia), 147.