DOU-Ensikliek-Ecclesia de Eucharistia.vp - Die Oratorium

INLEIDING
1
1. Die Kerk leef van die Eucharistie. Hierdie waarheid druk nie alleen ‘n
daaglikse geloofservaring uit nie, maar is ook ‘n beknopte samevatting van
die kern van die geheimenis van die Kerk. Dit is met blydskap dat die Kerk
op allerlei maniere die voortdurende verwerkliking van Jesus se belofte
ervaar: ‘Ek is met julle al die dae tot aan die voleinding van die wêreld.’
(Matt. 28:20).
Maar in die Eucharistie, deur die verandering van die brood en van die
wyn in die Liggaam en Bloed van die Here, geniet ons hierdie
aanwesigheid van die Here met ‘n unieke intensiteit. Sedert die Kerk, die
Volk van die Nuwe Verbond, met Pinkster begin het met haar pelgrimsreis
na die hemelse vaderland, het sy met vertroue haar hoop uit hierdie
goddelike Sakrament geput.
Die Tweede Vatikaanse Konsilie het tereg onderrig dat die Eucharistiese
offer ‘die oorsprong en die hoogtepunt van die hele Christelike lewe is’ 1 ‘Want
in die Heilige Eucharistie lê al die geestelike besit van die Kerk vervat, naamlik
Christus Self, ons Paaslam en die Lewende Brood, wat deur sy Vlees in die
Heilige Gees die lewe van die opstanding en die lewewekkende lewe aan
mense skenk.’ 2 Daarom kyk die Kerk voortdurend na die Here, wat in die
Sakrament van die altaar aanwesig is; daarin ontdek die Kerk die
volledige manifestasie van sy oneindige liefde.
2. Tydens die groot Jubileum van die jaar 2000, was ek bevoorreg om die
Eucharistie te kon vier in die Bovertrek in Jerusalem; daar waar, volgens
oorlewering, Christus Self die eerste Eucharistie gevier het. Hierdie
Bovertrek is die plek waar dié Heiligste Sakrament ingestel is. Daar het
1 Tweede Vatikaanse Konsilie, Dogmatiese Konstitusie oor die Kerk
(Lumen Gentium), 11.
2 Tweede Vatikaanse Konsilie, Dekreet oor die amp en lewe van die
priesters (Presbyterorum ordinis), 5.