DOU-Ensikliek-Ecclesia de Eucharistia.vp - Die Oratorium

37
gelowiges’, 82 is eenheid/gemeenskap met die Pous ‘n intrinsieke vereiste
vir die viering van die Eucharistiese Offer. Daaruit kom die diep waarheid
voort wat op verskillende maniere deur die liturgie uitgedruk word: ’elke
viering van die Eucharistie vind nie alleen plaas in eenheid met die eie
(plaaslike) biskop nie, maar ook in eenheid met die Pous en met alle biskoppe,
met alle geestelikes en met alle gelowiges. Elke geldige Eucharistiese viering
gee uitdrukking aan die universele gemeenskap/eenheid met Petrus en met
die hele Kerk. In die geval van dié Christelike kerke, wat van Rome geskei is,
vra die Eucharistie objektief na dié gemeenskap/eenheid/kommunie.’ 83
40. Die Eucharistie skep gemeenskap en koester gemeenskap. St. Paulus
skryf aan die gelowiges in Korinte en verduidelik aan hulle hoe hul
onderlinge verdeeldheid wat juis in hul Eucharistiese byeenkomste sigbaar
was, teenstrydig was met dit wat hulle daar aan die vier was, naamlik die
maaltyd van die Here. Die apostel vra hulle om die ware werklikheid van
die Eucharistie te oorpeins en terug te keer tot ‘n gees van broederlike
gemeenskap (vgl. 1Kor. 11:17-34). Op sy gewone treffende manier
verwys St. Augustinus na dié woorde van St. Paulus: ‘Julle is die liggaam van
Christus, en afsonderlik is elkeen ‘n lid daarvan...’ (1Kor. 12:27, NV), as volg:
‘As julle dus Christus se liggaam is en ledemate van Hom is, dan sal julle op die
tafel van die Here julle eie geheimenis voor jul oë vind. Ja, julle ontvang dus
eintlik die geheimenis van wie julle eintlik is, die geheimenis van jul eie
bestaan.’ 84 Op grond van hierdie waarneming besluit St. Augustinus:
‘Christus die Here...heilig aan hierdie tafel die geheimenis van ons vrede en
eenheid. Almal wat die geheimenis van die eenheid ontvang sonder om die
vrede te bewaar ontvang gevolglik geen geheimenis vir sy eie welsyn nie,
maar ‘n bewys teen homself.’ 85
41. Die besondere doeltreffendheid van die Eucharistie vir die
bevordering van eenheid/kommunie, is een van die redes vir die
82 Lumen gentium, 23.
83 Communionis notio, 4.
84 Sermo 272, in: PL 38, 1247.
85 Ibid, 1248.