DOU-Ensikliek-Ecclesia de Eucharistia.vp - Die Oratorium

25
HOOFSTUK DRIE
DIE APOSTOLISITEIT VAN
DIE EUCHARISTIE EN VAN DIE KERK
26. As, soos ek gesê het, die Eucharistie die Kerk opbou en die Kerk die
Eucharistie maak, kan ‘n mens daaruit aflei dat daar tussen dié twee ‘n diep
verbondenheid bestaan. ‘n Mens kan op die Eucharistiese Geheimenis
dieselfde woorde toepas wat ons oor die Kerk gebruik in die
Geloofsbelydenis van Nicea-Konstantinopel: ‘Één, Heilig, Katoliek en
Apostolies’. Die Eucharistie is ook één en katoliek. Die Eucharistie is ook
heilig, ons praat dan ook van die Allerheiligste Sakrament. Maar dit is nou
veral oor die apostolisiteit van die Eucharistie waaroor ons gaan besin.
27. Wanneer die Kategismus van die Katolieke Kerk uitlê hoe die Kerk
apostolies is, d.w.s. gestig op die apostels, word drie betekenisse in hierdie
uitdrukking onderskei. Eerstens is die Kerk ‘gebou op die fondament van die
apostels’ (Ef. 2:20), dié getuies wat deur Christus self ‘gekies en uitgestuur
is’. 51 Die Eucharistie se grondslag lê ook by die apostels omdat Christus die
gawe van die Eucharistie aan sy apostels toevertrou het en so deur hulle, en
deur hul opvolgers, aan ons oorgelewer het. Deur die eeue het die Kerk
nog altyd in onafgebroke verbondenheid met die praktyk van die apostels
en gehoorsaam aan die opdrag van die Here die Eucharistie gevier. Die
tweede betekenis van die apostolositeit van die Kerk word as volg deur
die Kategismus aangegee: ‘Die Kerk bewaar met die hulp van die Heilige
Gees, wat in haar woon, die leerstellinge, die geloofskat en die heilsame
woorde wat sy van die apostels verkry het en gee hierdie deur van geslag tot
geslag.’ 52 Ook in hierdie tweede betekenis is die Eucharistie apostolies,
omdat die Eucharistie nog altyd steeds gevier word ooreenkomstig die
geloof van die apostels. In die loop van die tweeduisendjarige geskiedenis
van die Volk van die Nuwe Verbond het die Kerklike Leergesag die
51 Kategismus van die Katolieke Kerk, 857.
52 Kategismus van die Katolieke Kerk, 857.