DOU-Ensikliek-Ecclesia de Eucharistia.vp - Die Oratorium

33
die praktyk van ‘geestelike kommunie’, wat met die verloop van die eeue in
die Kerk gevestig geraak het en hoog deur die heiliges en meesters van die
geestelike lewe aanbeveel is. Die Heilige Teresa van Jesus skryf: ‘Wanneer
jy nie Kommunie ontvang nie en nie die Heilige Mis kan bywoon nie, kan jy nog
steeds geestelike Kommunie ontvang. Hierdie oefening hou baie voordele in;
so sal jy ‘n diepe liefde vir onse Here in jouself vestig.’ 70
35. Die viering van die Eucharistie kan egter nie die beginpunt van ‘n
gemeenskap wees nie; dit veronderstel dat so ‘n gemeenskap alreeds
bestaan, ‘n gemeenskap wat deur die viering van die Eucharistie bestendig
en tot volmaaktheid gebring sal word. Die sakrament is ‘n uitdrukking van
die gemeenskapsband, sowel in sy onsigbare dimensie wat ons in Christus
deur die werking van die Heilige Gees met die Vader en onderling met
mekaar verbind, as in sy sigbare dimensie wat die gemeenskaplike geloof
in die leerstellinge van die apostels, in die sakramente en in die hiërargiese
ordening van die Kerk betref. Dié intieme verhouding wat daar bestaan
tussen die onsigbare elemente en die sigbare elemente van die Kerklike
gemeenskap bou as’t ware die Kerk op as die Sakrament van Verlossing. 71
‘n Geldige viering van en deelname aan die Eucharistie kan slegs in hierdie
konteks plaasvind. Daaruit volg dat dit ‘n intrinsieke vereiste van die
Eucharistieviering is dat dit in kommunie (gemeenskap) gevier word en wel
op so ‘n manier dat die verskillende bande van gemeenskap intak bly.
36. Die onsigare kommunie, wat onsigbaar aan die groei is, veronderstel
die lewe van genade, waardeur ons ‘deelgenote kan word van die
goddelike natuur’ (2 Pet. 1:4). Hierdie lewe van genade gaan gepaard
met die deugde van geloof, hoop en liefde. Slegs so het ons waaragtig
gemeenskap met die Vader, die Seun en die Heilige Gees. Geloof op sy
eie is nie voldoende nie, ons moet volhard in die heiligmakende genade en
in die liefde, terwyl ons sowel ‘liggaamlik’ as ‘in ons hart’ binne die Kerk
70 Camino de perfección, 35.
71 vgl. Kongregasie vir die Geloofsleer, Brief aan die biskoppe van
die Katolieke Kerk oor enkele aspekte van die Kerk as kommunie
[Communionis notio] (28 Mei 1992), 4.