DOU-Ensikliek-Ecclesia de Eucharistia.vp - Die Oratorium

HOOFSTUK EEN
9
DIE GEHEIMENIS VAN DIE GELOOF
11. ‘...dat die Here Jesus in die nag waarin Hy verraai is, brood geneem het’ (1
Kor. 11:23) en so die Eucharistiese Offer van sy Liggaam en sy Bloed
ingestel het. Die woorde van die heilige Apostel Paulus voer ons terug na
die dramatiese omstandighede waarin die Eucharistie ontstaan het. Die
Eucharistie is onuitwisbaar gemerk deur die gebeurtenis van die lyding en
dood van die Here. Die Eucharistie is nie net ‘n in-herinnering-roep van dié
gebeure nie maar die sakramentele verteenwoordiging van dié gebeure.
Die Eucharistie is die Kruis-offer wat deur die eeue voortduur. 9 Hierdie
waarheid word goed uitgedruk deur die woorde waarmee die gemeente
in die Latynse rite die verkondiging van die priester: ‘Die Geheimenis van
die geloof’ beantwoord: ‘Here, ons verkondig u dood!’
Die Kerk het nie maar net die Eucharistie van Christus, haar Here, ontvang
as een gawe te midde van baie ander gawes nie, maar as dié gawe by
uitstek. Die Eucharistie is die gawe van Christus Homself, van sy persoon in
sy heilige mensheid, as ook die gawe van sy verlossingswerk. Hierdie
gawe van die Eucharistie is nie tot die verlede beperk nie, omdat: ‘...alles
wat Christus is en alles wat Hy vir ons mense gedoen en gely het, deel
uitmaak van die goddelike ewigheid en dus alle tyd omsluit’. 10
Wanneer die Kerk die Heilige Eucharistie vier, die gedagtenis van die
dood en die opstanding van haar Here, word hierdie sentrale geheimenis
van ons verlossing werklik teenwoordig en ‘word die werk van ons
9 vgl. Tweede Vatikaanse Konsilie, Konstitusie oor die Heilige Liturgie
(Sacrosanctum concilium) 47: Salvator noster ...Sacrificium
Eucharisticum Corporis et Sanguinis sui instituit, quo Sacrificium Crucis
saecula, donec veniret, perpetuaret.
10 Kategismus van die Katolieke Kerk, 1085.